ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា កាលពីវេលាម៉ោង០៧ និង៣០នាទីព្រឹកថ្ងៃទី២៦ កុម្ភៈមានការភ្ញាក់ផ្អើលមួយ ក្រោយប្រជាពលរដ្ឋ និងមន្ត្រីរាជការកំពុងធ្វើដំណើរតាមវិថីឯករាជ្យ មកដល់ចំណុចទល់មុខមន្ទីរអប់រំយុវជន និងកីឡាខេត្ត…
ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា កាលពីវេលាម៉ោង០៧ និង៣០នាទីព្រឹកថ្ងៃទី២៦ កុម្ភៈមានការភ្ញាក់ផ្អើលមួយ ក្រោយប្រជាពលរដ្ឋ និងមន្ត្រីរាជការកំពុងធ្វើដំណើរតាមវិថីឯករាជ្យ មកដល់ចំណុចទល់មុខមន្ទីរអប់រំយុវជន និងកីឡាខេត្ត ស្ថិតក្នុងក្រុម០៩ភូមិ០២ សង្កាត់លេខ០៣ ក្រុងព្រះសីហនុប្រទះឃើញសាកសពស្ត្រីអនាថាម្នាក់មិនស្គាល់អត្តសញ្ញាណ ក្រោមដើមឈើមួយកន្លែង ។
បើតាមប្រភពនៅកន្លែងកើតហេតុថា សាកសពស្ត្រីអនាថាដេកស្លាប់មិនស្គាល់អត្តសញ្ញាណទេ ពាក់អាវយឺតដៃខ្លីពណ៌ខ្មៅ ខោជើងវែងពណ៌ទឹកប៊ិច ។ សាកសពមានចេកទុំមួយស្និតដាក់នៅក្នុងថង់ផ្លាស្ទិក និងគ្មានឯកសារសម្គាល់អត្តសញ្ញាណនោះឡើយ ។ តាមការឱ្យដឹងពីពលរដ្ឋវិញថា ជារៀងរាល់ថ្ងៃ គេតែងឃើញស្ត្រីខាងលើ មានប្តីហេងស៊យម្នាក់ដែលទើបតែមករួមរស់ជាមួយគ្នា បានរយ:ពេលប្រមាណជា២ខែប៉ុណ្ណោះមានកាយសម្បទារស្គមកំព្រឹងដូចគ្នា និងមានកូនស្រីម្នាក់ មានអាយុប្រមាណជា៨ ទៅ០៩ឆ្នាំ ។ ដោយពួកគេទាំង៣នាក់ ប្រកបរបរដើររើសអេតចាយ ។
ប្រភពបន្តថា ក្នុងពេលកើតហេតុនេះ បុរសដែលជាប្តីបាននាំកូនស្រីរត់គេចខ្លួនបាត់ បន្សល់ទុកសាកសពនៅកន្លែងកើតហេតុខាងលើ ។ តាមការរសន្និដ្ឋានជាបឋមរបស់សមត្ចកិច្ចមូលដ្ឋានខាងលើ បានបញ្ជាក់ថាសាកសពស្ត្រីអនាថា ស្លាប់ដោយសារខ្យល់គរ ។
ចែករំលែកព័តមាននេះ