រាជធានីភ្នំពេញ ៖ រាជរដ្ឋាភិបាលកម្ពុជាបានហៅការបង្កើតគណវិស្វករកម្ពុជាឡើង ដើម្បីប្រមូលផ្តុំ និងគ្រប់គ្រងវិស្វករទូទាំងប្រទេសមកចុះបញ្ជីនៅគណវិស្វករកម្ពុជា និងដើម្បីអប់រំបណ្តុះបណ្តាលបង្កើនសមត្ថភាពបច្ចេកទេស គ្រប់មុខជំនាញវិជ្ជា ជីវៈវិស្វកម្មឲ្យមានគុណភាព ប្រសិទ្ធភាព សុវត្ថិភាព ស្ថិរភាព ប្រកបដោយការទទួលខុសត្រូវខ្ពស់ លើវិជ្ជាជីវៈ វិស្វកម្មកាន់តែល្អ ក្នុងការការពារកិត្តិយសសេចក្តីថ្លៃថ្នូរដល់វិស្វករ និងរួមចំណែកថែ រក្សាលើកស្ទួយអត្តសញ្ញាណជាតិ ។
លោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុ មប្រឹក្សាគណៈវិស្វករកម្ពុជា មានប្រសាសន៍លើកឡើងបែបនេះ នាឱកាសដឹកនាំកិច្ចប្រជុំ លើកដំបូងជាមួយក្រុមប្រឹក្សាគណៈវិស្វករកម្ពុជា ថ្ងៃទី២៦ ខែកុម្ភៈ ឆ្នាំ២០១៨ នៅទីស្តីការក្រសួងការងាថា រាជរដ្ឋាភិបាលបានចាត់ទុកការបង្កើតគណៈវិស្វករកម្ពុជាចូលរួមចំណែករក្សា និងលើកស្ទួយ អត្តសញ្ញាណជាតិ ។
លោកបញ្ជាក់ថា វិស្វករគ្រប់មុខជំនាញវិជ្ជាជីវៈវិស្វកម្ម ត្រូវតែមកចុះបញ្ជីនៅគណៈវិស្វករកម្ពុជា ដែលជាបុព្វលក្ខខណ្ឌ ព្រោះបើមិនមកចុះបញ្ជីបានន័យថា វិស្វករនោះមិនអាចទទួលគោរមងារជា វិស្វករអាជីពជាតិ វិស្វករអាស៊ាន និងវិស្វករអាជីពឆ្នើមអាស៊ានបានទេ ព្រោះមានតែស្ថាប័នគណៈវិស្វករកម្ពុជានេះទេ ដែលអាចផ្តល់គោរមងារជាវិស្វករអាជីពដែលច្បាប់ផ្តល់សិទ្ធិឲ្យជាធរមាន ។ ទន្ទឹមនឹងនេះគណៈវិស្វករកម្ពុជាក៏ជាអ្នកវាយតម្លៃ និងធ្វើបែបបទសម្រាប់ទទួលគោរមងារបន្ថែមជា វិស្វករអាស៊ាន និងវិស្វករអាជីពឆ្នើម អាស៊ានបន្ថែមទៀត ។
ក្នុងពេលបច្ចុប្បន្ន គណៈវិស្វករកម្ពុជាបានកែសម្រួលសមាសភាពក្រុមប្រឹក្សា គណៈវិស្វករកម្ពុជាត្រូវទទួលខុសត្រូវចំពោះរាជរដ្ឋាភិបាល ដែលមានសម្តេចអគ្គមហាសេនាបតីតេជោនាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានកិត្តិយសដ៏ខ្ពង់ខ្ពស់នៃគណៈវិស្វករកម្ពុជា ។ គណៈវិស្វករមានតួនាទីសំខាន់ដូចខាងក្រោម ៖ អនុម័តគោល នយោបាយយុទ្ធសាស្ត្រ ផែនការ សកម្មភាព បទបញ្ជាផ្ទៃក្នុង និងក្រមសីលធម៌របស់គណៈ វិស្វករកម្ពុជា រួមមាន៖ តាមដានត្រួតពិនិត្យដំណើរការប្រព្រឹត្តទៅរបស់គណៈវិស្វករកម្ពុជា , ផ្តល់យោបល់ដល់អគ្គលេខាធិការដ្ឋានគណៈវិស្វករកម្ពុជា , សម្របសម្រួល និងដោះស្រាយវិវាទផ្សេងៗ របស់គណៈវិស្វករកម្ពុជា , ផ្តល់យោបល់ក្នុងការចុះបញ្ជីវិស្វករអាជីពជាតិ និងអន្តរជាតិការលើកទឹកចិត្ត និងដាក់ពិន័យ ។ ភារកិច្ចមួយទៀតជាការចាំបាច់ ក្រុមប្រឹក្សាគណៈវិស្វករកម្ពុជាត្រូវប្រជុំយ៉ាងតិច ក្នុងមួយឆ្នាំម្ដង ។ ក្នុងករណីចាំបាច់ ប្រធានអាចកោះប្រជុំវិសាមញ្ញបាន ។
លោករដ្ឋមន្ត្រីបានសំណូមពរមួយចំនួនដល់សមាជិក សមាជិការនៃក្រុមប្រឹក្សា គណៈ វិស្វករកម្ពុជាដូចមានខាងក្រោម ៖ ត្រូវយកចិត្តទុកដាក់នូវភារកិច្ចដែលរាជរដ្ឋាភិបាលប្រគល់ជូន ក្នុងការជួយជំរុញឲ្យគណៈវិស្វករកម្ពុជាប្រព្រឹត្តទៅដោយរលូន និងជួយដោះស្រាយនូវសំណូមពរចាំបាច់ទាំងឡាយរបស់អង្គភាពប្រតិបត្តិនេះ ក្នុងនោះរួមមាន៖ ក្រសួងស្ថាប័នពាក់ព័ន្ធ ដែលបានបញ្ជូនមន្ត្រីមានបទពិសោធន៍ ខាងវិស័យជំនាញវិស្វកម្មមក ចូលរួមក្នុងសមាសភាពក្រុមប្រឹក្សាគណៈវិស្វករកម្ពុជា សូមមេត្តាជួយបង្ក លក្ខណៈ ងាយស្រួលក្នុងការអញ្ជើញចូលរួមប្រជុំក្នុងក្រុមប្រឹក្សាគណៈវិស្វករកម្ពុជា និងមេត្តាជួយ សម្រួលដល់មន្ត្រីទាំងនោះ និងវិស្វករអាជីពឆ្នើមអាស៊ាន អភិបាលនៃគណៈអភិបាលរាជធានី-ខេត្ត ដែលបញ្ជូនវិស្វករ ដើម្បីបង្កើតក្រុមប្រឹក្សាគណៈវិស្វកររាជធានី-ខេត្ត ត្រូវជ្រើសរើសវិស្វករអាជីព និងវិស្វករចុះបញ្ជី ។
លោករដ្ឋមន្ត្រីដែលជាប្រធានក្រុមប្រឹក្សាគណៈ វិស្វករកម្ពុជាលោកបានកោតសរសើរដល់គណៈវិស្វករ កម្ពុជាដែលបានខិតខំបំពេញភារកិច្ចរបស់ខ្លួនកន្លង មកប្រកបដោយផ្លែផ្កា ក្នុងនោះបានទទួលវិស្វករ ចុះបញ្ជីវិស្វករនៅ គណៈវិ ស្វករកម្ពុជា គិតត្រឹមថ្ងៃទី៣១ ខែធ្នូ ឆ្នាំ២០១៧ មានចំនួន ៣០៤៥នាក់ ។
ចំពោការងារ និងទិសដៅដែលត្រូវអនុវត្តនៅពេលខាងមុខរបស់គណៈវិស្វករកម្ពុជារួមមាន ៖ កែសម្រួលលិខិតបទដ្ឋានគតិយុត្ត និងបង្កើតលិខិតបទដ្ឋានផ្សេងៗ ជំរុញឲ្យវិស្វករជាតិចូលរួមជាអតិបរមាក្នុងសន្និសីទ និងសិក្ខាសាលាថ្នាក់ជាតិ និងអន្តរជាតិ ។ ជំរុញការផ្សព្វផ្សាយឲ្យបានទូលំទូលាយដល់វិស្វករជាតិ និងបរទេស ដែលកំពុងប្រកបវិជ្ជាជីវៈវិស្វកម្មនៅក្នុងព្រះរាជាណាចក្រកម្ពុជា ឲ្យមកបំពេញបែបបទ សុំចុះបញ្ជីវិស្វករ នៅគណៈ វិស្វករកម្ពុជា ដើម្បីឲ្យស្របតាមច្បាប់ នៃព្រះ រាជាណាចក្រកម្ពុជា ជំរុញការចុះបញ្ជីយុវវិស្វករអាស៊ាន និងវិស្វករអាស៊ាន ឲ្យបានច្រើនទៅតាមការគ្រោងទុក និងជំរុញការចុះបញ្ជីវិស្វករអាជីពវិស្វករអាស៊ាន និងវិស្វករអាជីពឆ្នើមអាស៊ានឲ្យបានចំនួនច្រើនបន្ថែមទៀត ៕
ចែករំលែកព័តមាននេះ