ការសិក្សាមួយដែលធ្វើឡើងដោយពួកអ្នកវិទ្យាសាស្ត្រសាកលវិទ្យាល័យ Hallym University ប្រទេសកូរ៉េខាងត្បូងបានបង្ហាញជាភស្តុតាងថា សមាសធាតុ Anthocyaninsមាននៅក្នុងពោតពណ៌ស្វាយមានសមត្ថភាពបញ្ឈប់ការអភិវឌ្ឍ Diabetic nephropathy(ប្រភេទជំងឺតម្រងនោមម្យ៉ាង) និងជំងឺទឹកនោមផ្អែមប្រភេទ២ ។ លទ្ធផលនេះបានកើតចេញពីការពិសោធ២ដាច់ដោយឡែកពីគ្នាដែលមួយពិសោធលើ កោសិកាមនុស្ស និងមួយទៀតពិសោធលើសត្វកណ្តុរ ។
ពោតពណ៌ស្វាយត្រូវគេរកឃើញថា ផ្ទុកទៅដោយសមាសធាតុគីមីពីធម្មជាតិសំខាន់ៗពីរយ៉ាងគឺ Anthocyaninsនិង Phenolics។ តាមរយៈការសិក្សា សមាសធាតុទាំង២នេះមានសមត្ថភាពប្រឆាំងនឹងការរលាក ព្រមទាំង ប្រឆាំងនឹងអុកស៊ីដកម្ម ។ ដោយឡែក ការសិក្សាស្រាវជ្រាវជាច្រើនពីមុនមកក៏សុទ្ធតែបង្ហាញថា ទទួលទានពោតពណ៌ស្វាយមានប្រសិទ្ធភាពលើជំងឺទឹកនោមផ្អែម ។
ដូច្នេះលទ្ធផលលើកនេះបានបង្ហាញជាភស្តុតាងកាន់តែច្បាស់បន្ថែមទៀតអំពីអត្ថប្រយោជន៍សុខភាពរបស់ពោតពណ៌ស្វាយ ។អ្នកវិទ្យាសាស្ត្រដដែលបញ្ជាក់ថា ការជ្រើសយកពោតប្រភេទពណ៌ស្វាយមកទទួលគឺពិតជាមានសារសំខាន់ជួយទប់ស្កាត់ការកើតជំងឺតម្រងនោមសម្រាប់អ្នកកើតជំងឺទឹកនោមផ្អែមប្រភេទ២ ៕
ចែករំលែកព័តមាននេះ