រាជធានីភ្នំពេញ ៖ គ្រោះថ្នាក់ចរាចរដ៏ចំលែកមួយបានកើតឡើងរវាងម៉ូតូហុងដាឌ្រីមបានបុកជាមួយនឹងម៉ូតូស្កុបពី បណ្តាលឲ្យបុរសម្នាក់រងរបួសសន្លប់ស្តូកស្តឹង លុះដល់ពេលដឹងខ្លួនវិញស្រាប់តែឃើញនៅសល់តែម៉ូតូម៉ាកឆាលីមួយគ្រឿង ដែរមិនមែនជារបស់ជនរងគ្រោះទៅវិញ ហេតុការណ៍នេះបង្កឲ្យមានការភ្ញាក់ផ្អើលឡើងកាលពីវេលាម៉ោង១០និង៣០នាទីយប់ ថ្ងៃទី២៦ ខែកុម្ភៈ ឆ្នាំ២០១៧…
រាជធានីភ្នំពេញ ៖ គ្រោះថ្នាក់ចរាចរដ៏ចំលែកមួយបានកើតឡើងរវាងម៉ូតូហុងដាឌ្រីមបានបុកជាមួយនឹងម៉ូតូស្កុបពី បណ្តាលឲ្យបុរសម្នាក់រងរបួសសន្លប់ស្តូកស្តឹង លុះដល់ពេលដឹងខ្លួនវិញស្រាប់តែឃើញនៅសល់តែម៉ូតូម៉ាកឆាលីមួយគ្រឿង ដែរមិនមែនជារបស់ជនរងគ្រោះទៅវិញ ហេតុការណ៍នេះបង្កឲ្យមានការភ្ញាក់ផ្អើលឡើងកាលពីវេលាម៉ោង១០និង៣០នាទីយប់ ថ្ងៃទី២៦ ខែកុម្ភៈ ឆ្នាំ២០១៧ ជិតនឹងស្ថានីយបូបទឹកស្អុយបឹងទំពុន ផ្លូវ៣៧១ ភូមិត្នោតជ្រុំ៣ សង្កាត់បឹងទំពុន២ ខណ្ឌមានជ័យ ។
តាមប្រភព័ត៌មានពីប្អូនប្រជាពលរដ្ឋដែលរស់នៅកន្លែងកើតហេតុបានឲ្យដឹងថា មុនពេលកើតហេតុ ពួកគាត់ដឹងថា មានម៉ូតូចំនួន២គ្រឿងបានជិះបុកគ្នាពេញទំហឹង ដោយមួយគ្រឿងម៉ាកហុងដាឌ្រីម ពណ៌ខ្មៅ មិនចាំស្លាកលេខ និងមួយគ្រឿងទៀតម៉ាកស្កុបពី ពណ៌ស មិនចាំស្លាកលេខដូចគ្នា ម៉ូតូទាំងពីគ្រឿងនេះធ្វើដំណើរពីទិសដៅពីណាទៅទិសដៅណានោះដែរ នៅពេលដែលគ្រោះថ្នាក់ ស្រាប់តែឃើញបុរសម្នាក់សន្លប់ស្តូកស្តឹងនៅផ្លូវហើយឃើញបុរស២នាក់ទៀតបានលើកម៉ូតូដែលបង្កគ្រោះថ្នាក់ទាំងពីរគ្រឿងជិះចេញទៅបាត់អស់ទៅ ដោយបន្សល់ទុកបុរសម្នាក់សន្លប់ស្តូកស្ដឹង ក៏បានហៅរថយន្តសង្គ្រោះឲ្យមកដឹក ជនរងគ្រោះយកទៅសងគ្រោះតែរថយន្តសង្គ្រោះបានមកដល់ បុរសជាជនរងគ្រោះរូបនោះបានដឹងខ្លួនវិញ ហើយមានអាការស្រវឹងវង្វេងវង្វាន់ ពេលនោះដែរ បានដើរឡើងទៅជិះម៉ូតូឆាលី ពណ៌ខៀវមួយគ្រឿង ដែលទុកចោលនៅលើចិញ្ចើមផ្លូវម្ខាងទៀត តែពេលនោះដែលបងប្អូនប្រជាពលរដ្ឋបានប្រាប់គាត់ថា ម៉ូតូឆាលីនេះមិនមែនជារបស់គាត់នោះទេ ហើយម៉ូតូរបស់គាត់ត្រូវបានគេលើជិះយកទៅបាត់ហើយ ។
ក្នុងហេតុការណ៍នេះដែរ បន្តិចក្រោយមកឃើញមានសមត្ថកិច្ចមូលដ្ឋានបានចុះទៅកន្លែងកើតហេតុ រួចហើយបានសួរនាំទៅបុរសរងគ្រោះរូបនោះ បែរជាបុរសរូបនោះស្រវឹងវង្វេងវង្វាន់និយាយលែងដឹងអ្វីទាំងអស់ ហើយបាននិយាយាថា ម៉ូតូឆាលីនេះជារបស់ខ្លួន តែបងប្អូនប្រជាពលរដ្ឋបានប្រកែកថា មិនមែននោះទេ ។ ក្រោយពេលកើតហេតុ ដោយសារតែជនរងគ្រោះស្រវឹងខ្លាំងពេក និយាយលែងដឹងខ្លួនខុសត្រូវ ក៏សមត្ថកិច្ចបានសម្រេចចិត្តនាំជនរងគ្រោះ និងម៉ូតូឆាលីមួយគ្រឿង យកទៅរក្សាទុកនៅប៉ុស្តិ៍នគបាលបឹងទំពន់២ និងចាំឲ្យជនរងគ្រោះស្វាងស្រវឹងទើបដឹងសួររកខុសត្រូវឃើញ ៕
ចែករំលែកព័តមាននេះ