តំណាងស្ថានទូតថៃ ស្វែងយល់អំពីច្រកចេញចូលកម្ពុជា-ថៃ
- បាត់ដំបង
ខេត្តបាត់ដំបង ៖ លោកឧត្តមសេនីយ៍ត្រី សារ៉ាយុទ្ធ ប៊ុនជឺ (SARAYUT BOONJEU) សេនានុព័ន្ធយោធាស្ថានទូត នៃព្រះរាជាណាចក្រថៃ ប្រចាំទីក្រុងភ្នំពេញ…
ខេត្តបាត់ដំបង ៖ លោកឧត្តមសេនីយ៍ត្រី សារ៉ាយុទ្ធ ប៊ុនជឺ (SARAYUT BOONJEU) សេនានុព័ន្ធយោធាស្ថានទូត នៃព្រះរាជាណាចក្រថៃ ប្រចាំទីក្រុងភ្នំពេញ…
ខេត្តបាត់ដំបង ៖ លោកឧត្តមសេនីយ៍ត្រី សារ៉ាយុទ្ធ ប៊ុនជឺ (SARAYUT BOONJEU) សេនានុព័ន្ធយោធាស្ថានទូត នៃព្រះរាជាណាចក្រថៃ ប្រចាំទីក្រុងភ្នំពេញ បានចូលជួបសម្តែងការគួរសម ជាមួយលោក ងួន រតនៈ គណអភិបាលខេត្តបាត់ដំបង នៅសាលាខេត្ត នៅវេលាថ្ងៃត្រង់ទី២៣ ខែកុម្ភៈ ឆ្នាំ២០១៨។ លោកឧត្តមសេនីយ៍ត្រី សារ៉ាយុទ្ធ ប៊ុនជឺ សេនានុព័ន្ធយោធាស្ថានទូតថៃ បានបញ្ជាក់ពី គោលបំណងស្វែងយល់អំពីសភាពការណ៍ខ្លះៗផ្តល់ភាពងាយស្រួលដល់ប្រជាជន អាជីវករ សុខមាលភាព និងការងារមន្ត្រីរាជការទាំងសងខាងនៃប្រទេសកម្ពុជា ថៃ ដោយផ្តោតសំខាន់ទៅលើ ច្រកចេញចូល(គីឡូ១៣-ខៅឌិន) ក្នុងស្រុកសំពៅលូន ខេត្តបាត់ដំបង ដែលត្រៀមប្រកាសបើក នាពេលឆាប់ៗខាងមុខនេះ ទៅតាមការព្រមព្រៀងគ្នារវាងរាជរដ្ឋាភិបាលនៃប្រទេសទាំងពីរ ឲ្យទៅជាច្រកអន្តរជាតិ និងផ្តល់ភាពងាយស្រួលដល់ប្រជាជនចេញចូលដោយស្របច្បាប់ ចៀសវាងការភ័ន្តច្រឡំណាមួយដែលបង្កការលំបាកដល់សមត្ថកិច្ចទាំងសងខាងក្នុងការដោះស្រាយ។
លោក ងួន រតនៈ អភិបាលខេត្តបាត់ដំបងបានថ្លែងវិញថា ការបើកច្រកសំពៅលូនឲ្យទៅជាច្រកអន្តរជាតិ គឺជាការលើកតម្កើងកម្លាំងសេដ្ឋកិច្ចចេញចូលមានការរីកចម្រើននៃប្រទេសទាំងពីរ ហើយងាយក្នុងការ ត្រួតពិនិត្យ ដល់ប្រជាជនចេញចូលទៅវិញទៅមកដោយស្របច្បាប់ ដែលក្នុងរយៈពេល២៦ឆ្នាំមុន ច្រកស្រុកសំពៅលូននេះគឺជាតំបន់ព្រៃភ្នំគ្មានផ្លូវសម្រាប់ធ្វើដំណើរបានដោយស្រួលឡើយ តែពេលនេះគឺដោយសារការដឹកនាំរបស់រាជរដ្ឋាភិបាល ដែលមានសម្តេចតេជោ ហ៊ុន សែន ជានាយករដ្ឋមន្ត្រីបានជំរុញតំបន់ព្រៃភ្នំដែលមានតែសង្គ្រាមពីអតីតកាលមកនោះឲ្យក្លាយទៅជាតំបន់សេដ្ឋកិច្ច មានស្រែ ចម្ការ រោងសិប្បកម្ម រោងចក្រ ផ្លូវថ្នល់ មានផ្ទះសាងសង់ទ្រនំខ្ពស់ គឺបានបញ្ជាក់ថា នៅក្នុងជីវភាពធូរធារបស់ប្រជាពលរដ្ឋ ហើយទើបពេលនេះយើងចាប់ផ្តើមឈានបន្តទៅទៀត ក្នុងការអភិវឌ្ឍន៍ស្រុកទេសនៅតាមមូលដ្ឋានបន្ថែមទៀតក្រោមការជួយជំរុញរៀបចំពីរាជរដ្ឋាភិបាលនៃប្រទេសយើងទាំងពីរផងដែរ។
ក្នុងនោះលោក មាស ដារ៉ា ប្រធានមន្ទីរការងារ និងវិជ្ជាជីវៈ និងលោក នៅ ញ៉ិន នាយកវិទ្យាស្ថានជាតិបណ្តុះបណ្តាលវិជ្ជាជីវៈខេត្តបាត់ដំបង បានបញ្ជាក់ថា កន្លងមកដោយសារតែ ពលករចេញទៅធ្វើការនៅប្រទេសថៃ ទាំងស្របច្បាប់ និងមិនស្របច្បាប់ មានរហូតទៅដល់១លាន២សែននាក់ ដោយមានមកពីខេត្តផ្សេងៗ និងមិនបានយល់ដឹងអំពីច្បាប់ចេញចូលតាមប្រទេស ទើបរាជរដ្ឋាភិបាលទាំងពីរ(កម្ពុជា+ថៃ) បានបង្កើតគណៈកម្មការសហប្រតិបត្តិការរួមគ្នាមួយដើម្បីកែសម្រួលដល់បងប្អូនដែលបានចូលទៅខុសច្បាប់ឲ្យមានច្បាប់ត្រឹមត្រូវឡើងវិញ។ ដោយសំខាន់ឲ្យមានការយល់ដឹងគោរពទៅតាមច្បាប់ក្នុងប្រទេសថៃ ហើយមានភាពងាយស្រួលក្នុងការគ្របគ្រង និងមានពលករចេញទៅធ្វើការមានប្រភេទតំបន់ ចេញទៅការព្រឹកវិលល្ងាច រយៈពេល១សប្តាហ៍ និងជាច្រើនខែ ហើយរស់នៅធ្វើការដោយស្របច្បាប់ គ្មានការព្រួយបារម្ភ ភ័យខ្លាចអ្វីទៀតឡើយ និងមានបងប្អូនខ្លះដែលមិនចង់ចេញទៅធ្វើការកម្មករ នៅបរទេសក៏អាចទទួលបានការបណ្តុះបណ្តាលគ្រប់មុខជំនាញនៅខេត្តបាត់ដំបងដែលកន្លងមកនេះតាមរយៈការជួយឧបត្ថម្ភបណ្តុះបណ្តាលពីប្រទេសថៃផងដែរ។
ចំពោះផ្នែកសុខមាលភាព លោក វឿង ប៊ុនរ៉េត ប្រធានមន្ទីរសុខាភិបាលខេត្តបាត់ដំបង បានថ្លែងថា កន្លងមកប្រទេសកម្ពុជា+ថៃ យើងបាន សហប្រតិបត្តិការ រួមគ្នាដើម្បីការពាររោគរាតត្បាត ជំងឺឆ្លង ពីគ្នាទៅវិញទៅមក ដែលភាគច្រើនមានជំងឺ គ្រុនចាញ់ គ្រុនឈាម ដែលគ្រប់តាមតំបន់នោះនៅសេសសល់មានមេរោគនេះនៅឡើយ។ ហើយខាងកម្ពុជាបានតាមដានបំបាត់រោគដែលធ្លាប់មានទាំងនោះដោយមិនឲ្យកើតមានទៀតឡើយ ដោយឡែកនៅមានបន្តិចបន្តួចយើងកំពុងរួមសហប្រតិបត្តការផ្លាស់ប្តូរបទពិសោធន៍គ្នា ដើម្បីរកចំណុចដែលនៅមានមេរោគទាំងនោះកើតឡើង ហើយរួមគ្នាជួយលុបបំបាត់ និងក៏សូមសំណូមពរឲ្យខាងភាគីថៃជួយផ្តល់ជាដំណឹង ព័ត៌មានអំពីការកកើតមានមេរោគ ទាំងនេះដល់កម្ពុជាឲ្យបានដឹងលឿនវិញផង ងាយស្រួលខាងកម្ពុជាមានវិធានការណ៍ទប់ស្កាត់ជាបន្ទាន់ ព្រោះកន្លងមកបងប្អូនពលករខ្លះចូលទៅធ្វើការចល័តចុះឡើងហើយមានរោគឆ្លងនៅក្នុងខ្លួននោះយើងពិបាកកំណត់ថា តើមេរោគឆ្លងនោះចេញពីប្រភពណាឲ្យពិតប្រាកដ ព្រោះខាងកម្ពុជា មានបណ្តាញតាមដានរាល់ពេលស្ទើរតែគ្មានរោគសញ្ញាជំងឺឆ្លងនេះទៀតឡើយនៅក្នុងតំបន់នោះ៕
ចែករំលែកព័តមាននេះ