សន្តិសុខ៣នាក់ដេកយាមអត់ដឹង ចោរចូលលួចទ្រព្យសម្បត្តិរោងចក្រ
- កណ្តាល
ខេត្តកណ្ដាល ៖ មានសេចក្តីរាយការណ៍ថា កាលពីវេលាម៉ោង៣ ទៀបភ្លឺឈានចូលថ្ងៃទី២១ កុម្ភៈ ២០១៨ នៅចំណុចក្នុងរោងចក្រទី៥ ក្រុមហ៊ុន7NG ស្ថិតនៅភូមិព្រៃចាស់…
ខេត្តកណ្ដាល ៖ មានសេចក្តីរាយការណ៍ថា កាលពីវេលាម៉ោង៣ ទៀបភ្លឺឈានចូលថ្ងៃទី២១ កុម្ភៈ ២០១៨ នៅចំណុចក្នុងរោងចក្រទី៥ ក្រុមហ៊ុន7NG ស្ថិតនៅភូមិព្រៃចាស់…
ខេត្តកណ្ដាល ៖ មានសេចក្តីរាយការណ៍ថា កាលពីវេលាម៉ោង៣ ទៀបភ្លឺឈានចូលថ្ងៃទី២១ កុម្ភៈ ២០១៨ នៅចំណុចក្នុងរោងចក្រទី៥ ក្រុមហ៊ុន7NG ស្ថិតនៅភូមិព្រៃចាស់ ឃុំវិហារសួគ៌ ស្រុកខ្សាច់កណ្តាល ខេត្តកណ្តាល។ មានករណីចោរចូលលួចលុយកាត់ និងសម្ភារអស់រាប់ម៉ឺនដុល្លារអាមេរិក។ តាមប្រភពព័ត៌មានពីលោក ប៊ុន ណារ៉េត ភេទប្រុស អាយុ៤៦ឆ្នាំ ជនជាតិខ្មែរ មុខរបរប្រធានរដ្ឋបាល មានទីលំនៅភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ បានរៀបរាប់សមត្ថកិច្ចថា នៅក្រុមហ៊ុនស៊ីសក្លូបល(ខេអេច)ខូអិលធីឌី ជាក្រុមហ៊ុនផលិតស្រោមដៃ។
ដែលយប់កើតហេតុមានសន្តិសុខយាមប្រចាំការចំនួន៣នាក់ លុះដល់ម៉ោង៣ទៀបភ្លឺចូល ស្រាប់តែមានចោរចូលកាត់ សោទ្វារពីរកន្លែង ត្រង់ចំហៀងខាងក្រោយរោងចក្រ និងចំហៀងខាងកើតចូលលួចយកអស់សម្ភាភារ និងទ្រព្យសម្បត្តិ ដែលត្រូវបាត់បង់ដូចជា Laptop ១គ្រឿង iPad ១គ្រឿង កាតគ្រីរថយន្ត១សន្លឹក គាស់ទូដែកយកអស់ប្រាក់ដុល្លារ ២៧.៦៦៥ ដុល្លាអាមេរិក និងលុយខ្មែរ ៧៣៦.១០០ រៀល។ ក្រោយពីធ្វើសកម្មភាពក្រុមចោរបានបន្សល់ទុកនៅ ស្បែកជើងផ្ទាត់០១គូ និងស្រោមដៃចំនួន៨បេ ដែលជនសង្ស័យយកចេញមិនរួច។
ករណីខាងលើនេះ សមត្ថកិច្ចជំនាញនគរបាលព្រហ្មទណ្ឌស្រុកខ្សាច់កណ្តាលកំពុងធ្វើការស្រាវជ្រាវ និងស៊ើបអង្កេត វែកមុខទៅលើក្រុមចោរចិត្តស្លុយនេះ។ ក្នុងនោះក៏មានការដាកចម្ងល់ផងដែរថា រោងចក្រមួយទាំងមូលដាក់ សន្តិសុខយាម៣នាក់ ហើយចោរកាត់សោទ្វាររោងចក្រចូលយកលុយកាក់សម្ភារអត់មានអ្នកណាដឹង៕
ចែករំលែកព័តមាននេះ