សហរដ្ឋអាមេរិក ៖ មនុស្សជាច្រើនរយនាក់ ក្នុងនោះមានបណ្តាអ្នកនៅរស់រានមានជីវិតពីការបាញ់ប្រហារចុងក្រោយនេះនៅក្រុង PARKLAND កាលពីថ្ងៃទី២១ កុម្ភៈ បានហែក្បួនបាតុកម្មនៅទីក្រុង TALLAHASSE មួយសប្តាហ៍បន្ទាប់ពីការបាញ់ប្រហារសម្លាប់មនុស្ស១៧នាក់…
សហរដ្ឋអាមេរិក ៖ មនុស្សជាច្រើនរយនាក់ ក្នុងនោះមានបណ្តាអ្នកនៅរស់រានមានជីវិតពីការបាញ់ប្រហារចុងក្រោយនេះនៅក្រុង PARKLAND កាលពីថ្ងៃទី២១ កុម្ភៈ បានហែក្បួនបាតុកម្មនៅទីក្រុង TALLAHASSE មួយសប្តាហ៍បន្ទាប់ពីការបាញ់ប្រហារសម្លាប់មនុស្ស១៧នាក់ ក្នុងវិទ្យាល័យមួយនៃរដ្ឋផ្លរីដាជាសោកនាដកម្ម ដែលជំរុញឱ្យមានការជជែកដេញដោលគ្នាលើការត្រួតពិនិត្យការលក់អាវុធនៅសហរដ្ឋអាមេរិក ។
នៅក្រុងវ៉ាស៊ីនតោន ស៊ីកាហ្គោ និង PITISBURG ក៏មានបាតុកម្មជួយទ្រទ្រង់ដែរ ។
យុវជនម្នាក់អាយុ១៩ឆ្នាំ ឈ្មោះ NIKOLAS CRUZ បានប្រើកាំភ្លើងវាយលុកពាក់កណ្តាលស្វ័យប្រវត្តិសម្លាប់មនុស្ស១៧នាក់ ក្នុងវិទ្យាល័យមួយនៅ PARKLAND ។ ការបាញប្រហារនេះដែលបង្ហូរឈាមបំផុតក្នុងប្រវត្តិសាស្ត្រអាមេរិកក្នុងគ្រឹះស្ថានសិក្សាក្រោយការបាញ់សម្លាប់មនុស្សនៅសាលាបឋមសិក្សា SANDY HOOK ក្រុង NEWTOWN កាលពីខែធ្នូ ឆ្នាំ២០១២ នាំឱ្យមានការជជែកលើការទិញអាវុធប្រើដោយសេរីនៅសហរដ្ឋអាមេរិក ។
ប្រធានាធិបតីអាមេរិក លោកដូណាល់ ត្រាំ ក្រោមការគាបសង្កត់បានសន្យាពង្រឹងបែបបទទាក់ទិនដល់ការត្រួតពិនិត្យប្រវត្តិ និងបញ្ហាផ្លូវចិត្តពួកអ្នកដែលចង់ទិញកាំភ្លើងប្រើ ។ ម្យ៉ាងទៀតពេលទទួលពួកអ្នកនៅរស់រានមានជីវិតពីការបាញ់សម្លាប់នៅវិទ្យាល័យរដ្ឋផ្លរីដាក្នុងសេតវិមាន លោកត្រាំ ថ្លែងថា ត្រៀមពិនិត្យលើការបំពាក់អាវុធសម្រាប់គ្រូបង្រៀនតាមសាលាដើម្បីអាចបញ្ចប់បានឆាប់រហ័សចំពោះការវាយប្រហារជាយថាហេតុណាមួយ ៕
ចែករំលែកព័តមាននេះ