រាជធានីភ្នំពេញ ៖ ចោរមួយក្រុមជិះម៉ូតូពីមុខពីក្រោយ កាលពីវេលាម៉ោង៦ព្រឹកថ្ងៃទី២០ ខែកុម្ភៈនេះបានធ្វើសកម្មភាពឆក់កាបូបស្ពាយពីស្ត្រីម្នាក់ នៅចំណុចជិតភ្លើងស្តុបផ្សារដេប៉ូ ផ្លូវ២១៥ សង្កាត់វាលវង់ ខណ្ឌ៧មករា រាជធានីភ្នំពេញ…
រាជធានីភ្នំពេញ ៖ ចោរមួយក្រុមជិះម៉ូតូពីមុខពីក្រោយ កាលពីវេលាម៉ោង៦ព្រឹកថ្ងៃទី២០ ខែកុម្ភៈនេះបានធ្វើសកម្មភាពឆក់កាបូបស្ពាយពីស្ត្រីម្នាក់ នៅចំណុចជិតភ្លើងស្តុបផ្សារដេប៉ូ ផ្លូវ២១៥ សង្កាត់វាលវង់ ខណ្ឌ៧មករា រាជធានីភ្នំពេញ ។
ជនរងគ្រោះឈ្មោះ គាត ស្រីអូន ភេទស្រី អាយុ៤៤ឆ្នាំ មានអាស័យដ្ឋាននៅផ្លូវលេខ៧០ សង្កាត់ទួលសង្កែ ខណ្ឌឬស្សីកែវ មុខរបរលក់បន្លែ ។
មុនកើតហេតុស្ត្រីរងគ្រោះពីរនាក់បងប្រុសបានជិះម៉ូតូឌុបគ្នា ចេញពីទិញបន្លែនៅផ្សារដើមគរ រួចចេញដំណើរបំណងទៅផ្ទះវិញ ។ លុះដល់ចំណុចភ្លើងស្តុបផ្សារដេប៉ូត្រូវចោរមួយក្រុមប្រមាន៤ទៅ៥នាក់ ជិះម៉ូតូមុខផង ក្រោយផងចំនួន២គ្រឿង បានធ្វើសកម្មភាពឆក់កាបូបដែលជនរងគ្រោះស្ពាយនៅស្មា បណ្តាលឲ្យធ្លាក់លើម៉ូតូរងរបួសស្រាល រលាត់ជង្គង់តិចតួចទេ ហើយកាបូបស្ពាយនោះចោរក៏យកមិនបានដែរ ។
ក្រោយពីកើតមានអំពើឆក់កាបូបនេះ ចោរមួយក្រុមនោះបានជិះម៉ូតូគេចខ្លួនបាត់អស់ទៅ ហើយជនរងគ្រោះក៏បានទៅដាក់ពាក្យបណ្តឹងដល់សមត្ថកិច្ច ដើម្បីឲ្យជួយវែកមុខចោរឆក់មួយក្រុមនោះ ។ ដោយនៅថ្ងៃទី២២ ខែកុម្ភៈនេះ សមត្ថកិច្ចនគរបាលខណ្ឌ៧មករា ស្រាវជ្រាវចាប់ខ្លួនបានម្នាក់ និងកំពុងតាមប្រម៉ាញ់ចាប់បក្សពួក៣នាក់ទៀត ៕
ចែករំលែកព័តមាននេះ