ខេត្តកែប ៖ ម៉ូតូអាសង់កូរ៉េមួយគ្រឿងបើកបរដោយសិស្សសាលា និងមានអ្នករួមដំណើរ២នាក់ខាងក្រោយផងបានបុកស្ត្រីម្នាក់ដែលដើរឆ្លងផ្លូវបណ្តាលឲ្យរងរបួសយ៉ាងធ្ងន់ធ្ងរ រីឯម៉ូតូបង្កបានដួលបណ្តាលឲ្យអ្នកបើកបរ និងអ្នករួមដំណើរ២នាក់ទៀតបានរងរបួសមធ្យម និងស្រាល ។ ហេតុការនេះកើតឡើងកាលពីវេលាម៉ោង៧នឹង៣០នាទីយប់ ថ្ងៃទី២០ខែកុម្ភៈ…
ខេត្តកែប ៖ ម៉ូតូអាសង់កូរ៉េមួយគ្រឿងបើកបរដោយសិស្សសាលា និងមានអ្នករួមដំណើរ២នាក់ខាងក្រោយផងបានបុកស្ត្រីម្នាក់ដែលដើរឆ្លងផ្លូវបណ្តាលឲ្យរងរបួសយ៉ាងធ្ងន់ធ្ងរ រីឯម៉ូតូបង្កបានដួលបណ្តាលឲ្យអ្នកបើកបរ និងអ្នករួមដំណើរ២នាក់ទៀតបានរងរបួសមធ្យម និងស្រាល ។ ហេតុការនេះកើតឡើងកាលពីវេលាម៉ោង៧នឹង៣០នាទីយប់ ថ្ងៃទី២០ខែកុម្ភៈ ឆ្នាំ២០១៨ នៅលើកំណាត់ផ្លូវជាតិលេខ៣៣ ត្រង់ចំណុចខាងលិចមណ្ឌលសុខភាព អូក្រសារចម្ងាយប្រមាណជិត១០០ម៉ែត្រ ស្ថិតក្នុងភូមិដំណាក់ចំបក់ សង្កាត់អូក្រសារ ក្រុងកែប ខេត្តកែប ។
សមត្ថកិច្ចចរាចរក្រុងកែបបានឲ្យដឹងថា ក្នុងហេតុការគ្រោះថ្នាក់ចរាចរខាងលើគឺបង្កឡើងដោយម៉ូតូបើកបរក្នុងទិសដៅពីលិចទៅកើតហើយគ្មានភ្លើងបំភ្លឺផ្លូវទេទើបបណ្តាលឲ្យបើកមកដល់ចំណុចកើតហេតុដោយជនរងគ្រោះមិនដឹងថា មានម៉ូតូមកដល់ក៏ដើរឆ្លងផ្លូវបណ្តាលឲ្យម៉ូតូនោះតែម្តង ។
ក្រោយពីមានហេតុការស្ត្រីរងគ្រោះដែលដើរឆ្លងផ្លូវបានរងរបួសធ្ងន់ ចំណែកភាគីខាងម៉ូតូអ្នកបើកបររងរបួសមធ្យម រីឯអ្នករួមដំណើរ២នាក់ខាងក្រោយបានរងរបួសស្រាល ហើយជនរងគ្រោះទាំងធ្ងន់ទាំងស្រាលសមត្ថកិច្ចបានហៅរថយន្តសាមុយរបស់មន្ទីរពេទ្យខេត្តកែបដឹកទៅសង្គ្រោះនិងព្យាបាលនៅមន្ទីរពេទ្យបង្អែកខេត្តកំពតទាំងអស់គ្នា ៕
ចែករំលែកព័តមាននេះ