រាជធានីភ្នំពេញ ៖ តារាចម្រៀងនាងសួស វីសា បានបដិសេធព័ត៌មានដែលផ្សព្វផ្សាយថានាងគ្រោងចូលរោងការនៅចុងឆ្នាំ២០១៨នេះ ។ ការបដិសេធរបស់នាងសួស វិសា បន្ទាប់ពីកាលពីពេលថ្មីៗកន្លងមកសារព័ត៌មានបានចុះផ្សាយពីដំណឹងចូលរោងការរបស់នាងជាមួយតារាសម្តែងលោកថមមី នៅចុងឆ្នាំនេះ…
រាជធានីភ្នំពេញ ៖ តារាចម្រៀងនាងសួស វីសា បានបដិសេធព័ត៌មានដែលផ្សព្វផ្សាយថានាងគ្រោងចូលរោងការនៅចុងឆ្នាំ២០១៨នេះ ។
ការបដិសេធរបស់នាងសួស វិសា បន្ទាប់ពីកាលពីពេលថ្មីៗកន្លងមកសារព័ត៌មានបានចុះផ្សាយពីដំណឹងចូលរោងការរបស់នាងជាមួយតារាសម្តែងលោកថមមី នៅចុងឆ្នាំនេះ បន្ទាប់ពីពួកគេបានផ្សះផ្សាគ្នាឡើងវិញ ។
សួស វីសា បានចាត់ទុកព័ត៌មាននេះគឺជារឿងមិនពិត និងមិនមានមូលដ្ឋានច្បាស់លាស់ ខណៈពេលនាង និងក្រុមគ្រួសារមិនបានដឹងរឿងនេះឡើយ ។
តាមហ្វេសប៊ុក សួស វីសា សរសេរថា «ខ្ញុំចង់សួរថា ដែល ថ្មីៗនេះ បងៗចេញព័ត៌មានថាខ្ញុំពិតជាចូលរោងការយ៉ាងពិតប្រាកដ១០០% ក្នុងរយៈពេល ឆាប់ៗខាងមុខនេះ តើបងដឹងតាមរយៈណា ? តើបងៗបានជួបប៉ាម៉ាក់ខ្ញុំហើយ ? ឬក៏ បងៗបានទទួលធៀបការរបស់ខ្ញុំនៅក្នុងដៃហើយមែនទេ ទើបបានជា បងៗច្បាស់លាស់ហ៊ានចេញព័ត៌មានដោយគ្មានស្ទាក់ស្ទើរអីបន្តិចបែបនេះ ។ ខ្ញុំអានហើយហួសចិត្ត ចង់តែសើចពេលឃើញព័ត៌មានបែបនេះ ព្រោះខ្ញុំជាម្ចាស់ខ្លួន និងក្រុមគ្រួសារមិនបានដឹងអីសូម្បីតែបន្តិច ។
ខ្ញុំមិនខឹង បងៗទេ តែចង់សុំចិត្ត បងៗ សុំហើយសុំទៀត សូមឈប់យកឈ្មោះខ្ញុំ រូបរបស់ខ្ញុំទៅចុះផ្គូរផ្គងស្នេហាជាមួយអ្នកនេះ ជាមួយអ្នកនោះទៀតទៅ ព្រោះក្រុមគ្រួសារខ្ញុំឃើញព័ត៌មាននេះ ហើយពួកគាត់មិនសប្បាយចិត្តទេ ហើយខ្ញុំក៏គ្មានពេលមកគិតរឿងស្នេហាអត់ប្រយោជន៍ជាមួយបុរសណាដែរ ព្រោះខ្ញុំរវល់ណាស់ ខ្ញុំត្រូវធ្វើការរកស៊ី សងគុណម៉ែឪខ្ញុំសិន បើខ្ញុំយកគឺយកប្តីតែម្តង ហើយកុំបារម្ភ នាងខ្ញុំគឺជាមនុស្សរបស់មហាជន អ៊ីចឹងថ្ងៃក្រោយ ដល់ពេលដែលខ្ញុំរកបានបុរសល្អម្នាក់មកធ្វើជាគូអនាគតនោះខ្ញុំនឹងប្រកាសភ្លាម ខ្ញុំមិនលាក់ទេ ហើយខ្ញុំសន្យាថានឹងអញ្ជើញ បងៗគ្រប់បណ្តាសារព័ត៌មានទាំងអស់មកចូលរួមជាភ្ញៀវកត្តិយសក្នុងកម្មវិធីខ្ញុំទៀតផង ដើម្បីឲ្យអស់សង្ស័យ» ៕
ចែករំលែកព័តមាននេះ