ខេត្តរតនគិរី ៖ សេចក្តីរាយការណ៍បឋមឱ្យដឹងថា មានករណីរំលោភហើយសម្លាប់នារីជនជាតិទំពួនម្នាក់យ៉ាងឃោរឃៅ ដែលហេតុការណ៍នេះបង្កការភ្ញាក់ផ្អើល កាលពីវេលាម៉ោងប្រហែល០៦ និង៣០នាទីយប់ ថ្ងៃទី២១ កុម្ភៈ ត្រង់ចំណុចដីចម្ការស្វាយចន្ទីមួយកន្លែង ស្ថិតក្នុងភូមិញ៉ល់ ឃុំឡាមិញ ស្រុកបរកែវ ខេត្តរតនគិរី ។
សេចក្តីរាយការណ៍បន្តថា នារីរងគ្រោះខាងលើមានអាយុ១៨ឆ្នាំ ជនជាតិទំពួន ជាសិស្ស ។ យោងប្រភពពីសមត្ថកិច្ចថា ឃាតករមិនស្គាល់មុខ បានពួនចាំស្ទាក់ម៉ូតូនារីរងគ្រោះ ហើយអូសចូលក្នុងចំការចន្ទី ចម្ងាយពីផ្លូវប្រហែល៥០ម៉ែត្រ រួចធ្វើសកម្មភាពតែម្តង ។
បច្ចុប្បន្ន កម្លាំងជំនាញស្រុកបរកែវ និងកម្លាំងប៉ុស្តិ៍កំពុងធ្វើការស្រាវជ្រាវយ៉ាងយកចិត្តទុកដាក់ ដើម្បីវែកមុខឃាតករ ។
ចែករំលែកព័តមាននេះ