តាមការសិក្សាតាមបែបវេជ្ជសាស្ត្រថ្មីមួយបានឲ្យដឹងថា ការទទួលទានស្រាក្នុងបរិមាណតិចល្មមជារៀងរាល់ថ្ងៃ អាចជាគន្លឹះធ្វើឲ្យរស់បានដល់លើសអាយុ៩០ឆ្នាំ។ នេះបើតាមប្រភពព័ត៌មាន The Week។ ការស្រាវជ្រាវដែលត្រូវបានដឹកនាំដោយវេជ្ជបណ្ឌិតឯកទេសខាងប្រព័ន្ធប្រសាទនៅសកលវិទ្យាល័យកាលីហ្វ័រញ៉ា លោកស្រី Claudia Kawas…
តាមការសិក្សាតាមបែបវេជ្ជសាស្ត្រថ្មីមួយបានឲ្យដឹងថា ការទទួលទានស្រាក្នុងបរិមាណតិចល្មមជារៀងរាល់ថ្ងៃ អាចជាគន្លឹះធ្វើឲ្យរស់បានដល់លើសអាយុ៩០ឆ្នាំ។ នេះបើតាមប្រភពព័ត៌មាន The Week។
ការស្រាវជ្រាវដែលត្រូវបានដឹកនាំដោយវេជ្ជបណ្ឌិតឯកទេសខាងប្រព័ន្ធប្រសាទនៅសកលវិទ្យាល័យកាលីហ្វ័រញ៉ា លោកស្រី Claudia Kawas បានធ្វើការសិក្សាលើមនុស្សអាយុចាប់ពី៩០ឆ្នាំចំនួន១៧០០នាក់ តាំងពីឆ្នាំ២០០៣ ដើម្បីរកមើលថា តើទម្លាប់ប្រចាំថ្ងៃពិតជាកត្តាអាចឲ្យរស់យូរបែបនេះដែរឬអត់?
អ្នកស្រាវជ្រាវបានរកឃើញថា អ្នកដែលផឹកស្រាបៀរ ឬស្រាចំនួន២កែវក្នុងមួយថ្ងៃ អាចកាត់បន្ថយការស្លាប់មុនអាយុ៩០ឆ្នាំបាន១៨%។
លោកស្រីវេជ្ជបណ្ឌិត Kawas បានមានប្រសាសន៍ថា៖ «ខ្ញុំមិនមានការពន្យល់អ្វីសម្រាប់ការរកឃើញនេះទេ តែខ្ញុំជឿជាក់ថា ការផឹកស្រាក្នុងកម្រិតតិចសមស្របមួយ អាចជួយឲ្យរស់បានយូរ»។
ទន្ទឹមនឹងនេះដែរ អ្នកទាំង១៧០០នាក់នោះ ដែលបានធ្វើលំហាត់ប្រាណពី១៥ទៅ៤៥នាទីក្នុងមួយថ្ងៃ បានបន្ថយហានិភ័យនៃការស្លាប់មុនអាយុបាន១១%។ នេះគឺតិចជាងការផឹកស្រានៅឡើយទេ។ សម្រាប់មនុស្សមួយចំនួន មូលហេតុនៃការរស់បានយូរបាននេះ គឺអាចមកពីកត្តាសេនេទិច។ នេះមកពីពូជគាត់អីចឹង ទើបបានគាត់មានអាយុវែង។
ការសិក្សាមួយទៀតដែលត្រូវធ្វើ គឺរកឲ្យឃើញតើទម្លាប់ប្រចាំថ្ងៃមានឥទ្ធិពលលើអាយុ ខ្លាំងជាងកត្តាសេនេទិចដែរឬអត់៕
ចែករំលែកព័តមាននេះ