រាជធានីភ្នំពេញ ៖ គេមិននឹកស្មានថា តារាកំប្លែងនាយចយយំយ៉ាងខ្លាំងបែបនេះទេ នៅពេលដឹងថា ខ្លួនមានវាសនារកបានត្រើយសុភមង្គលមានភរិយាទាំងដឹងថា មុខមាត់មិនសម។ យ៉ាងណាលោករំជួលចិត្តស្រក់ទឹកភ្នែកតែម្តង នៅពេលឃើញមនុស្សជុំវិញខ្លួនអាណិតស្រឡាញ់គាំទ្រ រហូតផ្តល់ជាទឹកចិត្តចំណាយពេលវេលាមានតម្លៃជូនពរជ័យថ្ងៃដ៏សិរីមង្គលនេះ។…
រាជធានីភ្នំពេញ ៖ គេមិននឹកស្មានថា តារាកំប្លែងនាយចយយំយ៉ាងខ្លាំងបែបនេះទេ នៅពេលដឹងថា ខ្លួនមានវាសនារកបានត្រើយសុភមង្គលមានភរិយាទាំងដឹងថា មុខមាត់មិនសម។ យ៉ាងណាលោករំជួលចិត្តស្រក់ទឹកភ្នែកតែម្តង នៅពេលឃើញមនុស្សជុំវិញខ្លួនអាណិតស្រឡាញ់គាំទ្រ រហូតផ្តល់ជាទឹកចិត្តចំណាយពេលវេលាមានតម្លៃជូនពរជ័យថ្ងៃដ៏សិរីមង្គលនេះ។
មង្គលការនាយចយ និងប្រពន្ធវ័យក្មេងកាលពីយប់មិញនេះ បានធ្វើឱ្យតារាកំប្លែងរូបនេះ និងក្រុមគ្រួសារអររំភើបដោយមិននឹកស្មានថា ភ្ញៀវកិត្តិយសចូលរួមជាអធិបតីច្រើនរហូតដល់កូនថ្នាក់នាយករដ្ឋមន្ត្រីក៏បានចូលរួមផ្តល់សា្នមញញឹមដល់ប្តីប្រពន្ធវ័យក្មេងមួយគូនេះដែរ។
នៅក្នុងមង្គលការនេះ ក៏មានវត្តមានលោក ហ៊ុន ម៉ាណែត និងលោក ហ៊ុន ម៉ានី បានផ្តល់កិត្តិយសចូលរួមជូនពរដល់តារាកំប្លែងលោក ភិច សែ ហៅនាយចយ ហើយស្រាប់តែឈានដល់ពិធីកាត់នំ ក៏វត្តមានកូនថ្នាក់ដឹកនាំលំដាប់ប្រទេសបានបង្ហាញក្នុងពិធីធ្វើឱ្យកូនកំលោះនាយចយ អររំភើប ហើយឡើងថ្លែងអំណរគុណទាំងបង្ហូរទឹកភ្នែក ដោយមិននឹកស្មានថា នាយចយដែលតែងតែក្អាកក្អាយផ្តល់សំណើចដល់ទស្សនិកជនបាននិយាយទាំងហូរទឹកភ្នែកលើវេទិកាថា «លោកសូមអរគុណដល់បងប្រុសទាំង២ គឺឯកឧត្តម ហ៊ុន ម៉ាណែត និងឯកឧត្តម ហ៊ុន ម៉ានី ឆ្លៀតចំណាយពេលវេលាផ្តល់កិត្តិយសនៅថ្ងៃមង្គលការ ដោយរកពាក្យនិយាយមិនចេញ ព្រោះរំភើបណាស់»។
បន្ថែមពីនេះនាយចយ ក៏ជូនពរដល់សម្តេចតេជោ ដែលខិតខំកសាងប្រទេសជាតិមិនគិតពីការនឿយហត់ ដើម្បីសេចក្តីសុខប្រជាជន សូមបារមីថែរក្សាក្រុមគ្រួសារសម្តេចឱ្យជួបប្រទះសេចក្តីសុខ ហើយបន្តគ្រប់គ្រងប្រទេសជាតិតទៅទៀត។ នាយចយក៏យំសំពះអរគុណនាយក្រឹម ដែលបានយកលោកមកសម្តែងតាំងពីនៅតូច រហូតដល់វ័យ២៥ឆ្នាំ មានតែនាយក្រឹមនេះហើយជាអ្នកមានគុណជួយដល់រូបលោកបានថ្ងៃនេះ បន្ទាប់ពីឪពុកម្តាយបង្កើតធ្វើឱ្យនាយក្រឹមសប្បាយចិត្ត កូនចៅបានឆ្លងដល់ត្រើយសុភមង្គល។
នាយចយឆ្លើយទៀតថា លោកនឹងខិតខំតស៊ូបំពេញការងារសិល្បៈនេះ ឱ្យល្អ ទោះជាលំបាកបែបណា ដើម្បីឱ្យក្លាយជាមេគ្រួសារមួយដ៏ល្អ។ លោកថា ខ្លួនត្រូវតែប្រឹងរកស៊ី ដើម្បីឱ្យបានលុយយកទៅទិញផ្ទះជាកម្មសិទ្ធិខ្លួនឯង គ្រាពេលនេះនៅផ្ទះជួលគេនៅឡើយ។ ចំណែករឿងយកកូនក៏ផ្អាក១ឆ្នាំ ឬ២ឆ្នាំសិន ដើម្បីរួមគ្នាជាមួយភរិយារកស៊ីសន្សំលុយ។
ចែករំលែកព័តមាននេះ