យោងទៅតាមសេចក្តីរាយការណ៍របស់សារព័ត៌មាន Mail Online បានឲ្យដឹងថា ស្ត្រីដែលនឹងក្លាយទៅជាម្តាយគេម្នាក់ក្នុងចំណោម៤នាក់ មានបញ្ហាសុខភាពផ្លូវចិត្តមុនពេលសម្រាលកូន ។ ការពិតនោះគឺថាស្ត្រីមានផ្ទៃពោះម្នាក់ក្នុងចំណោម៤នាក់ ដែលមានបញ្ហាផ្លូវចិត្តមិនមែនជារឿងដែលគួរឲ្យភ្ញាក់ផ្អើលឡើយ ព្រោះការសិក្សា មុនៗបានបង្ហាញថា មនុស្សពេញវ័យម្នាក់ក្នុងចំណោម៦នាក់ហើយក្នុងប្រទេសអង់គ្លេស មានបញ្ហាសុខភាពផ្លូវចិត្តគ្រប់ពេលទាំងអស់។ ដូច្នេះគ្រាន់តែបញ្ចូលស្ត្រីមានផ្ទៃពោះបន្ថែមទៀតក៏មិនមានអ្វីទាស់ខុសដែរ ។
ប៉ុន្តែការសិក្សានេះមិនបានធ្វើការសង្កេតទៅលើបញ្ហាផ្លូវចិត្តលើស្ត្រីមានផ្ទៃពោះនៅទេ។ អ្នកស្រាវជ្រាវគ្រាន់តែចង់ដឹងថា តើការប្រើវិធីពិនិត្យសុខភាពរកជំងឺបាក់ទឹកចិត្តមានភាពសុក្រឹតបែបណា ដើម្បីសម្គាល់ដឹងយ៉ាងត្រឹមត្រូវលើស្ត្រីមានបញ្ហាបាក់ទឹកចិត្ត ។
សំណួរដែលគេប្រើដើម្បីពិនិត្យសុខភាពផ្លូវចិត្តនោះមានដូចជា ៖
•ក្នុងរយៈពេលប៉ុន្មានខែមុន តើអ្នកធ្លាប់មានអារម្មណ៍អស់សង្ឃឹម បាក់ទឹកចិត្ត ឬពិបាកចិត្តអ្វីដែរទេ?
•ក្នុងរយៈពេលប៉ុន្មានខែមុន តើអ្នកធ្លាប់មានអារម្មណ៍ចាប់អារម្មណ៍អ្វីមួយតិចតួច ឬសប្បាយចិត្តនូវអ្វីដែលកំពុងតែធ្វើដែរទេ?
ក្រោយពីសួរសំណួរទាំងនេះរួច អ្នកស្រាវជ្រាវបានប្រើប្រាស់តារាងសំណួរសួរកាន់តែក្បោះក្បាយបន្ថែមទៀត ដើម្បីកំណត់រោគវិនិច្ឆ័យបញ្ហាសុខភាពផ្លូវចិត្តដើម្បីចង់ដឹងថា លទ្ធផលដែលចេញមកមានការផ្គត់ផ្គង់គ្នាត្រឹមត្រូវ ឬអត់ ។
សំណួរដែលគេប្រើនោះ គឺល្អល្មមក្នុងការសម្គាល់ថា មនុស្សមានបញ្ហា ឬអត់ ហើយក្នុងនោះមានស្ត្រីប្រមាណពីរភាគបីហើយដែលឆ្លើយថាYes ដូច្នេះអាចកំណត់រោគវិនិច្ឆ័យថា មានបញ្ហាសុខភាពផ្លូវចិត្តមួយចំនួនបាន ។ យ៉ាងណាមិញ ការសិក្សានេះបានកត់សម្គាល់ដឹងអំពីបញ្ហាសំខាន់មួយថា រាល់ខាងខិតខំប្រឹងប្រែងពិនិត្យទាំងនេះ គួរតែធ្វើឡើងដោយអ្នកជំនាញខាងចិត្តសាស្ត្រ ដើម្បីសម្គាល់ដឹងថា ស្ត្រីដែលមានភាពសង្ស័យកើតជំងឺផ្លូវចិត្តក្នុងពេលមានផ្ទៃពោះភ្លាមៗ ៕
ចែករំលែកព័តមាននេះ