រាជធានីភ្នំពេញ ៖ រៀបចំក្រុមមិនទាន់បានប៉ុន្មានឆ្នាំស្រួលបួលផង ក្រុមតារាបង្ហាញម៉ូដអិលភីបានបង្ហាញខ្លួននៅលើទីផ្សារគួរឲ្យកត់សម្គាល់ ដោយស្ទើរតែគ្រប់កម្មវិធី ធំៗ ក្រុមនេះដណ្ដើមបានទីផ្សារមិនសូវបាត់មុខទេ។ ធៀបនឹងក្រុមបង្ហាញម៉ូដល្បី ក្រុមនេះទទួលបានការងារតែក្នុងរយ:ពេលខ្លីប៉ុណ្ណោះ ដោយអះអាងថា…
រាជធានីភ្នំពេញ ៖ រៀបចំក្រុមមិនទាន់បានប៉ុន្មានឆ្នាំស្រួលបួលផង ក្រុមតារាបង្ហាញម៉ូដអិលភីបានបង្ហាញខ្លួននៅលើទីផ្សារគួរឲ្យកត់សម្គាល់ ដោយស្ទើរតែគ្រប់កម្មវិធី ធំៗ ក្រុមនេះដណ្ដើមបានទីផ្សារមិនសូវបាត់មុខទេ។ ធៀបនឹងក្រុមបង្ហាញម៉ូដល្បី ក្រុមនេះទទួលបានការងារតែក្នុងរយ:ពេលខ្លីប៉ុណ្ណោះ ដោយអះអាងថា មានធនធានតារាបង្ហាញម៉ូដល្អ និងការពូកែទាក់ទងរបស់មេក្រុម ។
កញ្ញាមុំ ស្រីលាភ ប្រធានក្រុមតារាបង្ហាញម៉ូដអិលភី ឱ្យដឹងកាលពីពេល ថ្មីៗកន្លងមកថា សម្រាប់ការចាប់ទីផ្សាររបស់នាងមិនមែនចេះតែធ្វើ ឬ លំៗឱ្យតែពីរួចដៃទេ គ្រាន់តែនាងប្រកាសជាផ្លូវការភ្លាម នាងនិយាយការងារ និងទទួលការងារជាមួយម្ចាស់កម្មវិធី និងអ្នកដឹកនាំផ្ទាល់តែម្តងដោយមិនទទួលការងារ តៗគ្នាឡើយ ខ្លាចប៉ះពាល់ដល់មុខមាត់ និងក្រុមការងារផ្ទាល់ទាំងមូល ។ ការងារក្រុមបង្ហាញម៉ូដនេះ នាងបានដាក់ទិសទៅមុខដោយជឿជាក់លើស្នាដៃ និងបទពិសោធន៍កន្លងមករបស់នាងក្នុងវិស័យសិល្បៈអស់រយៈពេលជាច្រើនឆ្នាំមកហើយ ។
LP ដែលជាក្រុមម៉ូដែលទទួលស្គាល់ពីបណ្តាកម្មវិធីរបស់ក្រសួង ធំៗ និងពិធីការ ធំៗនោះ កញ្ញាមុំ ស្រីលាភ ឲ្យដឹងថា ក្រុមតារាបង្ហាញម៉ូដរបស់នាងសុទ្ធតែមនុស្សចេញពីកម្មវិធីហ្វ្រេសស៊ី កម្មវិធីពេជ្រកំពុងច្នៃ និងជាតារាល្បីពីផលិតកម្ម ធំៗផងដែរ ដោយមានធនធាន និងសក្តានុពល ទាំងការដើរម៉ូដ ថតស្ប៉ត និងថតកុនបានទាំងអស់ ដោយត្រូវម្ចាស់កម្មវិធីជាច្រើនវាយតម្លៃក្នុងកម្រិតA ។
អ្នកដឹកនាំក្រុម LP និយាយថា នាងចាប់ធ្វើជាអ្នកដឹកនាំក្រុមតារាបង្ហម៉ូដជូនកម្មវិធីជាច្រើនមកហើយចាប់តាំងពីឆ្នាំ២០១៦មក ដោយក្នុងដៃមានក្រុមអ្នកបង្ហាញម៉ូដ និងតារាសិល្បៈប្រុសស្រីទាំងល្បី និងវ័យក្មេងស្រស់ស្អាត ប្រមាណជិត៣០០នាក់ សម្រាប់ឆ្លើយទៅនឹងតម្រូវការគ្រប់កម្មវិធី ឬសម្រាប់ការថតខ្សែភាពយន្តដែលបណ្តាផលិតកម្មក្នុងស្រុកត្រូវការតួ ។ សម្រាប់យីហោឈ្មោះរបស់នាងក្នុងសិល្បៈនរណាក៏ស្គាល់ដោយសរសើរ និង វាយតម្លៃលើក្រុមការងាររបស់LPថាមិនឱ្យម្ចាស់កម្មវិធីខកចិត្ត ឬមានបញ្ហាសម្រាប់ប្រការណាមួយឡើយ។ អ្វីដែលចំណុចពិសេសមួយទៀតរបស់LP នោះ គឺនៅពេលម្ចាស់កម្មវិធីហៅក្រុមការងារបង្ហាញម៉ូដរបស់នាងធ្វើការពេលណា ក្រុមនាងក៏ផ្តល់ការជំរុញ និងផ្សព្វផ្សាយឱ្យមហាជនស្គាល់កាន់ខ្លាំងឡើងនូវម្ចាស់កម្មវិធីនោះ ដោយផ្តល់ភាពទុកចិត្តយ៉ាងជាក់ច្បាស់ ៕
ចែករំលែកព័តមាននេះ