ខេត្តតាកែវ ៖ មិនថា តែប្រជាពលរដ្ឋរស់នៅទូទាំងខេត្តតាកែវទេ សូម្បីតែបងប្អូនប្រជាពលរដ្ឋក៏ដូចជា មន្ត្រីរាជការ នៅខេត្តនានាដែលបានឆ្លងកាត់ក្នុងខេត្តតាកែវមានការងើយឆ្ងល់បំផុតដល់អាជ្ញាធរខេត្តតាកែវ ដែលបានផ្លាស់ប្តូររូបសំណាកផ្កាឈូក រង្វង់មូលខាងកើតវិមានឯករាជ្យចេញ ដោយដាក់ជំនួសមកវិញ…
ខេត្តតាកែវ ៖ មិនថា តែប្រជាពលរដ្ឋរស់នៅទូទាំងខេត្តតាកែវទេ សូម្បីតែបងប្អូនប្រជាពលរដ្ឋក៏ដូចជា មន្ត្រីរាជការ នៅខេត្តនានាដែលបានឆ្លងកាត់ក្នុងខេត្តតាកែវមានការងើយឆ្ងល់បំផុតដល់អាជ្ញាធរខេត្តតាកែវ ដែលបានផ្លាស់ប្តូររូបសំណាកផ្កាឈូក រង្វង់មូលខាងកើតវិមានឯករាជ្យចេញ ដោយដាក់ជំនួសមកវិញ នូវរូបសំណាកជាផ្ការំដួលដែលជាផ្កាមួយពុំសូវមានអ្នកស្គាល់ទៅវិញ ។
ប្រជាពលរដ្ឋក៏ដូចជាមន្ត្រីរាជការនៅក្នុងខេត្តតាកែវ បាននាំគ្នានិយាយទាំងមានការងើយឆ្ងល់ថា នៅដើមឆ្នាំ២០១៨នេះ លោកឡាយ វណ្ណៈ អភិបាលខេត្តតាកែវ បានឲ្យជាងផ្លាស់ប្តូររូបសំណាកផ្កាឈូកនៅរង្វង់មូលខាងកើតវិមានឯករាជ្យចេញទៅ ដោយដាក់ជំនួសមកវិញ នូវរូបផ្ការំដួលដែលមិនសូវមានអ្នកស្គាល់វិញ ព្រោះតាំងពីដើមរហូតមកដល់បច្ចុប្បន្ននេះនរណាៗក៏គេស្គាល់រង្វង់មូលផ្កាឈូកនេះដែរ ល្បីស្ទើតែ១ប្រទេសឯនោះ មិនត្រឹមតែផ្លាស់ប្តូរផ្កាប៉ុណ្ណោះ ជាងបានរំកិលពីទីតាំងចាស់មកខាងជើងប្រមាណជាង២ម៉ែត្រថែមទៀតផង ធ្វើឲ្យអ្នកធ្វើដំណើរទៅមកមានការពិបាកព្រោះ ផ្លូវរង្វង់មូលពីខាងជើង រួមតូចតែពីខាងត្បូងធំទូលាយទៅវិញ ហើយចាប់ពីពេលនេះទៅក្នុងខេត្តតាកែវនេះ លែងមានរង្វង់មូលផ្កាឈូកទៀតហើយ គឺរង្វង់មូលផ្ការំដួលវិញម្តង ។
មន្ត្រីរនៃមន្ទីរវប្បធម៌ និងវិចិត្រសិល្បខេត្ត បានឲ្យដឹងថា រូបសំណាកផ្កាឈូកនៅរង្វង់មូលខាងកើតវិមានឯករាជ្យនេះបានកសាងឡើងដោយសម្តេច ជា ស៊ីម ខណៈពេលដែលសម្តេចបានដង្ហែដើមពោធិព្រឹក១ដើម មកដាំនៅក្នុងគម្រោងកម្មវិធីសិលាខេត្ត ដែលបច្ចុប្បន្ននេះក្លាយទៅជាទីចាត់ការផែនការវិនិយោគខេត្ត ក្នុងអំឡុងឆ្នាំ១៩៨៣ និង១៩៨៤ដែលរហូតមកដល់ពេលនេះ មាន៣០ឆ្នាំមកហើយ ដោយខេត្តតាកែវមួយបានឆ្លងកាត់អភិបាលខេត្តអស់៧រូបមកហើយ ដោយអភិបាលខេត្តទាំងអស់នោះ មិនហ៊ានធ្វើការផ្លាស់ប្តូរឡើយទើបតែមកដល់លោកឡាយ វណ្ណៈ ធ្វើជាអភិបាលខេត្តបានធ្វើការផ្លាស់ប្តូររូបសំណាកផ្កាឈូកចេញដាក់ជំនួសមកវិញនូវរូបផ្ការំដួលទៅវិញ ។
មន្ត្រីរដដែលបានបន្តទៀតថា បើតាមដឹងនោះមូលហេតុដែលនាំឲ្យលោកអភិបាលខេត្តឡាយ វណ្ណៈ ធ្វើការផ្លាស់ប្តូរូបសំណាកផ្កាឈូកចេញរួចដាក់ផ្ការំដួលជំនួសវិញនោះដោយសារផ្កាឈូកនេះជាតំណាងឲ្យប្រទេសវៀតណាម ហើយផ្ការំដួលនេះតំណាងឲ្យប្រទេសកម្ពុជាយើងទើបមានការផ្លាស់ប្តូរបែបនេះ។
លោកឡាយ វណ្ណៈ អភិបាលខេត្តបានខលមកខ្ញុំមុននេះដោយគាត់មានប្រសាសថា «ការផ្លាស់ប្តូផ្កាឈូកចេញដោយដាក់ជំនួសមកវិញ នូវផ្ការំដួលនេះ ដោយសារផ្កាឈូកជាតំណាងឲ្យជាតិសាសន៍វៀតណាម និងចិន ទើបខាងខេត្តធ្វើកាផ្លាស់ប្តូរ ព្រោះផ្ការំដួលនេះតំណាងឲ្យជាតិសាសន៍ខ្មែរយើង ៕
ចែករំលែកព័តមាននេះ