ខេត្តឧត្តរមានជ័យ ៖ ក្មេងស្រីម្នាក់បានប្រលងឆមាសធ្លាក់មុខវិជ្ជាគណិតវិទ្យា ក៏បានដាច់ចិត្តចង.ករធ្វើអត្តឃាត់ខ្លួនឯងចោល បងប្អូន ឪពុកម្តាយ កាលពីវេលាម៉ោង១៨និង២០នាទីយប់ ថ្ងៃទី២១ ខែកុម្ភៈ ឆ្នា២០១៨ នៅក្នុងភូមិថ្មី ឃុំថ្លាត ស្រុកអន្លង់វែង ខេត្តឧត្តរមានជ័យ ។
ក្មេងរងគ្រោះឈ្មោះ មាស ស្រីដា ភេទស្រី អាយុ១៨ឆ្នាំ រស់នៅភូមិរំចេក ឃុំអន្លង់វែង ស្រុកអន្លង់វែង បច្ចុប្បន្នមកស្នាក់នៅជាមួយជីតា និងជីដូននៅក្នុងភូមិឃុំកើតហេតុខាងលើ ជាសិស្សវិទ្យាល័យហ៊ុនសែនអន្លង់វែង ។
យោងតាមសម្តីឪពុកម្តាយស្ត្រីរងគ្រោះបានឱ្យដឹងថា កូនស្រីរបស់គាត់បានខិតខំក្នុងការសិក្សារៀនសូត្រណាស់ ហើយមិនដែលដើរលេង ឬមានសង្សារនោះទេ នៅពេលនាងចេញពីសិក្សារៀនសូត្រ នាងបានជួយកិច្ចការងារផ្ទះជាមួយនឹងជីដូន សម្រាប់ថ្ងៃអាទិត្យនាងជិះម៉ូតូទៅផ្ទះលេងនឹងម្តាយឪពុក ខណៈមុនពេលនាងចង.ករសម្លាប់ខ្លួន ដោយសារតែនាងតូចចិត្តប្រឡងធ្លាក់នូវមុខវិជ្ជាគណិត បានបន្សល់ទុក្ខលិខិតមួយសន្លឹកដោយ សរសេជាអក្សជាភាសាអង់គ្លេស ។
ប៉ូលិសស្រុកអន្លង់វែងផ្នែកព្រហ្មទណ្ឌស្រុកបានឱ្យដឹងថា បន្ទាប់ពីបានទទួលនូវព័ត៌មានរាយការណ៍កម្លាំងជំនាញបានចុះទៅដល់កន្លែងកើតហេតុ ធ្វើការពិនិត្យ និងធ្វើកោសល្យវិច្ច័យឃើញថា ស្ត្រីរងគ្រោះពិតជាបានយកកន្សែងពោះគោ ពណ៌ស្វាយចង.ករជាប់នឹងដើមឈើត្រសេកពិតប្រាកដមែន ។ ក្រោយពីបានពិនិត្យ រួចសមត្ថកិច្ចបានប្រគល់សាកសពជូនទៅក្រុមគ្រួសារធ្វើបុណ្យទៅតាមប្រពៃណី ។
គួរំលឹកផងដែរ សម្រាប់ខេត្តឧត្តរមានជ័យនៅដើមឆ្នាំ២០១៨នេះ កើតមានករណីចង.ករសម្លាប់ខ្លួនជាលើកទី៣ហើយ ៕
ចែករំលែកព័តមាននេះ