ខេត្តកំពង់ចាម ៖ ដោយផ្អែកតាមអនុសាសន៍ដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រីនៃ ព្រះរាជាណាចក្រកម្ពុជា ឲ្យមានវិធានការក្តៅលើរថយន្តធំៗ ដែលតទ្រុងខុសបទដ្ឋានបច្ចេកទេសនោះ ។…
ខេត្តកំពង់ចាម ៖ ដោយផ្អែកតាមអនុសាសន៍ដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រីនៃ
ព្រះរាជាណាចក្រកម្ពុជា ឲ្យមានវិធានការក្តៅលើរថយន្តធំៗ ដែលតទ្រុងខុសបទដ្ឋានបច្ចេកទេសនោះ
។ ត្រូវបានលោក គួច ចំរើន អភិបាលខេត្ត បានចាត់ឲ្យមន្ត្រីស្ថាប័នជំនាញសហការជាមួយនឹងសមត្ថកិច្ច
ចុះអនុវត្តន៍នៅតាមបណ្តាស្រុក-ក្រុងទាំង១០ ដែលរហូតមកដល់ព្រឹកថ្ងៃទី២១ កុម្ភៈ ២០១៨ បានចំនួន
៣៦០៨គ្រឿង ក្នុងនោះរកឃើញខុសបទដ្ឋានបច្ចេកទេសមានចំនួន១២៦គ្រឿង។ លោក សុខ លឹមហៀង អនុប្រធានមន្ទីរសាធារណៈការ និងដឹកជញ្ជូនខេត្ត ប្រាប់ឲ្យដឹងថា បន្ទាប់ពីទទួលបានូវអនុសាសន៍របស់សម្តេចតេជោ កម្លាំងសាធារណៈការខេត្ត បានបើកកិច្ចសហការជាបន្ទាន់ជាមួយនគរបាលចរាចរណ៍ មន្ត្រីពន្ធដារ ដោយបានធ្វើរដ្ឋបាលចំហទាំងយប់ទាំងថ្ងៃដើម្បីពិនិត្យរកមើលរថយន្តធំៗដែលបានកែច្នៃតទ្រុងខុសលក្ខណៈបច្ចេកទេស គឺបានចុះបន្តធ្វើដូចភ្លៀងរលឹមតែម្តង។
លោក សុខ លឹមហៀង អនុប្រធានមន្ទីរសាធារណៈ និងដឹកជញ្ជូនខេត្ត ប្រាប់បន្តថា ការចុះអនុវត្តន៍នេះ
ត្រូវបានធ្វើឡើងនៅវេលាម៉ោង១២យប់រំលងអាធ្រាត្រឈានចូលព្រឹកថ្ងៃទី១០ កុម្ភៈ ២០១៨ រហូមកដ
ល់ព្រឹកថ្ងៃទី២១ កុម្ភៈ ចំពោះរថយន្តត្រូវបានត្រួតពិនិត្យមានចំនួនជាង៣.០០០គ្រឿង ក្នុងនោះបាន
រកឃើញខុសបច្ចេកទេសមានចំនួន១២៦គ្រឿង ហើយបានកាត់ទ្រុងរួចរាល់ចំនួន៦២គ្រឿង និងបន្តចុះ
រកមើលរថយន្តធំៗបន្តទៀត ក្នុងករណីខុសបច្ចេកទេសតម្រូវឲ្យកាត់ទ្រុងចេញ។ បើពុំនោះនឹងធ្វើឲ្យខូច
ស្រុតផ្លូវថ្នល់ដោយសារតែការផ្ទុកលើសទម្ងន់នោះ ដូច្នេះដើម្បីថែរក្សាផ្លូវប្រើប្រាស់ឲ្យបានយូរអង្វែង រូបលោកសំណូមពរដល់ម្ចាស់យានយន្តទាំងឡាយ មេត្តាផ្ទុកទំនិញកុំឲ្យលើសទម្ងន់។
លោក សុខ លឹមហៀង អនុប្រធានមន្ទីរសាធារណៈការ និងដឹកជញ្ជូនខេត្តបញ្ជាក់ថា ដោយឡែករាល់ថ្ងៃ
នេះមានរថយន្តតូចធំគ្រប់ប្រភេទទាំងនៅក្នុងខេត្ត និងមកពីតាមបណ្តាខេត្តផ្សេងៗទៀតដូចជា កំពង់ធំ
ក្រចេះ ព្រៃវែង និងស្វាយរៀង បានយករថយន្តមកឆៀកនៅមន្ទីរសាធារណៈការខេត្ត ដើម្បីត្រួតពិនិត្យពីលក្ខណៈបច្ចេកទេសយានយន្ត។ បើសិនជាម្ចាស់យានយន្តណាដែលមិនទាន់បាន ឆៀករថយន្ត សូមប្រញាប់យករថយន្តមកឆៀក ឲ្យបានទាន់ពេលវេលាកំណត់ ដើម្បីបញ្ចៀសគ្រោះថ្នាក់ចរាចរណ៍តាមដងផ្លូវនានាបាន ទាល់តែមានការចូលរួមពីអ្នកប្រើប្រាស់ មធ្យោបាយយានយន្តគ្រប់ប្រភេទនាំគ្នាគោរពច្បាប់ចរាចរណ៍ទើបជាការប្រសើរ ពេលបើកបរមិនត្រូវ មានជាតិស្រវឹង ឬគ្រឿងញៀននោះឡើយ។ ចំណែកលោកឧត្តមសេនីយ៍ត្រី សោម រស់ ស្នងការរងនគរបាលខេត្តទទួលផែនសណ្តាប់ធ្នាប់វិញប្រាប់ឲ្យដឹងដែរថា ការចុះអនុវត្តលើវិធានការក្តៅរបស់សម្តេចតេជោ សែន គឺត្រូវបានធ្វើឲ្យគ្រប់រថយន្តទាំងអស់ដោយមិនបានប្រកាន់ថា របស់អ្នកនេះ ឬរបស់អ្នកនោះឡើយ៕
ចែករំលែកព័តមាននេះ