ប្រទេសអាហ្សង់ទីន ៖ ការស៊ើបអង្កេតអាចឱ្យប៉ូលិសអាហ្សង់ទីនចាប់បានកូកាអ៊ីនចំនួន៣៨៩គីឡូក្រាម ក្នុងអគារមួយក្នុងចំណោមអគារនៃស្ថានទូតរុស្ស៊ីប្រចាំក្រុងប៊ុយណូស៊ែរ ។ ពួកអ្នកការទូតរុស្ស៊ីមានការខឹងសម្បាយ៉ាងខ្លាំង ព្រោះតែប៉ូលិសខិលខូចម្នាក់យកគ្រឿងបន្លំដាក់ក្នុងបាវម្សៅធ្វើនំប៉័ង ។ រដ្ឋមន្ត្រីមហាផ្ទៃអាហ្សង់ទីន លោកស្រី…
ប្រទេសអាហ្សង់ទីន ៖ ការស៊ើបអង្កេតអាចឱ្យប៉ូលិសអាហ្សង់ទីនចាប់បានកូកាអ៊ីនចំនួន៣៨៩គីឡូក្រាម ក្នុងអគារមួយក្នុងចំណោមអគារនៃស្ថានទូតរុស្ស៊ីប្រចាំក្រុងប៊ុយណូស៊ែរ ។ ពួកអ្នកការទូតរុស្ស៊ីមានការខឹងសម្បាយ៉ាងខ្លាំង ព្រោះតែប៉ូលិសខិលខូចម្នាក់យកគ្រឿងបន្លំដាក់ក្នុងបាវម្សៅធ្វើនំប៉័ង ។
រដ្ឋមន្ត្រីមហាផ្ទៃអាហ្សង់ទីន លោកស្រី PATRICIA BULLRICH ថ្លែងនាថ្ងៃទី២២ កុម្ភៈ ថា នេះជាក្រុមរត់ពន្ធគ្រឿងញៀនមួយដែលសាកល្បងប្រើសេវាការទូតនៃស្ថានទូតរុស្ស៊ីសម្រាប់ដឹកជញ្ជូនគ្រឿងញៀនទៅកាន់អឺរ៉ុប ។ គ្រឿងញៀនដែលគេលាក់ក្នុងវ៉ាលីស១៦ ធ្លាប់ត្រូវបានរកឃើញកាលពីថ្ងៃទី១៣ ធ្នូ ឆ្នាំ២០១៦ ដោយសារសេចក្តីថ្លែងការណ៍របស់ឯកអគ្គរដ្ឋទូតរុស្ស៊ី លោកវិកទ័រ កូរ៉ូណែលលី ក្នុងសាលាមួយស្ថិតក្នុងអគារមួយនៃស្ថានទូត ។
ចាប់តាំងពីពេលនោះមកការស៊ើបអង្កេតមួយក៏ចាប់ធ្វើ ។ ក្រោយការតាមដានរយៈពេលច្រើនខែធ្វើឡើងរួមគ្នា ដោយប៉ូលិសនៃប្រទេសទាំង២ ទើបឈានទៅដល់ការចាប់បានគ្រឿងញៀនដ៏ច្រើននោះ ដែលមានតម្លៃដល់ទៅ៥០លានអឺរ៉ូ ។ ក្នុងរឿងនេះមនុស្ស៥នាក់ត្រូវចាប់ខ្លួនគឺ២នាក់នៅអាហ្សង់ទីន និង៣នាក់នៅរុស្ស៊ី ។ ក្នុងចំណោមពួកអ្នកចាប់ខ្លួនក្នុងទីក្រុងប៊ុយណូស៊ែមានជនជាតិរុស្ស៊ីម្នាក់ចូលសញ្ជាតិអាហ្សង់ទីន ដែលចូលបម្រើប៉ូលិសរដ្ឋធានីអាហ្សង់ទីនកាលពីឆ្នាំ២០១៣ ។ គ្រឿងញៀនចាប់បានជាគ្រឿងញៀនសុទ្ធបំផុតដែលប្រហែលជាចង់បញ្ជូនទៅរុស្ស៊ី ឬអាល្លឺម៉ង់ ៕
ចែករំលែកព័តមាននេះ