ខេត្តកំពង់ស្ពឺ ៖ នៅព្រឹកថ្ងៃទី២២ ខែកុម្ភៈ ឆ្នាំ២០១៨ សមត្ថកិច្ចមេព្រៃកំពុងព័ទ្ធផ្ទះ និងដីចំការរបស់ឈ្មួញឈើមួយរូបនៅភូមិតាំងស្យា ឃុំតាំងស្យា ស្រុកភ្នំស្រួច ខេត្តកំពង់ស្ពឺ…
ខេត្តកំពង់ស្ពឺ ៖ នៅព្រឹកថ្ងៃទី២២ ខែកុម្ភៈ ឆ្នាំ២០១៨ សមត្ថកិច្ចមេព្រៃកំពុងព័ទ្ធផ្ទះ និងដីចំការរបស់ឈ្មួញឈើមួយរូបនៅភូមិតាំងស្យា ឃុំតាំងស្យា ស្រុកភ្នំស្រួច ខេត្តកំពង់ស្ពឺ ដែលសង្ស័យថា មានលាក់ទុកឈើជាច្រើនកំណាត់ ។
ឈើទាំងនេះត្រូវបានប្រភពបង្ហើបថា ជារបស់មន្ត្រីយោធាហើយក៏ជាកូនរបស់មេឈ្មួញឈើដ៏ធំប្រចាំស្រុកភ្នំស្រួចផងដែរ ដែលខាងកងរាជអាវុធហត្ថលើផ្ទៃប្រទេសទើបតែឃាត់ខ្លួនតាមដីការរបស់អយ្យការអមសាលាដំបូងរាជធានីភ្នំពេញកាលពីពេលថ្មីៗកន្លងទៅនេះពីបទប្រើប្រាស់រថយន្តពណ៌ត្រេអ៊ី និងក្លែងផ្លាកលេខយោធាដើម្បីបំរើប្រយោជន៍បុគ្គល ។
គួរបញ្ជាក់ថា កន្លងមកសកម្មភាពដឹកជញ្ជូនឈើរបស់ក្រុមឈ្មួញនៅចំណុចខាងលើគេមិនដែលឃើញអស់លោកមេព្រៃខាងសង្កាត់រដ្ឋបាលគិរីវ័ន្ត និងផ្នែករដ្ឋបាលព្រៃឈើបសេដ្ឋបង្ក្រាបបានម្តងណាឡើយ ។ ទើបតែលើកនេះមានសេចក្តីរាយការណ៍ពីពលរដ្ឋល្អហើយមានបញ្ជាពីថ្នាក់ដឹកនាំមន្ទីរជំនាញពាក់ព័ន្ធទើបឃើញលោកមេព្រៃស្ទុះស្ទារចុះមកកន្លែងស្តុក ៕
ចែករំលែកព័តមាននេះ