ត្រេកអរ ! កម្ពុជា មានវិទ្យាស្ថានបណ្តុះបណ្តាលការទូតនិងទំនាក់ទំនងអន្តរជាតិហើយ
- ភ្នំពេញ
រាជធានីភ្នំពេញ ៖ លោក ឈីវ យីស៊ាង ប្រធានវិទ្យាស្ថានជាតិការទូត និងទំនាក់ទំនងអន្តរជាតិនៅថ្ងៃទី២២ ខែកុម្ភៈ ឆ្នាំ២០១៨ បានថ្លែងថា…
រាជធានីភ្នំពេញ ៖ លោក ឈីវ យីស៊ាង ប្រធានវិទ្យាស្ថានជាតិការទូត និងទំនាក់ទំនងអន្តរជាតិនៅថ្ងៃទី២២ ខែកុម្ភៈ ឆ្នាំ២០១៨ បានថ្លែងថា…
រាជធានីភ្នំពេញ ៖ លោក ឈីវ យីស៊ាង ប្រធានវិទ្យាស្ថានជាតិការទូត និងទំនាក់ទំនងអន្តរជាតិនៅថ្ងៃទី២២ ខែកុម្ភៈ ឆ្នាំ២០១៨ បានថ្លែងថា ក្រសួងការបរទេសបានសម្ភោធវិទ្យាស្ថានជាតិការទូត និងទំនាក់ទំនងអន្តរជាតិលើកដំបូងរបស់ខ្លួនដើម្បីបណ្តុះបណ្តាលមន្ត្រី និងអ្នកការទូតសរុបប្រមាណ៦០០នាក់ឲ្យក្លាយទៅជាអ្នកការទូតជំនាញ ។
លោកបានលើកឡើងថា «វិទ្យាស្ថាននេះដើម្បីបណ្តុះបណ្តាលអ្នកការទូត ។ វាមានគោលដៅយើងចង់បានអ្នកការទូតប្រកបដោយជំនាញ និងវិជ្ជាជីវៈខ្ពស់ក្នុងការបំពេញការងារក្នុងប្រទេសនិងឆាកអន្តរជាតិជាតិ» ។ លោកថា ក្នុងនោះក្រសួងការបរទេសចង់ឲ្យប្រទេសកម្ពុជាដើរតួសំខាន់ក្នុងតំបន់ និងអន្តរជាតិក្នុងទិដ្ឋភាពស្មើសិទ្ធិ និងស្មើភាព ។ ការថ្លែងរបស់ប្រធានវិទ្យាស្ថានបានធ្វើឡើងបន្ទាប់ពិធីសម្ពោធអគារវិទ្យាស្ថានការទូត និងទំនាក់ទំនងអន្តរជាតិនិងអគាររដ្ឋបាលនៃក្រសួងការបរទេសដែលទើបសាងសង់រួចថ្មីៗ និងដាក់ឲ្យដំណើរការចាប់ពេលនេះតទៅ ។
លោក ឈីវ យីស៊ាង បានលើកឡើងថា «យើងចង់បានអ្នកការទូតរបស់យើងដែលមានសមត្ថភាពវិជ្ជាជីវៈនិងសមត្ថភាពខ្ពស់ ក្នុងការការពារអត្ថប្រយោជន៍កម្ពុជានៅលើឆាកអន្តរជាតិ និងការពារប្រជាពលរដ្ឋយើងដែលស្នាក់នៅឬធ្វើការនៅក្រៅប្រទេស» ។ លោកបានបញ្ជាក់ថា នៅពេលដែលវិទ្យាស្ថានកើតឡើងជាលើកដំបូងក្រសួងការបរទេសនឹងរៀបចំទាំងទិដ្ឋភាពរឹង និងទិដ្ឋភាពទន់ ។ លោកថា ទិដ្ឋភាពរឹងមានមានអគារ និងទិដ្ឋភាពទន់មានក្របខ័ណ្ឌច្បាប់ និងធនធានមនុស្សរបស់វិទ្យាស្ថាន ។
លោកថា «វិទ្យាស្ថាននេះនឹងបណ្តុះបណ្តាលអ្នកការទូតប្រមាណ៦០០នាក់ ។ នៅក្រសួងការបរទេសប្រមាណ៤០០នាក់ និងមន្ត្រីការទូតរបស់យើងកំពុងបំពេញការងារនៅក្រៅប្រទេសប្រមាណ២០០នាក់» ។ លោកបានអះអាងថា ក្រៅពីនេះវិទ្យាស្ថានក៏នឹងមានបើកវគ្គបណ្តុះបណ្តាលមន្ត្រីនៅតាមក្រសួងស្ថាប័ននានាដែលមានទំនាកទំនងអន្តរជាតិ ឬធ្វើការងារទំនាក់ទំនងអន្តរជាតិ ។ ហើយជាជំហានបន្ទាប់នៅពេលដែលវិទ្យាស្ថានដំណើរការបានល្អ ទៅមុខមានលក្ខណៈគ្រប់គ្រាន់នឹងមានការបណ្តុះបណ្តាលនិស្សិតនឹងមានការចេញនូវសញ្ញាបត្រក្នុងជំនាញការទូត និងទំនាក់ទំនងអន្តរជាតិ ។
លោកទេសរដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិបានថ្លែងក្នុងពិធីសម្ពោធអគារវិទ្យាស្ថានថ្មីនេះថា ក្នុងការប្រកួតប្រជែងការទូតសម័យទំនើបដោយឈរលើភាពស្មើមុខ ស្មើមាត់ ស្មើសិទ្ធិ នៅលើឆាកអន្តរជាតិ ។ លោកថា វិទ្យាស្ថាននេះជាស្ពានទំនាក់ទំនងសាធារណៈមានតួនាទីផ្លាស់ប្តូរជាមួយស្ថានប័នអន្តរជាតិនានា ។ វាមានសារៈសំខាន់ផងដែរក្នុងការបង្កើនការយល់ដឹងក្នុងវិស័យការទូតកម្ពុជាដែលឈានដល់ការបង្កើតស្ថានមយដែលមានលក្ខណៈគ្រប់គ្រាន់ ។ លោកទេសរដ្ឋមន្ត្រីបានអះអាងថា ក្នុងក្របខណ្ឌក្រសួងការបរទេសវិទ្យាស្ថាននេះមានតួនាទីតម្រង់ទិសសម្រាប់មន្ត្រីការទូត ឬមន្ត្រីទើបចូលបម្រើការថ្មី មានតួនាទីសម្រាប់ពង្រឹង និងបង្កើនសមត្ថភាពមន្ត្រីការទូតដែលកំពុងបម្រើការងារបច្ចុប្បន្ន ៕
ចែករំលែកព័តមាននេះ