ប្រទេសរុស្ស៊ី-ប្រទេសស៊ីរី ៖ ក្រសួងការបរទេសរុស្ស៊ីកាលពីថ្ងៃទី២០ កុម្ភៈ ទទួលស្គាល់ថា ជនជាតិរុស្ស៊ី ឬជនជាតិនៃបណ្តាអតីតសាធារណរដ្ឋសូវៀតច្រើនសិបនាក់បានស្លាប់ ឬរបួសក្នុងការប៉ះទង្គិចគ្នានាពេលថ្មីៗនេះនៅស៊ីរី ។
យោងតាមប្រភព៣ដែលរ៉យទ័រសាកសួរថា មនុស្សប្រមាណជា៣០០នាក់ ដែលធ្វើការឱ្យក្រុមហ៊ុន WAGNER ជាក្រុមហ៊ុនយោធាឯកជនរុស្ស៊ីមួយបានត្រូវស្លាប់ ឬរបួសកាលពីថ្ងៃទី៨ កុម្ភៈ កន្លងទៅ ដោយសារការវាយប្រហារតាមអាកាស និងតាមជើងគោករបស់ក្រុមចម្រុះក្រោមបញ្ជារបស់អាេមរិកនៅភាគឦសានស៊ីរីជិតក្រុង DEIR EZZOR ។
រហូតមកទល់ពេលនេះ ក្រសួងការបរទេសរុស្ស៊ីទទួលស្គាល់ថា ជនជាតិរុស្ស៊ី៥នាក់ស្លាប់ក្នុងឧប្បត្តិហេតុនេះហើយ ចាត់ទុកជាការបំផ្លើសរាល់ព័ត៌មានចេញផ្សាយតាមសារព័ត៌មានដែលរៀបរាប់ពីតុល្យការយ៉ាងខ្ពស់មួយ ។
ក្នុងសេចក្តីប្រកាសមួយចេញផ្សាយថ្ងៃទី២០ កុម្ភៈ ក្រសួងការបរទេសរុស្ស៊ីនិយាយលម្អិតលើការប៉ះទង្គិចគ្នាថា ក្នុងការប៉ះទង្គិចគ្នាខាងយោធាមួយនាពេលថ្មីៗនេះពុំមានទាហានរុស្ស៊ីណាម្នាក់ចូលរួមឡើយ មានតែជនជាតិរុស្ស៊ី និងជនជាតិនៃសហគមន៍រដ្ឋឯករាជ្យ CEI (បណ្តា
រដ្ឋនៃអតីតសហភាពសូវៀត) ត្រូវស្លាប់ ឬ
របួស។ សេចក្តីប្រកាសបន្តថា បណ្តាអ្នករបួស
ត្រូវបានបញ្ជូនមកព្យាបាលនៅតាមមន្ទីរពេទ្យ
ផ្សេងៗក្នុងប្រទេសរុស្ស៊ី ។
ក្រសួងការបរទេសរុស្ស៊ីបញ្ជាក់ថា បណ្តាជនជាតិរុស្ស៊ីដែលទៅកាន់ស៊ីរីគឺតាមគំនិតរបស់ពួកគេផ្ទាល់ និងជាមួយទិសដៅផ្សេងៗគ្នា ។ ពុំមែនក្រសួងការបរទេសទេជាអ្នកវាយតម្លៃលើភាពស្របច្បាប់ និងភាពត្រឹមត្រូវនៃការសម្រេចចិត្តទាំងនេះ ៕
ចែករំលែកព័តមាននេះ