យោងទៅតាមសារព័ត៌មាន Metro បានឲ្យដឹងថា ចម្លើយដើម្បីមានអាយុវែងនោះគឺការទទួលទានសណ្តែកដី ។ រឿងនេះកើតឡើងក្រោយពីការសិក្សាមួយដែលធ្វើទៅលើការទទួលទានសណ្តែកដី ។ ការសិក្សានេះតាមដានទៅលើគ្រូពេទ្យស្រី៧៦៤៦៤នាក់ និងប្រុស៤២៤៩៨នាក់ ក្នុងប្រទេសអង់គ្លេសរយៈពេល៣០ឆ្នាំ ។
អ្នកចូលរួមទាំងអស់ត្រូវបានគេសួរអំពីការទទួលទានសណ្តែកដីរបស់ពួកគេតាំងពីពេលចាប់ផ្តើមសិក្សា និងជារៀងរាល់២ឆ្នាំម្តង ។ ការស្លាប់ក្នុងពេលសិក្សាត្រូវបានគេតាមដាន។ អ្នកស្រាវជ្រាវបានរកឃើញថា ការទទួលទានសណ្តែកដីមានជាប់ទាក់ទងនឹងការថយចុះនៃការស្លាប់ដោយសារមូលហេតុគ្រប់យ៉ាងក្នុងពេលសិក្សា ហើយកាលណាពួកគេទទួលទានសណ្តែកដីកាន់តែច្រើន ការឆាប់ស្លាប់ក៏ថយចុះ ។
ការទទួលទានសណ្តែកដី២៨ក្រាម ពី៧ដងឡើងទៅក្នុងមួយសប្តាហ៍ មានជាប់ទាក់ទងនឹងការថយចុះការស្លាប់រហូតដល់២០ភាគរយ ។ យ៉ាងណាមិញ ការសិក្សានេះមិនអាចបង្ហាញនូវមូលហេតុ និងឥទ្ធិពលនៃការទាក់ទងគ្នានេះបានទេ ។ ដូចអ្វីដែលសារព័ត៌មានជាច្រើនបាននិយាយគឺថា អ្នកចូលរួមសិក្សាដែលទទួលទានសណ្តែកដីញឹកញាប់គឺមានសុខភាពល្អជាងអ្នកមិនបានទទួលទាន ហើយពួកគេក៏មិនទំនងជាជក់បារី តែហាត់ប្រាណច្រើនទៀតផង ។
អ្វីដែលគួរឲ្យភ្ញាក់ផ្អើលនោះគឺថា អ្នកចូលរួមសិក្សាទាំងនេះក៏ទំនងជាញ៉ាំគ្រឿងស្រវឹងកាន់តែច្រើនដែរ ។ ថ្វីបើកត្តាទាំងនេះត្រូវបានកែសម្រួលហើយក៏ដោយ តែវាអាចមានលក្ខណៈខុសគ្នា ផ្សេងៗទៀត ដែលមិនត្រូវបានកែរសម្រួល។
ការស្រាវជ្រាវនេះសបញ្ជាក់នូវសារមួយថា សណ្តែកដីអាចជាផ្នែកមួយនៃរបបអាហារផ្តល់សុខភាព និងមានតុល្យភាព ប៉ុន្តែយើងគួរតែកុំប្រើអំបិលជាមួយល្អជាង ៕
ចែករំលែកព័តមាននេះ