ឆេះក្លឹបកម្សាន្តដ៏ល្បីក្នុងក្រុងព្រះសីហនុរងរបួសធ្ងន់តារាចម្រៀងម្នាក់
- ព្រះសីហនុ
ខេត្តព្រះសីហនុ ៖ ក្លឹបកម្សាន្តដ៏មានប្រជាប្រិយភាពនៅក្នុងក្រុងព្រះសីហនុ យីយោ LV Clube (អិលវី) នៅវេលាម៉ោង២៣និង៥៥នាទី ថ្ងៃទី២១ ខែកុម្ភៈ…
ខេត្តព្រះសីហនុ ៖ ក្លឹបកម្សាន្តដ៏មានប្រជាប្រិយភាពនៅក្នុងក្រុងព្រះសីហនុ យីយោ LV Clube (អិលវី) នៅវេលាម៉ោង២៣និង៥៥នាទី ថ្ងៃទី២១ ខែកុម្ភៈ…
ខេត្តព្រះសីហនុ ៖ ក្លឹបកម្សាន្តដ៏មានប្រជាប្រិយភាពនៅក្នុងក្រុងព្រះសីហនុ យីយោ LV Clube (អិលវី) នៅវេលាម៉ោង២៣និង៥៥នាទី ថ្ងៃទី២១ ខែកុម្ភៈ នេះ ត្រូវបានអគ្គិភ័យកំពុងឆាបឆេះ ស្ទើរទាំងស្រុង ផ្នែកខាងក្នុងបន្ទាប់ពីឆាបឆេះផ្នែកពិដាន ត្រង់ចំណុចម្តុំឆាកប្រគំតន្ត្រី នេះបើយោងតាមព័ត៌មានបឋមពីបុគ្គលិកបានឃើញហេតុការណ៍ ។
ជុំវិញហេតុការណ៍នេះ យោងតាមព័ត៌មានបឋមពីមន្ត្រីមូលដ្ឋានបានឲ្យដឹងថា នៅវេលាម៉ោង២៣និង៥៥នាទី ថ្ងៃទី២១ ខែកុម្ភៈ ឆ្នាំ២០១៨ នេះ មានអគ្គិភ័យបានឆាបឆេះក្លឹបកម្សាន្តមួយ យីហោ អិលវីក្លឹប ដែលមានទីតាំងស្ថិតក្នុងក្រុម០៣ ភូមិ០៤ សង្កាត់លេខ៤ ក្រុងព្រះសីហនុ បណ្ដាលឲ្យអ្នកចម្រៀងម្នាក់រងរបួសធ្ងន់ ត្រៀមបញ្ជូនទៅកាន់ភ្នំពេញ ។ គិតមកដល់វេលាម៉ោង០១និង១៥នាទី ឈានចូលថ្ងៃទី២២ ខែកុម្ភៈ ឆ្នាំ២០១៨ នេះ អគ្គិភ័យនៅពុំទាន់អាចគ្រប់គ្រងបានទាំងស្រុងនោះទេ ដោយនៅក្នុងមានស្ថានភាពស្មុគស្មាញ គឺរលត់បានតែផ្នែកខាងក្រៅ ។ រថយន្តពន្លត់អគ្គិភ័យកំពុងព្យាយាមជួយសង្គ្រោះ ដោយប្រើរថយន្តជាច្រើនគ្រឿង រួមមានរថយន្តរបស់នគរបាលខេត្ត រថយន្តកងរាជអាវុធហត្ថខេត្ត ។
យោងតាមប្រភពពីបុគ្គលិកក្លឹប បានឲ្យដឹងថា នេះសំណាងហើយ នៅយប់វេលាកើតហេតុ ពុំសូវមានភ្ញៀវ គឺមានតែពីរទៅបីតុ កុំអីមិនដឹងជាយ៉ាងណានោះទេ ។ នៅមុនកើតហេតុ គេបានឃើញកម្ទេចភ្លើងធ្លាក់មកពីលើពិដានម្តុំឆាកប្រគំតន្ត្រី ភ្លាមភ្ញៀវក៏បានរត់ចេញមកក្រៅ ឯបុគ្គលិកបានយកបំពង់ពន្លត់អគ្គិភ័យមកបាញ់ តែពុំមានប្រសិទ្ធភាព អណ្ដាតភ្លើងបានឆាបឆេះយ៉ាងលឿន ហើយធ្លាក់មកជាបន្តបន្ទាប់ ខណៈពេលនោះឈ្មោះ បូ សីហា អាយុប្រហែល៣៣ឆ្នាំ ជាអ្នកចម្រៀងប្រចាំក្លឹប បានរត់ចេញពីបន្ទប់ទឹក ក៏ត្រូវបានពិដានដែលកំពុងឆាបឆេះធ្លាក់ពីលើឆាបឆេះលើខ្លួនយ៉ាងសន្ធោសន្ធៅ ធ្វើឲ្យរលាករលួយពេញខ្លួន ហើយក៏ត្រូវបានបុគ្គលិកមួយចំនួនព្យាយាមចូលទៅសង្គ្រោះចេញពីអណ្ដាតភ្លើងដឹកទៅកាន់មន្ទីពេទ្យបង្អែកចំការចេក ដោយស្ថានភាពធ្ងន់ធ្ងរពេក ក៏សម្រេចបញ្ជូនទៅកាន់រាជធានីភ្នំពេញ នៅវេលាម៉ោង០១និង៣០នាទី ។
ចំពោះទំហំនៃការខូចខាត គេនៅពុំទាន់អាចវាយតម្លៃបាននៅឡើយទេ ឯមូលហេតុគេសង្ស័យថា បណ្ដាលមកពីទុស្សេខ្សែរភ្លើង ផ្នែកខាងលើពិដាន នៃក្លឹប ៕
ចែករំលែកព័តមាននេះ