ឃាត់ខ្លួនជនសង្ស័យ៣នាក់ ករណីជួញដូរ និងប្រើប្រាស់គ្រឿងញៀ.ន
- បន្ទាយមានជ័យ
ខេត្តបន្ទាយមានជ័យ ៖ នៅវេលាម៉ោង១២ និង៣០នាទីរសៀល ថ្ងៃទី២៧ ខែកុម្ភៈ ឆ្នាំ២០១៨ មុខសញ្ញជួញដូរ និងប្រើប្រាស់គ្រឿងញៀនចំនួន៣នាក់ និងវត្ថុតាង…
ខេត្តបន្ទាយមានជ័យ ៖ នៅវេលាម៉ោង១២ និង៣០នាទីរសៀល ថ្ងៃទី២៧ ខែកុម្ភៈ ឆ្នាំ២០១៨ មុខសញ្ញជួញដូរ និងប្រើប្រាស់គ្រឿងញៀនចំនួន៣នាក់ និងវត្ថុតាង ត្រូវបានកម្លាំងកងរាជអាវុធហត្ថ ក្រុងប៉ោយប៉ែត ធ្វើការចាប់ឃាត់ខ្លួននៅចំណុចម្តុំផ្សារយួន ស្ថិតនៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត កម្លាំងមូលដ្ឋានកងរាជអាវុធហ្ថក្រុងប៉ោយប៉ែត ដឹកនាំដោយលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុង បានចុះប្រតិបត្តិការបង្ក្រាបករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន នេះបើតាមលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថ ក្រុងប៉ោយប៉ែត បានបញ្ជាក់ឲ្យដឹង។ លោកវរសេនីយ៍ត្រី នួន នីណារ៉ូ បានបញ្ជាក់ទៀតថា៖ ក្រោយពីទទួលបានព័ត៌មាន ពីករណីខាងលើ និងធ្វើឡើងដោយអនុលោមតាមការណែនាំរបស់លោក សុក កែវបណ្ឌិត ព្រះរាជអាជ្ញាអមសាលាដំបូងខេត្ត។
លោកបានដឹកនាំកម្លាំងចុះប្រតិបត្តិការភ្លាមៗ និងឃាត់ខ្លួនជនសង្ស័យបានចំនួន៣១នាក់ ១-ឈ្មោះ វិន ធីលិន ហៅយាយយួន ភេទស្រី អាយុ៤៨ឆ្នាំ ជនជាតិវៀតណាម បច្ចុប្បន្នស្នាក់នៅបណ្តោះអាសន្នក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ២-ឈ្មោះ ស្រៀង ចាន់តារា ហៅជា ភេទប្រុស អាយុ៣៣ឆ្នាំ ជនជាតិខ្មែរ មានទីលំនៅមិនពិតប្រាកដក្នុងក្រុងប៉ោយប៉ែត ៣-ឈ្មោះ កែវ សារិទ្ធ ភេទប្រុស អាយុ៣០ឆ្នាំ ជនជាតិខ្មែរ បច្ចុប្បន្នស្នាក់នៅបណ្តោះអាសន្នក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត។ ព្រមទាំងចាប់យកវត្ថុតាងរួមមាន ៖ -គ្រឿងញៀនមេតំហ្វេតាមីន ទឹកកក ចំនួន១៣កូនថង់តូច ស្មើនឹង ៧.៣១ក្រាម -គ្រឿងញៀនមេតំហ្វេតាមីនគ្រាប់ ចំនួន១៤៣គ្រាប់ ជញ្ជីងសម្រាប់ថ្លឹងគ្រឿងញៀនចំនួន ០១ -ទូរស័ព្ទដៃចំនួន០២គ្រឿង (ម៉ាកសាំស៊ុងហ្គាឡាក់ស៊ី អេស៧ ពណ៌ទឹកមាស ០១គ្រឿង និងម៉ាកអូប៉ូ អេហ្វ៣ ពណ៌ផ្កាឈូក០១គ្រឿង) -ប្រាក់ខ្មែរចំនួន ២៩០.០០០រៀល -ប្រាក់បាតចំនួន ៦០០បាត -ប្រាក់ដុល្លាចំនួន ២ដុល្លារ -ចិញ្ចៀនលោហធាតុពណ៌លឿងចំនួន០២វង់ -ខ្សែដៃលោហធាតុពណ៌លឿងចំនួន០២ខ្សៃ -សៀវភៅបញ្ជីលក់គ្រឿងញៀនចំនួន ០១ក្បាល -ឧបករណ៍ជក់ និងច្រកគ្រឿងញៀនមួយចំនួន។
លោកវរសេនីយ៍ត្រី នួន នីណារ៉ូ បានបញ្ជាក់បន្ថែមថា៖ ក្រោយធ្វើការសាកសួរ និងធ្វើតេស្តទៅលើសារធាតុញៀនខាងលើ លោកបានកសាងសំណុំរឿងបញ្ជូនជនសង្ស័យ មកទីបញ្ជាការកងរាជអាវុធហត្ថខេត្ត ដើម្បីចាត់ការបន្តតាមនីតិវិធី។ លោកវរសេនីយ៍ឯក ស ប៊ុនសឿង មេបញ្ជាការរងទទួលការងារប្រយុទ្ធប្រឆាំងគ្រឿងញៀន បានបញ្ជាក់បន្ថែមថា៖ ក្រោយពីការសាកសួររបស់កម្លាំងជំនាញ និងការធ្វើតេស្តទៅលើសារធាតុញៀន បានបញ្ជាក់អោយឃើញថា ជនសង្ស័យទាំង០៣នាក់ខាងលើ ពិតជាបានជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន ពិតប្រាកដមែន និងបានកសាងសំណុំរឿងបញ្ជូនជនសង្ស័យ រួមជាមួយវត្ថុតាង ទៅតុលាការ ដើម្បីចាត់ការតាមនីតិវិធីហើយដែរ៕
ចែករំលែកព័តមាននេះ