ប្លែកទៀតហើយលើកនេះ កំពូលតារាចម្រៀងប្រចាំប្រទេសកម្ពុជាក្នុងដួងចិត្តបងប្អូនមិនចេះជិនណាយ គឺលោក ព្រាប សុវត្តិ និងមកជួបបងប្អូននៅក្រុងព្រះសីហនុជាមួយស្តាយ៍បែប រ៉ក រ៉ក និងបទចម្រៀង រ៉ក រ៉ក កន្ត្រាក់អារម្មណ៍ជាច្រើនបទ នាថ្ងៃទី 24 កុម្ភៈ នៅឆ្នេរអូរឈើទាលក្នុងព្រឹត្តិការណ៍ប្រគំតន្ត្រីបែប រ៉ក រ៉ក ដ៏ធំអស្ចារ្យ BOOSTRONG ROCK ON FIRE TOUR CONCERT។
តាមព័ត៌មានច្បាស់ការណ៍ពីផលិតកម្ម ហង្សមាស បានឲ្យដឹងថា កំពូលតារាចម្រៀងប្រចាំប្រទេសកម្ពុជា លោក ព្រាប សុវត្តិ បានរៀបចំបទចម្រៀងបែប រ៉ក រ៉ក ជាច្រើនបទ ដើម្បីកន្ត្រាក់អារម្មណ៍បងប្អូននៅក្រុងព្រះសីហនុតាមបែប រ៉ក រ៉ក។ គ្រប់គ្នាបានដឹងច្បាស់ហើយថាលោក ព្រាប សុវត្តិ គឺជាតារាចម្រៀងដែលមានសំលេងយ៉ាងក្រអួនក្រអៅ ហើយអាចបកស្រាយគ្រប់បទចម្រៀងទាំងអស់មិនថា បទចម្រៀងបែបណានោះទេ។ ហើយពេលនេះគាត់នឹងបកស្រាយបទចម្រៀងជាលក្ខណៈបែប រ៉ក រ៉ក វិញម្ដង តើពីរោះ និងកក្រើកយ៉ាងណាទៅ?ច្បាស់ជាប្លែក ហើយអស្ចារ្យមិនធម្មតាទេ កំពូលតារាចម្រៀងប្រចាំប្រទេសកម្ពុជា នៅលើឆាកតន្ត្រីបែប រ៉ក រ៉ក សុទ្ធសាធដែលមិនធ្លាប់មានពីមុនមក។
ចំពោះក្រុមហ៊ុនភេសជ្ជៈប៉ូវកំលាំង ប៊ូសស្ត្រង វិញបានឲ្យដឹងថា នៅសប្ដាហ៍នេះយើងបានរៀបចំកាដូយ៉ាងពិសេសផងដែរ ដើម្បីទុកជាចំណងដៃអានុស្សាវរីយ៍ដល់បងប្អូនក្រុងព្រះសីហនុទាំងមូលមិនឲ្យចាញ់ខេត្តផ្សេងៗនោះទេ។ សូមបងប្អូនត្រៀមខ្លួនទទួលយកកាដូបែបរ៉ក រ៉ក សប្បាយ ហើយឱកាសឈ្នះរង្វាន់ទូរទស្សន៍ SMART TV និងម៉ូតូកាលីបយុវវ័យ Kawasaki ជាច្រើនគ្រឿងពី BOOSTRONG។
ចែករំលែកព័តមាននេះ