រាជធានីភ្នំពេញ ៖ ព្រះមហាក្សត្រសម្តេចព្រះបរមនាថនរោត្តមសីហមុនី និងសម្តេចម៉ែនៅព្រឹកថ្ងៃទី២២ ខែកុម្ភៈនេះ បានយាងចាកចេញពីប្រទេសកម្ពុជា ដើម្បីពិនិត្យព្រះរាជសុខភាព នៅមន្ទីរពេទ្យ ក្នុងទីក្រុងប៉េកាំង ។
ដោយយាងទៅកាន់ទីក្រុងប៉េកាំងប្រទេសចិន ដូចដែលបានយាងទៅពិនិត្យសុខភាពមុនៗដែរ ។ មានការកត់សម្គាល់ថា នៅឯព្រលានយន្តអន្តរជាតិភ្នំពេញក្នុងការជូនព្រះរាជដំណើរមានវត្តមានសម្តេច ហេង សំរិន ប្រធានរដ្ឋសភា សម្តេចតេចោ ហ៊ុន សែននាយករដ្ឋមន្ត្រី សម្តេច សាយ ឈុំ សម្តេច ស ខេង និងមន្ត្រីរាជការជាច្រើនរូប នៅព្រលានយន្តហោះអន្តរជាតិភ្នំពេញ ។
តាមការអះអាងរបស់មន្ត្រីរាជរដ្ឋាភិបាលបានបញ្ជាក់ថា ព្រះមហាក្សត្រជារៀងរាល់៦ខែ ម្តងយាងទៅកាន់ទីក្រុងប៉េកាំង ដើម្បីពិនិត្យព្រះរាជសុខភាពជាប្រចាំ ។ តាមការគ្រោងទុកព្រះមហាក្សត្រនឹងយាងព្រះរាជមាតុភូមិនិវត្តន៍មកកាន់ព្រះរាជាណាចក្រកម្ពុជាវិញកំឡុង៣ខែក្រោយ ៕
ចែករំលែកព័តមាននេះ