រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា ទិដ្ឋភាពនៅមណ្ឌលកម្សាន្តរ៉ក ក្រោយពីត្រូវបានភ្លើងឆេះហើយ ចាប់តាំងពីវេលាម៉ោង៤ និង២៥នាទីល្ងាចមិញ រហូតមកដល់ពេលព្រឹកថ្ងៃទី២៨ ខែកុម្ភៈ ឆ្នាំ២០១៨នេះ នៅមានរថយន្តពន្លត់អគ្គិភ័យចំនួនពី៤ ទៅ៥គ្រឿង នៅធ្វើសកម្មភាពបាញ់ទឹកពន្លត់នៅឡើយ ។
តាមសេចក្តីរាយការណ៍បានបន្តថា ដោយបានឆេះបំផ្លាញអស់អគារខាងក្រោយអស់ទាំងស្រុង និងបន្ទប់ខារាអូខេ អគារខាងមុខ របស់មណ្ឌលកម្សាន្តរ៉ក់អស់មួយចំនួនធំផងដែរ ។
ប្រភពដដែលបានបន្តទៀតថា ក្នុងករណីពាក់ពន្ធ័ទៅនឹងអគ្គិភ័យដ៏ធំមួយនេះដែរ ដែលបានឆេះបំផ្លាញមណ្ឌលកម្សាន្តរ៉កឆេះអស់រយៈពេលជាច្រើនម៉ោងនោះ និងស្ទើរតែឆេះទាំងស្រុងនេះ គេមិនទាន់ដឹងពីមូលហេតុអ្វីនៅឡើយទេ ៕
ចែករំលែកព័តមាននេះ