ផ្តល់ជូនការវះកាត់កែសុដន់ ដើម្បីកាត់បន្ថយភាពក្រីក្រ
ឥណ្ឌា ៖ តាមប្រភពព័ត៌មាន Oddity Central បានឲ្យដឹងថា រដ្ឋ Tamil Nadu នៃប្រទេសឥណ្ឌា…
ឥណ្ឌា ៖ តាមប្រភពព័ត៌មាន Oddity Central បានឲ្យដឹងថា រដ្ឋ Tamil Nadu នៃប្រទេសឥណ្ឌា…
ឥណ្ឌា ៖ តាមប្រភពព័ត៌មាន Oddity Central បានឲ្យដឹងថា រដ្ឋ Tamil Nadu នៃប្រទេសឥណ្ឌា បានសម្រេចវិធានការកាត់បន្ថយភាពក្រីក្រ ដោយផ្តល់ជូនការវះកាត់កែសុដន់ដល់អ្នកដែលក្រខ្សត់ ដោយមិនគិតថ្លៃ។
គេធ្លាប់លឺតែ ការផ្តល់ជូនទឹកស្អាត និងសេវាកម្មសុខភាពដោយមិនគិតថ្លៃ ជាវិធានការជួយដល់អ្នកក្រីក្រ។ តែនេះពិតជាមិនដែលលឺទាល់តែសោះ។
រដ្ឋមន្ត្រីក្រសួងសុខាភិបាល លោក C Vijaya Baskar បានមានប្រសាសន៍ប្រាប់ Times of India ថា៖ «ហេតុអ្វីបានជាសេវាខាងសម្ភស្សមិនមានសម្រាប់អ្នកក្រ?
ប្រសិនបើយើងមិនផ្តល់ជូនដល់ពួកគេទេ គេអាចនឹងទៅធ្វើការវះកាត់ផ្តេសផ្តាស ហើយអាចបណ្តាលទៅជារឿងធំចំពោះសុខភាព និងអាចជំពាក់បំណុលគេទៀតផង»។
លោកបានបន្តទៀតថា ស្ត្រីជាច្រើននាក់ ចង់ធ្វើការវះកាត់សុដន់នេះមិនមែនគ្រាន់តែបញ្ហាសម្រស់នោះទេ។ អ្នកខ្លះសុដន់ធំពេក ធ្វើឲ្យពិបាកក្នុងការដើរ ហើយធ្វើឲ្យចុកខ្នង។ ក្រៅពីនេះ អាចមកពីពួកគេមានបញ្ហាមហារីកនៅតំបន់សុដន់។ អ្នកខ្លះទៀត អាចមកពីសុដន់តូចពេក មិនមានជំនឿចិត្តលើខ្លួនឯង។
គួរបញ្ជាក់ផងដែរថា រដ្ឋមួយនេះក៏ធ្លាប់សម្រេចផ្តល់ជូនគ្រឿងអលង្ការ និងទីកន្លែងប្រារព្ធពិធី ដល់អ្នកក្រីក្រ នៅពេលរៀបការដោយមិនគិតថ្លៃផងដែរ។ នេះពិតជាគោលការណ៍ ដ៏សែនកម្រមែន៕
ចែករំលែកព័តមាននេះ