រាជធានីភ្នំពេញ ៖ ស្ត្រីជាកម្មការិនីរោងចក្រកាត់ដេរម្នាក់បានធ្វើដំណើរទៅដាក់ពាក្យបណ្ដឹង សុំឲ្យនគរបាលប៉ុស្តិ៍ចោមចៅ១ ជួយអន្តរាគមន៍ កាលពីវេលាម៉ោង៣រសៀល ថ្ងៃទី២២ ខែកុម្ភៈ ឆ្នាំ២០១៨ ដោយបានចោទប្រកាន់ទៅលើបុរសជាសន្តិសុខម្នាក់យាមផ្ទះជួលថា បានទៅគោះទ្វារបន្ទប់ និងស្រែកហៅនាងថា «មីអូនបើកទ្វារឲ្យបង បងតអំពូលភ្លើងឲ្យ លុះពេលនាងបើកទ្វារឲ្យចូល ស្រាប់តែបុរសនោះបានចាប់នាងរំលោភរហូតបានសម្រេចជាបន្តបន្ទាប់ចំនួន៦ដង»។ មិនតែប៉ុណ្ណោះរឿងនេះបានបែកការណ៍ដឹងដល់ប្រពន្ធជននោះ ក៏ត្រូវស្ត្រីជាប្រពន្ធតាមវាយធ្វើបាបនាង វាយ និងបោកចានឆ្នាំងនាងបែកខ្ទេចខ្ទីថែមទៀត ទើបនាងទ្រាំលែងបានក៏បានដាក់ពាក្យបណ្ដឹង រកយុត្តិធម៌ និងទាមទារសំណងជំងឺចិត្តចំនួន២ពាន់ដុល្លារ។ នគរបាលបានឲ្យដឹងថា ស្ត្រីខាងលើ នោះអាយុ២៤ឆ្នាំ មុខរបកម្មការិនីរោងចក្រកាត់ដេរ និងស្នាក់នៅផ្ទះជួលក្នុងភូមិទួលពង្រ សង្កាត់ ចោមចៅ១។ បានប្ដឹងចោទប្រកាន់ទៅលើបុរសម្នាក់ឈ្មោះ ជី អាយុ២៨ឆ្នាំ មុខរបរជាសន្តិសុខ មានប្រពន្ធរួចទៅហើយ ប៉ុន្តែមិនទាន់ស្គាល់ឈ្មោះប្រពន្ធនោះឡើយ និងស្នាក់នៅផ្ទះជួលខាងលើ នោះដែរ។
នាងបានប្ដឹងសុំឲ្យជួយឃាត់ខ្លួនជនសង្ស័យនាំទៅសាកសួរព្រមទាំងទាមទារជំងឺចិត្ត ២ពាន់ដុល្លារ។ យោងតាមពាក្យបណ្ដឹងស្ត្រីខាងលើបានរៀបរាប់ថា កាលពីវេលាម៉ោង១០ និង៣០នាទីយប់ ថ្ងៃទី១ ខែកុម្ភៈ ឆ្នាំ២០១៨ បុរសនោះបានទៅគោះទ្វារបន្ទប់របស់នាង និងបានស្រែកហៅនាងថា«មីអូនបើកទ្វារឲ្យបង បងតអំពូលឲ្យ»។ ខណៈនោះដោយសារតែយល់ថា គាត់ជាសន្តិសុខដែលមើលការខុសត្រូវតាមបន្ទប់ជួលនោះ ម្យ៉ាងទៀតអំពូលក្នុងបន្ទប់នាងដាច់ផង ក៏បានបើកទ្វារឲ្យចូល។ ស្រាប់តែបុរសនោះចាប់នាងរំលោភរហូតបានសម្រេចម្ដង។ បន្ទាប់មកបានគំរាមកំហែងមិនឲ្យនាងស្រែក ឬនិយាយប្រាប់គេទេ បើមិនដូច្នេះទេគេនឹងធ្វើបាបនាង ហើយសម្លាប់នាងចោលតែម្ដង រួចបុរសនេះបានចាកចេញទៅបាត់។ នាងបានបន្តនៅក្នុងពាក្យបណ្ដឹងដដែលនោះថា ដោយសារតែមានការភ័យខ្លាចស្លាប់ ទើបនាងមិនហ៊ានយករឿងនេះប្រាប់នរណាឡើយ។
លុះដល់វេលាម៉ោង១០យប់ថ្ងៃបន្ទាប់ៗមកទៀត បុរសនោះតែងតែទៅរកនាង និងបានចាប់រំលោភនាងបានសម្រេចជាបន្តបន្ទាប់ចំនួន៥ដងទៀត និងប្រើពាក្យគំរាមដដែលនោះទៀត។ ចំណែកនាងនៅតែមិនហ៊ានប្ដឹងដដែល ប៉ុន្តែរហូមកដល់ថ្ងៃទី២១ ខែកុម្ភៈ ស្រាប់តែបែកការណ៍ដឹងដល់ស្ត្រីជាប្រពន្ធរបស់បុរសនោះ ហើយស្ត្រីជាប្រពន្ធរូបនោះ បានតាមទៅវាយធ្វើបាបនាងដល់បន្ទប់ជួល និងវាយព្រមទាំងបោកចានឆ្នាំងនាងបែកខ្ទេចខ្ទីថែមទៀត។ ទើបនាងលែងខ្លាច និងទ្រាំលែងបានក៏បានដាក់ពាក្យប្ដឹងតែម្ដង ហើយបានទាមទារសំណង ជំងឺចិត្តចំនួន២ពាន់ដុល្លារអាមេរិកពីជននេះ និងប្រពន្ធរបស់គេ។ នគរបាលបានឲ្យដឹងថា ស្ត្រីខាងលើពិតជាបានទៅដាក់ពាក្យបណ្ដឹងសុំឲ្យជួយរកយុត្តិធម៌ពិតមែន ហើយនគរបានប៉ុស្ដិ៍បាន ទទួលពាក្យបណ្ដឹងនាងរួចរាល់ហើយដែរ។ ប៉ុន្តែមិនទាន់ចាប់ខ្លួនជនសង្ស័យបាននៅឡើយទេ ព្រោះជននេះបានគេចខ្លួនបាត់ហើយ តែទោះជាយ៉ាងណាកម្លាំងនឹងធ្វើការស្រាវជ្រាវ ដើម្បីរកចាប់ខ្លួនឲ្យខានតែបាន៕
ចែករំលែកព័តមាននេះ