រាជធានីភ្នំពេញ ៖ ឆ្លើយនឹងសំនួរអ្នកកាសែត «ចំពោះការដុតទីងមោងរូប សម្តេចតេជោ ហ៊ុន សែន និងប្រឆាំងនឹងវត្តមានរបស់ សម្តេចតេជោ ប្រមុខរាជរដ្ឋាភិបាលកម្ពុជានៅប្រទេសអូស្ត្រាលី និងប្រទេសមួយចំនួនដែល សម្តេចតេជោ គ្រោងអញ្ជើញទៅចូលរួមប្រជុំនៅប្រទេសអូស្ត្រាលី នៅពេលខាងមុននេះ ក្រសួងការបរទេសយល់យ៉ាងណា ឬតវ៉ាណាដែរ?»
លោក ជុំ សុន្ទរី អ្នកនាំពាក្យក្រសួងការបរទេស នៅព្រឹកថ្ងៃទី២៧ ខែកុម្ភៈ ឆ្នាំ២០១៨ បានលើកឡើងថា «ចំពោះបញ្ហានេះ ក្រសួងការបរទេសចាត់ទុកថា ជាសកម្មភាពមួយដែលធ្វើឲ្យប៉ះពាល់យ៉ាងខ្លាំងទៅដល់កិត្តិយស និងភាពថ្លៃថ្នូរបស់ថ្នាក់ដឹកនាំកំពូលរបស់ប្រទេសកម្ពុជា ។ ក្រសួងការបរទេសសូមថ្លោលទោសចំពោះករណីនេះ ។ ពេលនេះក្រសួងការបរទេសកំពុងសម្របសម្រួលតាមការទូតនៅបណ្តាប្រទេសទាំងនោះ ។»
លោកថា «នៅពេលនេះ ក្រសួងការបរទេសកំពុងតែចាត់វិធានការធ្វើការសម្របសម្រួលតាមផ្លូវការទូតជាមួយប្រទេសអូស្ត្រាលី ដើម្បីធានាឲ្យមានការគោរពចំពោះកិត្តិយស និងភាពថ្លែថ្នូរបស់ថ្នាក់ដឹកនាំកម្ពុជា ជាពិសេសពេល សម្តេចតេជោ អញ្ជើញចូលរួមកិច្ចប្រជុំពិសេសនៅខែមីនា នាក្រុងស៊ីដនី ប្រទេសអូស្ត្រាលីខាងមុខនេះ តាមការអញ្ជើញរបស់អូស្ត្រាលី ៕
ចែករំលែកព័តមាននេះ