រាជធានីភ្នំពេញ ៖ យានដ្ឋានជួសជុល ដំឡើងទ្រុងរថយន្តចំនួន៤កន្លែង ត្រូវអាជ្ញាធរខណ្ឌសែនសុខ និងមន្ទីរសាធារណៈការ និងដឹកជញ្ជូនរាជធានីភ្នំពេញចុះត្រួតពិនិត្យ ដោយសង្ស័យថា លួចដំឡើងទ្រុងរថយន្តមិនត្រឹមត្រូវទៅតាមបទដ្ឋានបច្ចេកទេស និងច្បាប់កំណត់…
រាជធានីភ្នំពេញ ៖ យានដ្ឋានជួសជុល ដំឡើងទ្រុងរថយន្តចំនួន៤កន្លែង ត្រូវអាជ្ញាធរខណ្ឌសែនសុខ និងមន្ទីរសាធារណៈការ និងដឹកជញ្ជូនរាជធានីភ្នំពេញចុះត្រួតពិនិត្យ ដោយសង្ស័យថា លួចដំឡើងទ្រុងរថយន្តមិនត្រឹមត្រូវទៅតាមបទដ្ឋានបច្ចេកទេស និងច្បាប់កំណត់ ហើយមិនមានច្បាប់ អនុញ្ញាត។
បន្ទាប់ពីត្រួតពិនិត្យយានដ្ឋានចំនួន២ត្រូវអាជ្ញាធរខណ្ឌសែនសុខ រួមជាមួយមន្ទីរ សាធារណៈការរាជធានីភ្នំពេញ បានចុះបិទផ្អាកសកម្មភាពបណ្តោះអាសន្ន ក្រោយពីរកឃើញមាន ដំឡើងទ្រុងរថយន្តខុសបច្ចេកទេស និងអត់ច្បាប់។ ប្រតិបត្តិកានេះធ្វើឡើងកាលពីម៉ោង០៩ និង៣០នាទីព្រឹក ថ្ងៃទី២២ កុម្ភៈ ២០១៨ នៅផ្លូវ១០១៩ ភូមិឃ្មួញ សង្កាត់ឃ្មួញ ខណ្ឌសែនសុខ។
តាមអាជ្ញាធរបានឲ្យដឹងថា យានដ្ឋានចំនួន០៤កន្លែងដែលចុះពិនិត្យមាន០២ទីតាំង ដែលរកឃើញថា ពុំមានច្បាប់បើកអាជីវកម្ម ហើយលួចបន្លំដំឡើងកែច្នៃ ទ្រុងរថយន្ត ខុសបទដ្ឋានបច្ចេកទេស។ សមត្ថកិច្ចបានឲ្យដឹងថា ក្រោយពីមន្ត្រីជំនាញ ស្រាវជ្រាវរកឃើញ ទីតាំងយានដ្ឋានលួចដំឡើងកែច្នៃ ទ្រុងតថយន្តខុសបច្ចេកទេស អាជ្ញាធរខណ្ឌសែនសុខ ដឹកនាំដោយលោក សាំង សុភៈវិចិត្រ អភិបាលរងខណ្ឌ រួមទាំងមន្ត្រីជំនាញមកពីមន្ទីរសាធារណការរាជធានីភ្នំពេញ បានផ្អាកអាជីវកម្មតែម្តង៕
ចែករំលែកព័តមាននេះ