ខេត្តឧត្តរមានជ័យ ៖ ជនសង្ស័យមិនស្គាល់អត្តសញ្ញាណបានធ្វើសកម្មភាពគប់គ្រាប់បែកចូលផ្ទះអ្នកលក់គ្រឿងទេសមួយកន្លែង ទាំងកណ្តាលអាធ្រាត្រម បណ្តាលឱ្យស្ត្រីម្នាក់រងរបួសស្រាល កាលពីវេលាម៉ោង២២និង០០នាទីយប់ថ្ងៃទី២២ ខែកុម្ភៈ ឆ្នាំ២០១៨ បានបង្កការភ្ញាក់ផ្អើលកើតឡើង នៅក្នុងភូមិទួលពង្រ…
ខេត្តឧត្តរមានជ័យ ៖ ជនសង្ស័យមិនស្គាល់អត្តសញ្ញាណបានធ្វើសកម្មភាពគប់គ្រាប់បែកចូលផ្ទះអ្នកលក់គ្រឿងទេសមួយកន្លែង ទាំងកណ្តាលអាធ្រាត្រម បណ្តាលឱ្យស្ត្រីម្នាក់រងរបួសស្រាល កាលពីវេលាម៉ោង២២និង០០នាទីយប់ថ្ងៃទី២២ ខែកុម្ភៈ ឆ្នាំ២០១៨ បានបង្កការភ្ញាក់ផ្អើលកើតឡើង នៅក្នុងភូមិទួលពង្រ ឃុំទំនប់ដាច់ ស្រុកត្រពាំងប្រាសាទ ខេត្តឧត្តមានជ័យ ។
ជនរងគ្រោះឈ្មោះ ជួន ឈុន ភេទស្រី អាយុ៤៨ឆ្នាំ រងរបួសជើង ភ្លៅ និងមុខ តែសំណាងល្អរងរបួសស្រាល ដែលមានប្ដីឈ្មោះ ឌី ភិច អាយុ៥៥ឆ្នាំ មិនរងរបួសទេ ហើយមុខរបរធ្វើស្រែចម្ការ និងគ្រឿងទេស រស់នៅភូមិ-ឃុំកើតហេតុខាងលើ ។
យោងតាមធ្វើការសន្និដ្ឋានពីសមត្ថកិច្ចជាជំហានដំបូងបានឱ្យដឹងថា ករណីគប់គ្រាប់បែកចូលផ្ទះអ្នកលក់គ្រឿងទេសនេះបង្កឡើងដោយជនមិនស្គាល់ពីអត្តសញ្ញាណ គឺអាចបណ្តាលមកពីរឿងគំនុំ តែទោះជាបែបណាក៏ដោយ ខណៈពេលនេះសមត្ថកិច្ចកំពុងធ្វើការស្រាវជ្រាវស៊ើបអង្គេត យ៉ាងយកចិត្តទុកដាក់បំផុត ដើម្បីវែករកមុខជនដែលបង្កយកមកផ្តន្ទាទោសទៅតាមផ្លូវច្បាប់ ។
គួរំលឹកថា គ្រាប់បែកដែលគប់ចូលក្នុងផ្ទះអ្នកលក់គ្រឿងទេសជាប្រភេទគ្រាប់បែកកែច្នៃ ៕
ចែករំលែកព័តមាននេះ