រាជធានីភ្នំពេញ ៖ ជនសង្ស័យពីរនាក់ជាមុខសញ្ញាកាច់សោ.កម៉ូតូយ៉ាងសកម្មជាច្រើនលើក ហើយតែងតែមានសំណាងរត់គេចខ្លួនរួចរហូត ប៉ុន្តែពេលនេះបានអស់លក្ខណ៍ហើយ ដោយត្រូវនគរបាលប៉ុស្តិ៍ចោមចៅ២ឃាត់ខ្លួនបាន ក្នុងពេលពួកគេជិះម៉ូតូ១គ្រឿងចេញធ្វើសកម្មភាព លុះពេលជិះទៅដល់គោលដៅត្រួតពិនិត្យអាវុធជាតិផ្ទុះ ពួកគេបានបត់ត្រឡប់ក្រោយវិញ ។…
រាជធានីភ្នំពេញ ៖ ជនសង្ស័យពីរនាក់ជាមុខសញ្ញាកាច់សោ.កម៉ូតូយ៉ាងសកម្មជាច្រើនលើក ហើយតែងតែមានសំណាងរត់គេចខ្លួនរួចរហូត ប៉ុន្តែពេលនេះបានអស់លក្ខណ៍ហើយ ដោយត្រូវនគរបាលប៉ុស្តិ៍ចោមចៅ២ឃាត់ខ្លួនបាន ក្នុងពេលពួកគេជិះម៉ូតូ១គ្រឿងចេញធ្វើសកម្មភាព លុះពេលជិះទៅដល់គោលដៅត្រួតពិនិត្យអាវុធជាតិផ្ទុះ ពួកគេបានបត់ត្រឡប់ក្រោយវិញ ។ ប៉ុន្តែត្រូវបាននគរបាលដេញតាម ធ្វើឱ្យពួកគេភ័យស្លន់ស្លោ បានជិះម៉ូតូជ្រុលទៅបុកជាមួយម៉ូតូ១គ្រឿងទៀតបណ្ដាលឱ្យដួល ទើបត្រូវនគរបាលចាប់ខ្លួនបានទាំង២នាក់តែម្ដង ។ ហេតុការណ៍នេះ កើតឡើងកាលពីវេលាម៉ោង៤រសៀលថ្ងៃទី២៣ កុម្ភៈ ស្ថិតនៅតាមផ្លូវវ៉េងស្រេង ស្ថិតក្នុងភូមិចោមចៅ សង្កាត់ចោមចៅ២ ខណ្ឌពោធិ៍សែនជ័យ ។
ប្រភពឱ្យដឹងថា ជនសង្ស័យដែលចាប់ខ្លួន ម្នាក់ឈ្មោះមៀន សុភ័ក្ត្រា អាយុ២៨ឆ្នាំ ជាមេការហាងម៉ាស្សាយីហោ «៤៤៤៤» ស្ថិតនៅក្នុងភូមិដំណាក់ធំ២ សង្កាត់ស្ទឹងមានជ័យ ២ ខណ្ឌមានជ័យ និងម្នាក់ទៀតឈ្មោះលីម សុវណ្ណ ប៊ុនជេប អាយុ១៩ឆ្នាំ មុខរបរមិនពិតប្រាកដ មានទីលំនៅក្នុងភូមិប៉ប្រកខាងត្បូង សង្កាត់កាកាប២ ខណ្ឌពោធិ៍សែនជ័យ ។
ប្រភពដដែលបន្តទៀតថា នៅមុនពេលកើតហេតុ ជនសង្ស័យទាំង២នាក់នេះ ជិះមូតូម៉កហុងដាMSX ពណ៌ខ្មៅ១គ្រឿង អត់ស្លាកលេខ តាមផ្លូវវ៉េងស្រេង ក្នុងបំណងដើរធ្វើសកម្មភាពកាច់សោ.កម៉ូតូ ។ លុះពេលទៅដល់ត្រង់ចំណុចកើតហេតុ ឃើញកម្លាំងនគរបាលប៉ុស្តិ៍ កំពុងដាក់គោលដៅត្រួតពិនិត្យអាវុធជាតិផ្ទុះនិងចាប់ម៉ូតូអត់មួក អត់កញ្ចក់និងអត់ស្លាលេខ ។ ស្រាប់តែជនសង្ស័យទាំង២នាក់នោះ បានជិះម៉ូតូបត់ត្រឡប់ក្រោយវិញ លុះពេលឃើញបែបនេះ នគរបាលបានដេញតាមភ្លាមៗដែរ ជាហេតុធ្វើឲ្យជនសង្ស័យមានការភ័យស្លន់ស្លោរ ហើយក៏បានជ្រុលទៅបុកជាមួយម៉ូតូអ្នកដំណើរ១គ្រឿងផ្សេងទៀត បណ្ដាលឲ្យដួលក៏ត្រូវនគរបាលចាប់ខ្លួនបានទាំង២នាក់ ។
ចែករំលែកព័តមាននេះ