ខេត្តស្ទឹងត្រែង ៖ សេចក្តីរាយការណ៍បន្តឱ្យដឹងថា កូនស្រីបង្កើត២នាក់បានសម្រេចដាក់ពាក្យបណ្តឹងប្តឹងឪពុករបស់ខ្លួន ដោយឱ្យកម្លាំងនគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តចុះចាប់ខ្លួន ដោយពួកគេអះអាងថា ឪពុកបង្កើតរូបនេះ បានធ្វើសកម្មភាពចាប់រំលោភទាំង២នាក់បងប្អូនតែម្តង ។ ការឃាត់ខ្លួនធ្វើឡើងកាលពីល្ងាចថ្ងៃទី២៥ កុម្ភៈ ម្សិលមិញនេះ ។
សេចក្តីរាយការណ៍បន្តថា ជនសង្ស័យជាឪពុកឈ្មោះឆាយ សុភ័ណ្ឌ អាយុ៤០ឆ្នាំ ជាកសិករ និងជាប្រជាការពារ រស់នៅភូមិវាលព្រីង ។ យោងតាមប្រភពពីកូនស្រីច្បងប្រាប់នគរបាលថា ពួកនាងៗមានការឈឺចាប់ខ្លាំងណាស់ ព្រោះតែកើតមកជាកូនគាត់ដូចទុកសម្រាប់ទុកបំពេញចំណង់តណ្ហាអុីចឹង ធ្វើឱ្យពួកខ្ញុំត្រូវចងចាំមិនភ្លេច និងមានវិប្បដិសារីពេញមួយជីវិតទៀត ។
កូនស្រីបន្តថា រឿងដែលបានកើតឡើងចំពោះនាង នាងមិនអាចបំភ្លេចទៅហើយ កាលជំនាន់នាងនៅវ័យប្រហាក់ប្រហែលនឹងប្អូនស្រីនេះ ។ ស្រាប់តែវាបានកើតឡើងជាលើកទីពីរមកលើប្អូនស្រីខ្លួន ដែលទើបតែមានអាយុ១២ឆ្នាំនេះទៀត ដូច្នេះ ពួកនាងមិនអាចទ្រាំបានតទៅទៀតទេ ។ ទោះបីជាយ៉ាងណា ជនសង្ស័យជាឪពុក នៅតែមិនព្រមឆ្លើយសារភាពនូវទង្វើរបស់ខ្លួននោះទេ ។
គួររំលឹកថា បន្ទាប់ពីទទួលបានពាក្យបណ្តឹងពាក់ព័ន្ធករណីឪពុកបង្កើតបានចាប់រំលោភកូនស្រីខ្លួនឯងនោះ នៅល្ងាចថ្ងៃទី២៥ កុម្ភៈ ត្រូវបានកម្លាំងនគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តចុះឃាត់ខ្លួនជនសង្ស័យជាឪពុក ដើម្បីសាកសួរនៅល្ងាចថ្ងៃទី២៥ កុម្ភៈ ។ ក្មេងរងគ្រោះអាយុ១២ឆ្នាំ ជាកូនស្រីបង្កើតរបស់ជនសង្ស័យ ។ បើតាមក្មេងរងគ្រោះបានអះអាងប្រាប់សមត្ថកិច្ចថា រូបនាងពិតជាមានការឈឺចាប់ណាស់ នូវទង្វើរបស់ឪពុកឪពុកនាងណាស់ ។ នាងដឹងគ្រប់យ៉ាង ក្នុងពេលដែលឪពុកធ្វើសកម្មភាពចាប់នាងរំលោភនោះ ដោយបានគំរាមនាងមិនឱ្យស្រែក ហើយយកក្រណាត់មករុំមុខ និងត្រកងបីនាងដើរចូលទៅក្នុងព្រៃស្ងាត់ ។ នាងបន្តថា ក្រោយមក ឪពុកនាងបានសម្រាតខោអាវរួចចាប់រំលោភរហូតបានសម្រេចតែម្តង ។
ចែករំលែកព័តមាននេះ