បើកការដ្ឋានជួសជុលផ្លូវមួយខ្សែប្រវែង៨គីឡូម៉ែត្រ
- បន្ទាយមានជ័យ
ខេត្តបន្ទាយមានជ័យ ៖ លោកឧត្តមសេនីយ៍ទោ អាត់ ខែម ស្នងការនគរបាលបាលខេត្តបន្ទាយមានជ័យ រួមដំណើរដោយ លោកឧត្តមសេនីយ៍ត្រី ស៊ីវ សុជាតិ…
ខេត្តបន្ទាយមានជ័យ ៖ លោកឧត្តមសេនីយ៍ទោ អាត់ ខែម ស្នងការនគរបាលបាលខេត្តបន្ទាយមានជ័យ រួមដំណើរដោយ លោកឧត្តមសេនីយ៍ត្រី ស៊ីវ សុជាតិ…
ខេត្តបន្ទាយមានជ័យ ៖ លោកឧត្តមសេនីយ៍ទោ អាត់ ខែម ស្នងការនគរបាលបាលខេត្តបន្ទាយមានជ័យ រួមដំណើរដោយ លោកឧត្តមសេនីយ៍ត្រី ស៊ីវ សុជាតិ ស្នងការរង ទទួលផែនភស្តុភារ-ហិរញ្ញវត្ថុ នៅរសៀលថ្ងៃទី២៦ ខែកុម្ភៈ ឆ្នាំ២០១៨ បានចុះពិនិត្យការដ្ឋានជួសជុលផ្លូវ១ខ្សែ ដែលមានប្រវែង៨គីឡូម៉ែត្រនៅភូមិបឹងស្នោរ ឃុំស្លក្រាម ស្រុកស្វាយចេក ខេត្តបន្ទាយមានជ័យ និងនាំយកអំណោយជាគ្រឿងឧបភោគ បរិភោគ រួមទាំងថវិកា របស់លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិ ប្រយុទ្ធប្រឆាំងគ្រឿងញៀន ជាប្រធានក្រុមការងារថ្នាក់កណ្តាល ចុះជួយខេត្តបន្ទាយមានជ័យ ទៅប្រគល់ឲ្យប្អូនអ្នកបើកបរគ្រឿងចក្រឈូសឆាយជួសជុលផ្លូវនេះផងដែរ ។
នៅឱកាសនោះ លោកឧត្តមសេនីយ៍ទោ អាត់ ខែម បានផ្តាំផ្ញើដល់ប្អូនៗអ្នកជួសជុលផ្លូវ គឺធ្វើយ៉ាងណាត្រូវយកចិត្តទុកដាក់ក្នុងធ្វើផ្លូវនេះ ឲ្យបានជាប់យូរអង្វែង ដើម្បីបងប្អូនប្រជាពលរដ្ឋនៅភូមិបឹងស្នោរនេះ គាត់ធ្វើដំណើរបានស្រួល ពិសេសគឺដើម្បីកូនចៅរបស់គាត់ទៅសាលារៀន និងដឹកអ្នកជំងឺនិងស្ត្រីឈឺពោះឆ្លងទន្លេទៅមន្ទីរពេទ្យបានឆាប់រហ័ស ដោយមិនជាប់រអិលដូចកាលពីមុននោះទៀតឡើយ ។ ចំពោះការជួសជុលនេះ ដំបូងគឺក្រាសជើងក្រោម រួចយកគ្រួសថ្មភ្នំមកចាក់ពីលើ ដើម្បីឲ្យជាប់បានយូរ ។
លោកឧត្តមសេនីយ៍ទោស្នងការបានបន្តថា ការជួសជុលផ្លូវ១ខ្សែ ក្នុងភូមិបឹងស្នោរនេះ គឺត្រូវបានឧបត្ថម្ភដោយ លោកឧបនាយករដ្ឋមន្ត្រី កែ គឹមយ៉ាន តាមរយៈលោក សេង ស៊ីណារិន សមាជិក្រុមការងារថ្នាក់កណ្ដាល ចុះជួយខេត្តបន្ទាយមានជ័យ បានជួយជាគ្រឿងចក្រ និងរថយន្តដឹកដី និងរូបលោកជួយជាប្រេងម៉ាស៊ូតចំនួន៥ពាន់លីត្រផងដែរ ។
លោកស្នងការបានបញ្ជាក់ថា នៅពេលនេះ លោកបាននាំយកអំណោយជាគ្រឿងឧបភោគបរិភោគមាន អង្ករ១០០គ.ក្រ, ត្រីខចំនួន១កេស, ទឹកត្រី៥យួរ, ទឹកស៊ីអ៊ីវ៥យួរ, ប៊ីចេង៥កញ្ចប់, អំបិលអ៊ីយ៉ូត៥កញ្ចប់, ខ្ទឹម១គ.ក្រ និងថវិកាមួយចំនួន មកប្រគល់ជូនជូនប្អូនៗអ្នកបើកគ្រឿងចក្រសម្រាប់ការហូបចុកប្រចាំ ថ្ងៃ ។ ជាមួយក្នានោះដែរ លោកមេភូមិក៏បានថ្លែងនូវអំណរគុណ ដល់ លោក សេង ស៊ីណារិន និងលោកឧត្តមសេនីយ៍ទោអាត់ ខែម ពិសេស លោកឧបនាយករដ្ឋមន្ត្រី កែ គឹមយ៉ាន ដែលបានផ្តល់អំណោយជួសជុលផ្លូវក្នុងភូមិបឹងស្នោរនេះ ដែលរយៈកន្លងមកប្រជាពលរដ្ឋនៅទីនេះជួបការលំបាកជាង១០ឆ្នាំមកហើយ ហើយការជួសជុលនេះគឺដោយគ្រួសថ្មភ្នំមកធ្វើតែម្តង សង្ឈឹមថាផ្លូវនេះនឹងប្រើប្រាស់បានយូរអង្វែង ៕
ចែករំលែកព័តមាននេះ