រាជធានីភ្នំពេញ ៖ ក្រសួងសាធារណៈការ និងដឹកជញ្ជូន និងភាគីពាក់ព័ន្ធបានប្រកាស ផ្តើមអនុវត្តយុទ្ធនាការអប់រំផ្សព្វផ្សាយដើម្បីកាត់បន្ថយការប្រើទូរស័ព្ទក្នុងពេលបើកបរក្នុងការរួមគ្នាកាត់បន្ថយគ្រោះថ្នាក់ចរាចរណ៍នៅកម្ពុជា ។ ថ្លែងក្នុងពិធីប្រកាសចាប់ផ្តើមអនុវត្តយុទ្ធនាការអប់រំផ្សព្វផ្សាយកាលពីរសៀលថ្ងៃទី២៧ ខែកុម្ភៈឆ្នាំ២០១៨ នៅមជ្ឈមណ្ឌលកិច្ចសហប្រតិបត្តិការកម្ពុជា-ជប៉ុន…
រាជធានីភ្នំពេញ ៖ ក្រសួងសាធារណៈការ និងដឹកជញ្ជូន និងភាគីពាក់ព័ន្ធបានប្រកាស ផ្តើមអនុវត្តយុទ្ធនាការអប់រំផ្សព្វផ្សាយដើម្បីកាត់បន្ថយការប្រើទូរស័ព្ទក្នុងពេលបើកបរក្នុងការរួមគ្នាកាត់បន្ថយគ្រោះថ្នាក់ចរាចរណ៍នៅកម្ពុជា ។
ថ្លែងក្នុងពិធីប្រកាសចាប់ផ្តើមអនុវត្តយុទ្ធនាការអប់រំផ្សព្វផ្សាយកាលពីរសៀលថ្ងៃទី២៧ ខែកុម្ភៈឆ្នាំ២០១៨ នៅមជ្ឈមណ្ឌលកិច្ចសហប្រតិបត្តិការកម្ពុជា-ជប៉ុន លោកស្រី មឹន មាណវី រដ្ឋ លេខាធិការក្រសួងសាធារណៈការ និងដឹកជញ្ជូនបានលើកឡើងថាការចាប់ផ្តើមយុទ្ធនាការផ្សព្វផ្សាយដើម្បីកាត់បន្ថយការប្រើប្រាស់ទូរស័ព្ទក្នុងពេលបើកបរនៅពេលនេះគឺជាការឆ្លើយតបយ៉ាងសមស្របទៅនឹងស្ថានភាពជាក់ស្តែងដែលប្រទេសកម្ពុជាកំពុងមានសន្តិសុខពេញលេញ ។ លោកស្រីបន្តថាការផ្សព្វផ្សាយនេះក៏អាចនឹងចូលរួមរំលឹកស្មារតីដល់អ្នកកំពុងបើកបរ មានប្រុងប្រយ័ត្ន និងជៀងរៀងការនិយាយទូរស័ព្ទនៅពេលបើករដែលអាចនាំឲ្យមានគ្រោះថ្នាក់កើតឡើងផងដែរ ។
លោកស្រីបញ្ជាក់ថា «យើងទាំងអស់គ្នាពិតជាបានឃើញហើយថាបច្ចុប្បន្នគ្រោះថ្នាក់ចរាចរណ៍គឺពិតជាបណ្តាលមកពីអ្នកប្រើប្រាស់ផ្លូវមួយចំនួនបានភ្លេចខ្លួនមិនបានយកចិត្តទុកដាក់ក្នុងពេលបើកបរ ឬមិនបានគោរពគោរពច្បាប់ស្តីពីចរាចរណ៍ឲ្យបានម៉ឺងម៉ាត់ដោយបានបើកបរក្នុងល្បឿនលឿន មិនគោរពសិទ្ធិអាទិភាព វ៉ាជែង ឬបត់ដោយប្រថុយប្រថាន ជាពិសេសការប្រើប្រាស់ទូរស័ព្ទក្នុងពេលបើកបរ» ។
លោកស្រីរដ្ឋលេខាធិការក៏បានលើកឡើងថា យុទ្ធនាការអប់រំផ្សព្វផ្សាយដើម្បីកាត់បន្ថយការប្រើប្រាស់ទូរស័ព្ទមិមានឧបករណ៍បន្តសម្តេងក្នុងពេលបើកបរដែលជាផ្នែកមួយនៃកម្មវិធីស្តីពីការប្រើប្រាស់ផ្លូវប្រកបដោយសុវត្ថិភាព ដែលត្រូវប្រកាសបើកដំណើរការកាលពីថ្ងៃទី៣ ខែតុលា ឆ្នាំ២០១៧ ដែលមានយុវជនគំរូបដើម្បីសុវត្ថិភាពចរាចរណ៍ និងនិស្សិតសាលវិទ្យាល័យដៃគូជាអ្នកអនុវត្តយុទ្ធនាការនេះ គឺជាពិតជាមានប្រសិទ្ធិភាពខ្ពស់ក្នុងការជួយឲ្យអ្នកប្រើប្រាស់ផ្លូវយកចិត្តទុកដាក់ប្រុងប្រយ័ត្នក្នុងការធ្វើចរាចរណ៍ហើយខិតខំគោរពឲ្យបាននូវច្បាប់ស្តីពីចរាចរណោ៍ផ្លូវគោក ឈានទៅបឈ្ឈប់គ្រប់សកម្មភាពនានាដែល បង្កគ្រោះថ្នាក់ចរាចរណ៍ពិសេសការប្រើប្រាស់ទូរស័ព្ទក្នុងពេលបើកបរ ៕
ចែករំលែកព័តមាននេះ