រាជធានីភ្នំពេញ ៖ ទីតាំងជល់មាន់លួចលាក់មួយកន្លែង ស្ថិតនៅតាមផ្លូវរថភ្លើង ក្នុងភូមិចុងខ្សាច់ សង្កាត់ទួលសង្កែ១ ត្រូវបានកម្លាំងនគរបាលខណ្ឌឫស្សីកែវ សហការណ៍នឹងនគរបាលតាមប៉ុស្តិ៍ និងប្រជាការពារចុះបង្ក្រាប ដោយឃាត់ខ្លួនអ្នកញៀន ល្បែងភ្នាល់ចំនួន៥នាក់ ដកហូតមាន់៣ក្បាល និងម៉ូតូមួយចំនួនទៀត។ ប្រតិការបង្ក្រាបសង្វៀន មាន់ចល័តនេះធ្វើឡើងនៅវេលាម៉ោងប្រមាណ ៣ និង៣០នាទីរសៀល ថ្ងៃទី២៥ ខែកុម្ភៈ ឆ្នាំ២០១៨។ ទន្ទឹមនោះធ្វើឲ្យក្រុមអ្នកភ្នាល់មាន់រត់ប្រសាច ទាំងភិតភ័យផងដែរ។
តាមព័ត៌មានបានឲ្យដឹងថា នៅវេលារសៀលនោះក្រុមអ្នកញៀនល្បែងជល់មាន់ បានណាត់ជួបប្រមូលផ្តុំគ្នាជល់មាន់យ៉ាងពពាក់ពពួកគ្នា នៅក្នុងដីឡូត៍ទំនេរមួយកន្លែង។ ខណៈដែលកំពុងតែ សប្បាយនឹងល្បែងកម្លាំងនគរបាល ចុះបង្ក្រាបធ្វើឲ្យក្រុមអ្នកញៀនល្បែងភ្នាល់នាំគ្នា រត់ប្រសាចយករួចខ្លួនអស់។ លោកអនុសេនីយ៍ទោ ម៉ៅ ចាន់ថុន នាយផ្នែកប្រឆាំងគ្រឿងញៀន នៃអធិការដ្ឋាននគរបាលខណ្ឌឫស្សីកែវ បានឲ្យដឹងថា ទីតាំជល់មាន់នេះលួចលាក់បើកលេង ដោយ ចល័តយូរៗលេងម្តង។
ដោយមានការស្រាវជ្រាវដឹងថា ក្រុមអ្នកញៀនមាន់បានណាត់គ្នាជល់ និងមានបទបញ្ជាពីលោកវរៈសេនីយ៍ឯ កទៀង ច័ន្ទសារ អធិការនគរបាលខណ្ឌឫស្សីកែវ លោក ក៏បានដឹកនាំកម្លាំងទៅសហការណ៍ជាមួយកម្លាំងនគរបាលតាមបណ្តាលប៉ុស្តិ៍ និងប្រជាការពារ ចុះបង្ក្រាបតែម្តង។ លោកនាយផ្នែករូបនោះបានឲ្យដឹងទៀតថា នៅក្នុងការចុះបង្ក្រាបទីតាំងជល់មាន់ សមត្ថកិច្ចឃាត់ខ្លួន អ្នកភ្នាល់មាន់ចំនួន៥នាក់ ដកហូតម៉ូតូ៤គ្រឿង មាន់៣ក្បាល ព្រមទាំងសម្ភារមួយចំនួនទៀត បញ្ជូនទៅកាន់អធិការដ្ឋាន ដើម្បីសាកសួរ និងចាត់ការតាមច្បាប់៕
https://youtu.be/XyGEQWfX9SU
ចែករំលែកព័តមាននេះ