ពិតជាមិនធម្មតាមែន BOOSTRONG ROCK ON FIRE នៅក្រុងព្រះសីហនុយប់ថ្ងៃសៅរ៍នេះ មានសុទ្ធតែចង្វាក់រ៉ក រ៉ក ប្រជុំដោយតារាល្បីៗកប់សេរីតែម្ដង ធ្វើឲ្យឆ្នេរអូរឈើទាលពេញដោយមនុស្សណែនណាន់តាន់តាប់ និងការលោតកញ្ច្រោលសប្បាយតាមចង្វាក់រ៉ក គ្រប់ៗគ្នា។
ពិតជាមិនធ្លាប់មានមែននៅឆ្នេរអូរឈើទាល កំពូលតារាចម្រៀងលោក ព្រាប សុវត្តិ ច្រៀងចង្វាក់រ៉កធ្វើឲ្យផ្អើលអ្នកគាំទ្រហោកញ្ច្រាវលោតតាមចង្វាក់រ៉កស្ទើរមិនគួរឲ្យជឿ។ ហើយលើលពីនេះទៅទៀត កំពូលតារាលេងសំលេងរ៉ក គឺលោក វង្ស ដារារតនា បានច្រៀងឆ្លងឆ្លើយបទរ៉ក រ៉កជាមួយអធិរាជសំលេង POP គឺលោក ព្រាប សុវត្តិ រឹតតែកក្រើកហួសការស្មានទាំងបងប្អូនអ្នកក្រុងព្រះសីហនុផ្ទាល់ ទាំងអ្នកទស្សនាតាមកញ្ចក់ទូរទស្សន៍ឈរមិនហ្នឹងអង្គុយមិនសុខញាក់ខ្លួនកក្រុកតាមចង្វាក់ភ្លេងសប្បាយគ្រប់គ្នា។
មិនមែនមានតែប៉ុណ្ណឹងទេ BOOSTRONG ROCK ON FIRE ក៏នៅមានតារារ៉ក រ៉ក កញ្ញា រ៉េត ស៊ូហ្សាណា ច្រៀងចង្វាក់រ៉ក រ៉ក រួមគ្នាជាមួយកញ្ញា សុខ សីឡាលី យ៉ាងអស្ចារ្យគួរឲ្យកោតសរសើរនូវសំលេងដ៏ស្រួយស្រះយ៉ាងពីរោះរណ្ដំ។
នៅរាត្រីនេះផងដែរ តារាទាំងអស់ក៏បានច្រៀងចម្រៀងចង្វាក់រ៉ករួមគ្នារឹតតែធ្វើឲ្យទស្សនិកជន និងបងប្អូននៅក្រុងព្រះសីហនុ រំភើបសប្បាយរីករាយមិនចង់ឲ្យការប្រគំតន្ត្រីដ៏អស្ចារ្យមួយនេះបានត្រូវបានបញ្ចប់ឡើយ។
គួរបញ្ជាក់ផងដែរថា នារាត្រីថ្ងៃសៅរ៍ ទី24 កុម្ភៈ នេះ ក្រុមហ៊ុនភេសជ្ជៈប៉ូវកំលាំង បូសស្ត្រង បានរៀបចំការប្រគំតន្ត្រីបែបរ៉ក រ៉ក ដ៏ធំមួយមិនធ្លាប់មានពីមុនមកនៅឆ្នេរអូរឈើទាល ក្រោមការចូលរួមយ៉ាងច្រើនកុះករពីសំណាក់បងប្អូននៅឆ្នេរអូរឈើទាលផ្ទាល់ ព្រមទាំងមានរង្វាន់ទូរទស្សន៍ SMART TV និងម៉ូតូកាលីបយុវវ័យ Kawasaki ចែកជូនបងប្អូនយើងនៅក្រុងព្រះសីហនុ បានឈ្នះរង្វាន់ជាច្រើនគ្រឿងទៀតផង។
ចែករំលែកព័តមាននេះ