រាជធានីភ្នំពេញ ៖ អាជ្ញាធររាជធានីភ្នំពេញបានអះអាងថា យានដ្ឋានជួសជុលរថយន្តនៅក្នុងភូមិសាស្ត្រខណ្ឌ ទួកគោក ដង្កោ និងខណ្ឌពោធិសែនជ័យចំនួន១៣ទីតាំង ត្រូវបានបិទអាជីវកម្មទាំងស្រុង ហើយការងារបន្ត ក្រុមការងារ ពិសេសក្រោមឱវាទរដ្ឋបាលរាជធានីភ្នំពេញ ដែលការអះអាងនៅថ្ងៃទី២១ ខែកុម្ភៈនេះ ហើយ នៅតែបន្តចុះត្រួតពិនិត្យ និងឃ្លាំមើលយានដ្ឋានជួសជុលរថយន្តណា ដែលនៅតែបន្តអាជីវកម្មលួចលាក់តទ្រុង និងគ្មានច្បាប់អនុញ្ញាតឲ្យបានទូទាំងរាជធានីភ្នំពេញ ។
លោកស្រី បុប្ផា ផានី អនុប្រធានមន្ទីរសាធារណការ និងដឹកជញ្ជូនរាជធានីភ្នំពេញបានឲ្យដឹងថា យានដ្ឋានជួលជុលរថយន្តនៅភ្នំពេញមានចំនួន៨២០ទីតាំងក្នុងនោះ មានច្បាប់ចំនួន៣៨២ទីតាំង និងអត់ច្បាប់ចំនួន៤៣៨ទីតាំង ដែលអាជ្ញាធរមូលដ្ឋានក៏ដូចជា ក្រុមការងារពិសេសកំពុងតែឃ្លាំមើល ប្រសិនបើរកឃើញថា មានយានដ្ឋានណា ដែលនៅតែបន្តអាជីវកម្មលួច តទ្រុងទៀតនោះអាជ្ញាធររាជធានីភ្នំពេញ និងបិទអាជីវកម្មតែម្តង ។
លោកស្រី បានបន្តថា មកដល់ពេលនេះក្រុមការងារបានចុះត្រួតពិនិត្យយានដ្ឋានជួសជុលរថយន្តនៅក្នុងភូមិសាស្ត្រខណ្ឌចំនួន៣គឺ ខណ្ឌទួកគោក ដង្កោ និងខណ្ឌពោធិសែនជ័យបានពិនិត្យឃើញយានដ្ឋានចំនួន១៣ទីតាំង ដែលមិនមានច្បាប់អនុញ្ញាត និងនៅតែលួចតទ្រុងរថយន្តខុសបច្ចេកទេសទៀត ដែលអាជ្ញាធរចាំបាច់ត្រូវតែបិទអាជីវកម្មទាំងស្រុងតែម្តង ៕
ចែករំលែកព័តមាននេះ