រាជធានីភ្នំពេញ ៖ លោកស្រី Clairen Vander Vaeren តំណាងអង្គការUNDPប្រចាំកម្ពុជានៅថ្ងៃទី២១ ខែកុម្ភៈ ឆ្នាំ២០១៨ នេះបានបញ្ចប់បេសកកម្មការងាររបស់លោកស្រីនៅកម្ពុជា…
រាជធានីភ្នំពេញ ៖ លោកស្រី Clairen Vander Vaeren តំណាងអង្គការUNDPប្រចាំកម្ពុជានៅថ្ងៃទី២១ ខែកុម្ភៈ ឆ្នាំ២០១៨ នេះបានបញ្ចប់បេសកកម្មការងាររបស់លោកស្រីនៅកម្ពុជា និងបានចូលជម្រាបលាលោកទេសរដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស ។ លោកស្រីបានប្រកាសបន្តសហការនិងជួយដល់រាជរដ្ឋាភិបាលកម្ពុជាទៀត ។
លោក ជុំ សុន្ទរី អ្នកនាំពាក្យក្រសួងការបរទេសបានលើកឡើងថា លោកទេសរដ្ឋមន្ត្រី ប្រាក់ សុខុន បានថ្លែងថា លោកសស្រីបានចំណាយពេលវេលាយ៉ាងច្រើនក្នុងការបំពេញការងាររបស់លោកស្រីនៅកម្ពុជាកន្លងមក ។ អង្គការUNDPរបស់លោកស្រីបានពង្រឹងកិច្ចសហការប្រតិបត្តិការជាដៃគួជាមួយរដ្ឋាភិបាលកម្ពុជា និងអង្គការអន្តរជាតិនានានៅកម្ពុជា ។ លោកបានបញ្ជាក់ថាលោកស្រី Clairen Vander Vaeren ជាដៃគួដ៏សំខាន់ និងតាមរយៈជំនួយដល់រាជរដ្ឋាភិបាលកម្ពុជាក្រុមអង្គការសហប្រជាជាតិបានរួមវិទានដ៏សំខាន់សម្រាប់ការរីកចំរើនផ្នែកសេដ្ឋកិច្ច ការរីកចំរើនដោយចីរភាពរបស់កម្ពុជា ។ ការគាំពារផ្នែកសង្គម ធនធានមនុស្សនិងសិទ្ធិមនុស្សនៅក្នុងប្រទេសកម្ពុជា ។
លោក ជុំ សុន្ទរី បានលើកឡើថា លោកទេសរដ្ឋមន្ត្រីបានបញ្ជាក់ពីការជួយរបស់អង្គការសហប្រជាជាតិដល់កម្ពុជាសម្រេចបានគោលដៅអភិវឌ្ឍន៍ជាច្រើនរបស់កម្ពុជា មនុស្សធម៌ ការដោះមីន និងការចូលរួមរបស់កម្ពុជាក្នុងការរក្សាសន្តិភាពរបស់អង្គការសហប្រជាជាតិ ។ ក្នុងការបំពេញបេសកកម្មនៅកម្ពុជាលោកស្រីបានពង្រឹងភាពជាដៃគូរវាងដៃគូនានានៃអង្គការសហប្រជាជាតិ ជាមួយរាជរដ្ឋាភិបាលកម្ពុជា ហើយសម្រេចបានសមិទ្ធិជាច្រើនក្នុងរយៈពេល៥ឆ្នាំនៅកម្ពុជា ។
លោកទេសរដ្ឋមន្ត្រី បានគូសបញ្ជាក់ផងដែរថា ក្នុងនាមលោកស្រីជាអ្នក សម្របសម្រួលនិងជាប្រធានអង្គការ UNDP នៅកម្ពុជា គឺលោកស្រីបានធ្វើជាដៃគូដ៏ជិរស្និទ្ធរបស់ក្រសួងការបរទេស។តាមរយៈជំនួយអភិវឌ្ឍន៏របស់អង្គការសហប្រជាជាតិបានផ្តល់នូវការចូលរួមវិភាគទានដ៏សំខាន់ចំពោះការរីកចំរើនផ្នែកសេដ្ឋកិច្ច,សង្គមកិច្ច គាំពារសង្គម ,ការអភិវឌ្ឍន៏ធនធានមនុស្ស ,អភិបាលកិច្ច ល្អ,បញ្ហាសិទ្ធិមនុស្សនិងការអភិវឌ្ឍន៏ប្រកបដោយចីរភាពនៅកម្ពុជា ៕
ចែករំលែកព័តមាននេះ