រុស្ស៊ី ៖ តាមប្រភពព័ត៌មាន Viral4real បានឲ្យដឹងថា ក្មេងស្រីអាយុ៣ឆ្នាំ ត្រូវបានសីតុណ្ហភាពត្រជាក់ទាបជាងសូន្យសម្លាប់ ក្រោយពេលគ្រូភ្លេចហៅត្រឡប់ចូលថ្នាក់ បន្ទាប់ពីចេញលេង។ កុមារី…
រុស្ស៊ី ៖ តាមប្រភពព័ត៌មាន Viral4real បានឲ្យដឹងថា ក្មេងស្រីអាយុ៣ឆ្នាំ ត្រូវបានសីតុណ្ហភាពត្រជាក់ទាបជាងសូន្យសម្លាប់ ក្រោយពេលគ្រូភ្លេចហៅត្រឡប់ចូលថ្នាក់ បន្ទាប់ពីចេញលេង។
កុមារី Zakhra Rzayeva ត្រូវបានស្លាប់ដោយទឹកកក ក្រោយពេលចេញលេងមិនចូលថ្នាក់។ គេរកឃើញនាងនៅក្នុងគំនរព្រិលនៅសាលាមត្តេយ្យមូស្គូ ដែលមានសីតុណ្ហភាពដក៥អង្សាសេ។ ពេលនោះឡានពេទ្យបានមកជួយសង្គ្រោះដែរ តែជួយមិនទាន់។
សាលាមត្តេយ្យនោះត្រូវបានគេស្គាល់ថា មានលេខ ២១២០។ ខាងគ្រូប្រាប់ថា នេះមកពីភ្លេចហៅនាងចូលថ្នាក់វិញ បានទៅជាបែបនេះ។ គេស្មានតែសិស្សគ្រប់គ្នាអស់ហើយបានចូលថ្នាក់ តែមិននឹងស្មានសោះថា ភ្លេចនាងម្នាក់នៅខាងក្រៅកណ្តាលវាលព្រិល។ ក្រោយពេល២ម៉ោងទៅហើយ ទើបនឹកឃើញ ហើយទៅរកមើល។ នេះយឺតពេលបាត់ទៅហើយ។
Rizvan Rzayev និង Gulnara Shakhadat ដែលជាម្តាយឪពុករបស់ក្មេងស្រីរន្ធត់ដល់ថ្នាក់និយាយអ្វីមិនចេញ ហើយទុកឲ្យមិត្តភក្តិនិយាយជំនួសវិញ។ លោក Ramil Gadzhiyev ដែលជាមិត្តភក្តិបានប្រាប់ថា ក្មេងស្រីដែលស្លាប់នេះមានអាការៈចម្លែកនៅប៉ុន្មានសប្តាហ៍មុនពេលស្លាប់។ នាងតែងតែមិនចង់មកសាលា ព្រោះខ្លាចគ្រូ។
ពេលនេះប៉ូលិសកំពុងធ្វើការស៊ើបអង្កេត ដើម្បីរកមូលហេតុស្លាប់ជាក់លាក់មួយ។ វាពិតជាគួរឲ្យអាណិតណាស់ ដែលក្មេងស្រីម្នាក់មកស្លាប់យ៉ាងវេទនាបែបនេះទៅវិញ៕
ចែករំលែកព័តមាននេះ