យោងទៅតាមសេចក្តីរាយការណ៍របស់Mail Online ឲ្យដឹងថា ក្មេងដែលកំពុងតែខូចខាតសុខភាពបេះដូងកាន់តែឆាប់ត្រឹមអាយុ១២ឆ្នាំ អាចដោយសារតែរបបអាហារពួកគេមិនគ្រប់គ្រាន់ ។ ការសិក្សារបស់សហរដ្ឋអាមេរិក បានរកឃើញនូវកម្រិតដ៏ខ្ពស់មួយនៃកត្តាប្រឈមមុខជំងឺបេះដូងលើកុមារ ។ ការសិក្សាមិនបានបង្ហាញនូវឥទ្ធិពលដោយផ្ទាល់ទៅលើកត្តាប្រឈមមុខនេះថា កើតឡើងលើមនុស្សអាយុបែបណាៗឡើយ ប៉ុន្តែវាបានបង្កើនការព្រួយបារម្ភថា វាប្រហែលជាកើតឡើងលើសុខភាពបេះដូងតាំងពីកុមារភាពមកម្ល៉េះ ។
ការសិក្សាបានពិនិត្យទៅលើកត្តាប្រឈមមុខដែលពាក់ព័ន្ធចំនួនបួន ដែលត្រូវបានគេស្គាល់ថា ជាហេតុនាំឲ្យកើតជំងឺបេះដូងលើមនុស្សធំ។ កត្តាទាំងនោះមានដូចជា៖
•របបអាហារមិនគ្រប់គ្រាន់
•ធាត់ជ្រុល
•កូឡេស្តេរ៉ូឡើងខ្ពស់
•សម្ពាធឈាមឡើងខ្ពស់
អ្នកស្រាវជ្រាវបានធ្វើការសង្កេតទៅលើក្មេងប្រមាណ៨៩៦១នាក់ ហើយបានរកឃើញថា ក្មេងអាយុពី២ទៅ១១ឆ្នាំ មិនដល់មួយភាគរយផង ដែលញ៉ាំអាហារផ្តល់សុខភាព ។
ប្រហែលជាមួយភាគបីនៃក្មេងទាំងអស់គឺធាត់ ឬធាត់ជ្រុល ។ ៨០ភាគរយនៃក្មេងទាំងអស់ គ្រាន់តែអាចញ៉ាំសមាសធាតុមួយនៃសមាសធាតុទាំងប្រាំដែលត្រូវបានគេចាត់ទុកថា ជាផ្នែកមួយនៃរបបអាហារផ្តល់សុខភាព ៖
•ញ៉ាំបន្លែ និងផ្លែឈើបួនទៅ៥ពេលក្នុងមួយថ្ងៃ
•ញ៉ាំត្រីពីរដងក្នុងមួយសប្តាហ៍
•របបអាហារមានជាតិប្រៃទាប
•ភេសជ្ជៈមានជាតិផ្អែមទាប
•ញ៉ាំអាហារជាគ្រាប់ធញ្ញជាតិជាទៀងទាត់
ខណៈពេលដែលការខូចខាតរបស់បេះដូងនៅថ្ងៃក្រោយ មិនត្រូវបានវាយតម្លៃដោយផ្ទាល់នៅក្នុងការសិក្សានេះទេ វាគ្រាន់តែសង្ខេបទៅលើតម្រូវការដើម្បីជំរុញដល់សុខភាពនៅថ្ងៃក្រោយប៉ុណ្ណោះ ។ ជំងឺបេះដូងនាពេលបច្ចុប្បន្ននេះមិនត្រូវបានលេចធ្លោខ្លាំងជាងជំងឺមហារីកឡើយ ព្រោះជំងឺមហារីកជាដើមហេតុនាំឲ្យមនុស្សស្លាប់ច្រើនជាងគេនៅក្នុងប្រទេសអភិវឌ្ឈន៍ ៕
ចែករំលែកព័តមាននេះ