រាជធានីភ្នំពេញ ៖ លោកទេសរដ្ឋមន្ដ្រីប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិអនុញ្ញាតឲ្យលោកស្រី Lene K. Christiansen តំណាងអង្គការ…
រាជធានីភ្នំពេញ ៖ លោកទេសរដ្ឋមន្ដ្រីប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិអនុញ្ញាតឲ្យលោកស្រី Lene K. Christiansen តំណាងអង្គការ UNFPA ប្រចាំកម្ពុជាចូលជួបសម្តែងការគួរសមនាព្រឹកថ្ងៃទី២២ ខែកុម្ភៈ ឆ្នាំ២០១៨ នៅភ្នំពេញ ស្តីការក្រសួងការបរទេស ។
លោកជុំ សុន្ទរី អ្នកនាំពាក្យក្រសួងការបរទេសបានប្រាប់ក្រុមអ្នកសារព័ត៌មានក្រោយពីជំនួបថា លោកស្រីLene K.Christiansen ជាតំណាងអង្គការមូលនិធិសម្រាប់ប្រជាជនរបស់អង្គការសហប្រជាជាតិបានចូលសំដែងការគួរសម ជម្រាបលា នៅពេលដែលលោកស្រី បញ្ចប់ការងារនៅកម្ពុជា ។ លោកទេសរដ្ឋមន្ត្រីបានថ្លែងថា «លោកសូមវាយតម្លៃខ្ពស់របស់លោកស្រីដែលបានមកបំពេញការងារនៅក្នុងប្រទេសកម្ពុជា» ។ លោកបានសំដែងអំណរគុណចំពោះជំនួយ និងកិច្ចសហការរបស់អង្គការមូលនិធិសម្រាប់ប្រជាជនរបស់អង្គការសហប្រជាជាតិ ។ ចំពោះព្រះរាជាណាចក្រកម្ពុជាអង្គការ UNFPA បានចាប់ផ្តើមតាំងពីឆ្នាំ១៩៩៣ ដើម្បីជួយដល់ប្រជាពលរដ្ឋកម្ពុជា ។ លោកទេសរដ្ឋមន្ត្រីបានលើកឡើងដោយសំដែងអំណរគុណរបស់អង្គការនេះ ដែលបានជួយសម្រួលដល់មូលនិធីសម្រាប់ប្រជាជន និងជួយដល់រាជរដ្ឋាភិបាលកម្ពុជា ដើម្បីឲ្យបានសម្រេចនូវគោលដៅអភិវឌ្ឍន៍ប្រកបដោយចីរភាពរបស់កម្ពុជា ។
លោកបានលើកឡើងពីការរួមចំណែករបស់អង្គការ UNFPA ជួយដល់ពលរដ្ឋកម្ពុជាលើផ្នែកសុខភាពមាតា និងទារក មនុស្សពេញវ័យ យុវជន និងបញ្ហាយេនឌឺ ហើយសក្តានុពលរបស់ប្រជាជន ។ លោកទេសរដ្ឋមន្ត្រីបន្តថា ៖ កន្លងមកនេះមានកិច្ចប្រជុំដោយជោគជ័យរវាងសម្តេចតេជោ ហ៊ុនសែននាយករដ្ឋមន្ត្រី និងដៃគូអង្គការសហប្រជាជាតិនានាប្រចាំនៅកម្ពុជាក្នុងនោះក៏មានអង្គការ UNFPAដែរ ។ កិច្ចប្រជុំនេះបានដាក់ចេញនូវកិច្ចសហប្រតិបត្តិការជាមួយបណ្តាអង្គការសហប្រជាជាតិឲ្យកាន់តែប្រសើរឡើង ។ លោកទេសរដ្ឋមន្ត្រីបានលើកឡើងថា៖លោកមានជំនឿថា កិច្ចសហប្រតិបត្តិរវាងរាជរដ្ឋាភិបាលកម្ពុជាជាមួយអង្គការនានារបស់អង្គការសហប្រជាជាតិ និងអង្គការ UNFPA ត្រូវបានពង្រឹង និងពង្រីកបន្ថែមទៀត ។
លោកស្រីប្រធានអង្គការ UNFPA បានលើកឡើងថា ៖ លោកស្រីមានការពេញចិត្តចំពោះការងាររបស់លោកស្រីដែលបានបំពេញនៅក្នុងប្រទេសកម្ពុជាកន្លងមក ។ លោកស្រីថាUNFPA មានការសហការល្អជាមួយរាជរដ្ឋាភិបាលកម្ពុជានិ ងក្រសួងពាក់ព័ន្ធនានា ដើម្បីអនុវត្តកម្មវិធីរបស់ UNFPA ប្រចាំនៅកម្ពុជាក៏ដូចជាដៃគួជាមួយគ្នា ដើម្បីការអភិវឌ្ឍន៍ដោយចីរភាពនៅកម្ពុជា ។ លោកស្រីបានលើកឡើងថា ៖ NUFPA នៅតែបន្តសហការជាមួយរាជរដ្ឋាភិបាលកម្ពុជាក្នុងការអភិវឌ្ឍន៍ប្រកបដោយចីរភាពរបស់ខ្លួន ៕
ចែករំលែកព័តមាននេះ