យោងទៅតាមការព្រមានរបស់សារព័ត៌មាន The Independent បានឲ្យដឹងថា របបអាហាររបស់ម្តាយ ប្រហែលជាបង្កគ្រោះថ្នាក់ដល់ភាពវៃឆ្លាតរបស់កូនរបស់គាត់ពីរនាក់ក្នុងចំណោមបីនាក់ ។ រឿងនេះបានមកពីទំព័រមុខដែលនិយាយថា ការកង្វះជាតិអ៊ីយ៉ូត ត្រូវបានកើតឡើងយ៉ាងខ្លាំង លើស្ត្រីមានផ្ទៃពោះ ។
ជាតិអ៊ីយ៉ូតត្រូវបានគេស្គាល់ថា ដើរតួនាទីមួយក្នុងការលូតលាស់ប្រកបដោយសុខភាពល្អទៅលើខួរក្បាលរបស់ក្មេង និងប្រព័ន្ធសរសៃប្រសាទ ខណៈពេលដែលគេនៅក្នុងផ្ទៃនៅឡើយ ហើយអង្គការសុខភាពពិភពលោកបានណែនាំថា ស្ត្រីមានផ្ទៃពោះគួរតែញ៉ាំអាហារសម្បូរជាតិអ៊ីយ៉ូតនេះ ។ ការកង្វះជាតិអ៊ីយ៉ូតធ្ងន់ គឺជាដើមហេតុមួយនៃការខូចខាតខួរក្បាលចំពោះប្រទេសកំពុងតែអភិវឌ្ឈន៍ ។ ប៉ុន្តែការសិក្សាថ្មីបានឲ្យដឹងថា ការដែលកង្វះជាតិអ៊ីយ៉ូតតិចតួចទៅមធ្យមក្នុងពេលមានផ្ទៃពោះ ប្រហែលជាជាប់ទាក់ទងនឹងការខ្សោយខាងភាពឆ្លាតវៃរបស់ក្មេងបាន ។
ក្នុងការសិក្សាដ៏ធំមួយនេះ កម្រិតនៃជាតិអ៊ីយ៉ូតរបស់ស្ត្រីមានផ្ទៃពោះ ត្រូវបានគេកត់ត្រា ហើយកម្រិត IQ កូនពួកគេនៅអាយុ៨ឆ្នាំ និងសមត្ថភាពនៃការអាននៅអាយុ៩ឆ្នាំ ក៏ត្រូវបានគេធ្វើតេស្តផងដែរ ។ អ្នកស្រាវជ្រាវបានរកឃើញថា ក្មេងដែលកើតពីស្ត្រីមិនបានញ៉ាំជាតិអ៊ីយ៉ូតគ្រប់គ្រាន់ទំនងជាមានកម្រិត IQ ខាងនិយាយ ការអានមានភាពសុក្រិត និងការអានបែពិចារណា ទាបបំផុត ។ យ៉ាងណាមិញ វាមិនមានភាពខុសគ្នាអ្វីគួរឲ្យកត់សម្គាល់ទាក់ទងនឹង IQ ទូទៅឡើយ ។
ទោះបីជាយ៉ាងណាក៏ដោយ ដោយសារតែការសិក្សានេះមានដែនកំណត់ច្រើន ដូច្នេះវាមិនអាចបញ្ជាក់អំពីមូលហេតុ និងឥទ្ធិពលដោយផ្ទាល់នៃការទាក់ទងរវាងការញ៉ាំជាតិអ៊ីយ៉ូតក្នុងពេលមានផ្ទៃពោះ និងសមត្ថភាពឆ្លាតវៃរបស់កូនពួកគេទេ ។ វាក៏នៅតែមិនទាន់ច្បាស់ថា តើភាពខុសគ្នាដែលបានឃើញទៅលើការនិយាយ និងជំនាញអានរបស់ក្មេងនឹងអាចបកប្រែជាបញ្ហាសម្រាប់ក្មេងទាំងនេះឬអត់ដែរ ។ ប៉ុន្តែការសិក្សានេះបានសង្ខេបថា ស្ត្រីមានផ្ទៃពោះត្រូវតែទទួលបានជាតិអ៊ីយ៉ូតឲ្យបានគ្រប់គ្រាន់ ៕
ចែករំលែកព័តមាននេះ