បើមិនប្រឹងរៀនសូត្រទេ ពិតជាធ្លាក់ហើយ !
- កំពង់ឆ្នាំង
ខេត្តកំពង់ឆ្នាំង ៖ “សាលានគរបាលល្អ សិស្សនគរបាលប្រឹងប្រែងរៀនសូត្រ និងមានកិច្ចសហការ ល្អពីអង្គភាពផ្ទាល់ ទើបពេលចប់វគ្គសិក្សា សិស្សនាយ នាយនគរបាលរង ចេញទៅវិញមាន…
ខេត្តកំពង់ឆ្នាំង ៖ “សាលានគរបាលល្អ សិស្សនគរបាលប្រឹងប្រែងរៀនសូត្រ និងមានកិច្ចសហការ ល្អពីអង្គភាពផ្ទាល់ ទើបពេលចប់វគ្គសិក្សា សិស្សនាយ នាយនគរបាលរង ចេញទៅវិញមាន…
ខេត្តកំពង់ឆ្នាំង ៖ “សាលានគរបាលល្អ សិស្សនគរបាលប្រឹងប្រែងរៀនសូត្រ និងមានកិច្ចសហការ ល្អពីអង្គភាពផ្ទាល់ ទើបពេលចប់វគ្គសិក្សា សិស្សនាយ នាយនគរបាលរង ចេញទៅវិញមាន គុណភាពល្អ”។ ឯកឧត្តម នាយឧត្តមសេនីយ៍ សេង ផល្លី ប្រធានបណ្ឌិតសភា នគរបាលជាតិ មានប្រសាសន៍បែបនេះ ក្នុងពិធីជួបសំណាល និងសាកសួរសុខទុក្ខដល់សិស្សនាយ នាយនគរបាលរង ដែលកំពុងទទួលវគ្គបណ្តុះបណ្តាល កម្រិតបឋម វិជ្ជាជិវៈនៅសាលានគរបាលភូមិភាគ៦ ខេត្តកំពង់ឆ្នាំង កាលពីរសៀលថ្ងៃទី២២ ខែកុម្ភៈ ឆ្នាំ២០១៨នេះ។ ឯកឧត្តម នាយឧត្តមសេនីយ៍បានបន្តថា ពាក្យថា ហ្វឹកហ្វឺនបណ្តុះបណ្តាល គឺជាកន្លែងហាត់ពត់លត់ដំប្អូនៗ ឲ្យមានកម្លាំងឋាមពលមាំមួន ស្មារតីរឹងមាំ រួមផ្សំចំណេះដឹង ជំនាញផងនោះ ទើបប្អូនៗក្លាយជាកម្លាំងប្រដាប់អាវុធ រឹងមាំ និងទទួលជោគជ័យ ក្នុងការងារ។ នៅទីនេះសាលាឈរលើគោលការណ៍ច្បាស់លាស់ គឺទី១. សមធម៌ គឺបើប្អូនៗ ប្រឹងរៀនសូត្រប្រឡងជាប់។
គោលការមួយនេះមានតម្លាភាពច្បាស់លាស់ ដែលប្អូនៗនឹង មានភាពជឿជាក់ ចំពោះសាលា,ទី២.ភាពមិនលម្អៀង គឺសាលាមិនយោគយល់ កូនអ្នកតូចអ្នកធំ ឬបក្ខពួកនិយមឡើយ។ ទី៣.គុណភាព ត្រូវបង្ហឹកហាត់ប្អូនៗឲ្យទៅតាមស្តង់ដា ទាំងកាយសម្បទា ទាំងចំណេះដឹង ហើយទីនេះសិស្សដែលធាត់ៗ ត្រូវដាក់កម្រិតឲ្យហ្វឹកហាត់ថែមទៀត ទាំងថ្ងៃសៅរ៍ អាទិត្យ ដោយមិនឲ្យឈប់សម្រាកឡើយដើម្បីសម្រកគីឡូ។ ឯកឧត្តម នាយឧត្តមសេនីយ៍ ក៏បានបញ្ជាក់ដែរថា មិនថា សាលាភូមិភាគនេះ ឬភូមិភាគណាទេ គឺមានការខ្វះខាតច្រើនណាស់ ដូចជាបន្ទប់ហាត់ក្បាច់គុណ កន្លែងបាញ់គ្រាប់ពិត និងទីលានរត់កាត់ឧបសគ្គជាដើម។ បើប្រៀបធៀបនឹងប្រទេសគេ យើងបានតែ ៤០% ប៉ុណ្ណោះ។ ប៉ុន្តែយ៉ាងនេះក្តីក៏កន្លងមក សិស្សដែលបានចេញពីសាលាទាំងអស់ទទួលបាន លទ្ធផលនឹងក្លាយខ្លួនពីជនស៊ីវិលទៅជាកងកម្លាំង ប្រដាប់អាវុធល្អដែរ។
ចុងបញ្ចប់ ឯកឧត្តមបាន ផ្តាំផ្ញើដល់សិស្សនាយ នាយនគរបាលទាំងអស់ ត្រូវយកចិត្តទុកដាក់រៀនសូត្រ ទាំងក្នុង និងក្រៅថ្នាក់ ត្រូវស្វ័យសិក្សាដោយខ្លួនឯង គោរពវិន័យ និងត្រូវហាត់ពត់លត់ដំ កែប្រែឥរិយាបថរបស់ខ្លួនពីជនស៊ីវិល មកជាកងកម្លាំងប្រដាប់អាវុធ។ ត្រូវប្រឹងប្រែងគោរពវិន័យ បទបញ្ជាផ្ទៃក្នុងឲ្យបានខ្ជាប់ខ្ជួន។ និងសូមប្រកាន់ខ្ជាប់នូវទស្សនៈជាប់ខ្លួនថា ត្រូវប្រឹងប្រែងរៀនសូត្រឲ្យចេះ មិនរៀនដើម្បីឲ្យចប់នោះឡើយ ។ យោងរបាយការណ៍របស់លោក ឧត្តមសេនីយ៍ត្រី រ័ត្ន ចំរើន នាយកសាលានគរបាលភូមិភាគ៦ បានឲ្យដឹងថា សិស្សនាយ នាយនគរបាល ដែលកំពុងទទួលការបណ្តុះបណ្តាល កម្រិតបឋមវិជ្ជាជីវៈនគរបាល ជំនាន់ទី១២នេះ មានចំនួន១០៣នាក់ (ស្រី១៩នាក់) មកពីអង្គភាពនាយកដ្ឋានភស្តុភា និងហិរញ្ញវត្ថុ និងអង្គភាពអន្តរាគមន៍ វគ្គនេះមានរយៈពេលសិក្សា ចំនួន៤ខែ៕
ចែករំលែកព័តមាននេះ