យោងតាមមូលនិធិស្រាវជ្រាវជំងឺមហារីកចក្រភពអង់គ្លេសឱ្យដឹងថា កាត់បន្ថយការទទួលទានអំបិលគឺអាចជួយកាត់បន្ថយការកើតមានមហារីកក្រពះ ។ ក្រុមអ្នកវិទ្យាសាស្ត្ររបស់មូលនិធិនេះប៉ាន់ប្រមាណថា មួយក្នុងចំណោម៧ករណីនៃជំងឺមហារីកក្រពះអាចនឹងត្រូវជៀសវាងបានតាមរយៈបន្ថយការទទួលទានអំបិល ។
យោងតាមមូលនិធិស្រាវជ្រាវជំងឺមហារីកចក្រភពអង់គ្លេសឱ្យដឹងថា កាត់បន្ថយការទទួលទានអំបិលគឺអាចជួយកាត់បន្ថយការកើតមានមហារីកក្រពះ ។ ក្រុមអ្នកវិទ្យាសាស្ត្ររបស់មូលនិធិនេះប៉ាន់ប្រមាណថា មួយក្នុងចំណោម៧ករណីនៃជំងឺមហារីកក្រពះអាចនឹងត្រូវជៀសវាងបានតាមរយៈបន្ថយការទទួលទានអំបិល ។
បច្ចុប្បន្នមានមនុស្សជាច្រើនយល់យ៉ាងច្បាស់ថា ការប្រើអំបិលច្រើនជ្រុលនៅក្នុងអាហារប្រចាំថ្ងៃបង្កើនហានិភ័យពីជំងឺឡើងឈាម ដាច់សរសៃឈាមក្នុងខួរក្បាល និងជំងឺបេះដូង ប៉ុន្តែពួកគេទាំងនោះពិតជាមិនធ្លាប់បានដឹងអំពីទំនាក់ទំនងរវាងអំបិល និងមហារីកក្រពះទេ ។វេជ្ជបណ្ឌិត Rachel Thompsonអនុប្រធានផ្នែកវិទ្យាសាស្ត្ររបស់មូលនិធិស្រាវជ្រាវមហារីកពិភពលោក(WCRF)បានថ្លែងថា៖«យើងចង់ឱ្យប្រជាជនបានដឹងអំពីទំនាក់ទំនងរវាងអំបិលនិងមហារីកក្រពះ »។
ស្ថិតិដែលប្រមូលបានដោយមូលនិធិស្រាវជ្រាវជំងឺមហារីកចក្រភពអង់គ្លេសបានបង្ហាញថា ការប្រើប្រាស់អំបិលប្រចាំថ្ងៃជាមធ្យមគឺ ៨,៦ក្រាម ។ ចំនួននេះគឺច្រើនជាង៤០%លើសចំនួនកំណត់ប្រចាំថ្ងៃត្រឹម៦ក្រាម ។ វេជ្ជបណ្ឌិត Thompsonបានបន្ថែមថា ៖«សព្វថ្ងៃនេះ មនុស្សមួយចំនួនធំកំពុងប្រើប្រាស់អំបិលប្រចាំថ្ងៃក្នុងបរិមាណច្រើន ។
ដោយសារតែមហារីកក្រពះជាជំងឺដែលគេអាចដឹងច្បាស់នៅពេលវាកើតមានទៅហើយនោះ ដូច្នេះមានអ្នកជំងឺប្រមាណជា១៥%ប៉ុណ្ណោះអាចរួចរស់ជីវិតបានរយៈពេលជាង៥ឆ្នាំនេះ ។ បញ្ហានេះបានធ្វើឱ្យអំបិលក្លាយជាមូលហេតុនៃការស្លាប់ដោយមហារីកនៅចក្រភពអង់គ្លេសលំដាប់ទី៧ ៕
ចែករំលែកព័តមាននេះ