រាជធានីភ្នំពេញ ៖ នៅថ្ងៃនេះ សម្តេចអគ្គមហាសេនាបតីតេជោ ហ៊ុន សែន បាននិយាយខ្លាំងៗរឿងគាត់ទៅអូស្ត្រាលី។ សម្តេចបានព្រមានអ្នកតវ៉ាប្រឆាំងរូបសម្តេច គឺមានចំនួនតិចជាងអ្នកគាំទ្រសម្តេច។ សម្តេចបានព្រមានថា…
រាជធានីភ្នំពេញ ៖ នៅថ្ងៃនេះ សម្តេចអគ្គមហាសេនាបតីតេជោ ហ៊ុន សែន បាននិយាយខ្លាំងៗរឿងគាត់ទៅអូស្ត្រាលី។ សម្តេចបានព្រមានអ្នកតវ៉ាប្រឆាំងរូបសម្តេច គឺមានចំនួនតិចជាងអ្នកគាំទ្រសម្តេច។ សម្តេចបានព្រមានថា កុំឲ្យបាតុករដុតរូបថតរបស់សម្តេចឲ្យសោះ បើមិនអញ្ចឹង នឹងតាមចាប់ដល់ផ្ទះ ។ នេះបើយោងតាមសម្តេចតេជោបានមានប្រសាសន៍នៅព្រឹកថ្ងៃទី២១ ខែកុម្ភៈ ឆ្នាំ២០១៨ ខណៈសម្តេចអញ្ជើញសំណេះសំណាលជាមួយបងប្អូនកម្មករនិយោជិតចំនួន១៥.១៩៧នាក់ មកពីរោងចក្រ១៥ ក្នុងនោះខណ្ឌសែនសុខចំនួន១០ ខណ្ឌមានជ័យចំនួន៣ និងខណ្ឌពោធិ៍សែនជ័យចំនួន២ នៅតំបន់ទឹកថ្លា រាជធានីភ្នំពេញ។
សម្តេចតេជោបញ្ជាក់ថា «វត្តមានរបស់សម្តេចនៅអូស្ត្រាលី គឺមិនមែនដើម្បីអូស្ត្រាលី ហៅគាត់ទៅស្តីបន្ទោស ឬដាក់គំនាបទេ។ សម្តេចបន្តថា ផ្ទុយទៅវិញ គឺសម្តេចទេ ជាអ្នកមានឥទ្ធិពល ហើយអាចដាក់គំនាបលើអូស្ត្រាលី បើសិនជាគាត់មិនគាំទ្រ ឬក៏វេតូនោះ នោះសេចក្តីថ្លែងការណ៍អាស៊ាន អូស្ត្រាលី មិនអាចចេញរួច»។
សម្តេចនាយករដ្ឋមន្ត្រីឲ្យដឹងទៀតថា «សូម្បីតែអង្គការសហប្រជាជាតិ ដែលបានជួបប្រជុំជាមួយគាត់កាលពីម្សិលមិញ ថ្ងៃទី២០ កុម្ភៈ ក៏គ្រាន់តែជាកិច្ចប្រជុំនិយាយពីសហប្រតិបត្តិការរវាងកម្ពុជា និងអង្គការសហប្រជាជាតិប៉ុណ្ណោះ។ មិនមែនជាការជួបប្រជុំ ដើម្បីដាក់ការគាបសង្កត់ ឬក៏ស្តីបន្ទោសលើ ហ៊ុន សែន ទេ»៕
ចែករំលែកព័តមាននេះ