ផ្ទះជាច្រើនរយខ្នងគ្របដណ្តប់ដោយកម្ទេចផេះក្រោយការផ្ទុះ
ប្រទេសឥណ្ឌូណេស៊ី ៖ ប្រមុខមជ្ឈមណ្ឌលជាតិសិក្សាភ្នំភ្លើងថ្លែងថា ភ្នំភ្លើង SINABUNG លើកោះស៊ូម៉ាត្រា ឥណ្ឌូណេស៊ី បានផ្ទុះកាលពីថ្ងៃទី១៩ កុម្ភៈ ។…
ប្រទេសឥណ្ឌូណេស៊ី ៖ ប្រមុខមជ្ឈមណ្ឌលជាតិសិក្សាភ្នំភ្លើងថ្លែងថា ភ្នំភ្លើង SINABUNG លើកោះស៊ូម៉ាត្រា ឥណ្ឌូណេស៊ី បានផ្ទុះកាលពីថ្ងៃទី១៩ កុម្ភៈ ។
ភ្នំភ្លើងនេះបានបញ្ចេញទៅកាន់បរិយាកាសនូវផ្សែងយ៉ាងក្រាស់កម្ពស់ដល់ជិត៥.០០០ម៉ែត្រ ហើយជះផេះមកលើភូមិជាច្រើន ។ នោះជាការផ្ទុះយ៉ាងខ្លាំងបំផុតនៃភ្នំភ្លើង SINABUNG នាឆ្នាំនេះ ។ រង្វង់សន្តិសុខមួយចម្ងាយ៧គីឡូម៉ែត្រពីភ្នំភ្លើងត្រូវបានបង្កើតឡើង ។ ពុំមានប្រជាជនណាម្នាក់ស្ថិតក្នុងតំបន់នេះឡើយ ហើយអាជ្ញាធរឥណ្ឌូណេស៊ីពុំបានរាយការណ៍ពីមនុស្សស្លាប់ ឬរបួសឡើយ ។
ទោះបីយ៉ាងណា ផ្ទះជាច្រើនរយខ្នងស្ថិតក្រៅតំបន់សន្តិសុខគ្របដណ្តប់ដោយកម្ទេច និងផេះភ្នំភ្លើង ។ ម៉ាស់ការពារមុខត្រូវបានចែកចាយដល់ប្រជាជន ។ អាជ្ញាធរស្នើដល់ប្រជាជនឱ្យស្ថិតនៅក្នុងផ្ទះចៀសវាងកុំឱ្យមានបញ្ហាដល់ការដកដង្ហើម ។ ក្នុងភូមិមួយចំនួនផ្សែងភ្នំភ្លើងអាចឱ្យគេមើលឃើញត្រឹមចម្ងាយ៥ម៉ែត្រ ក្រោយភ្នំភ្លើងនេះផ្ទុះ ។
ភ្នំភ្លើង SINABUNG បានផ្ទុះយ៉ាងយូរកាលពីឆ្នាំ២០១៣ ក្រោយរយៈពេលស្ងប់យ៉ាង
តិច៤០០ឆ្នាំ ។ ភ្នំភ្លើងនេះជាភ្នំភ្លើងសកម្មមួយក្នុងចំណោមភ្នំភ្លើងសកម្មចំនួន១២៩នៅឥណ្ឌូណេស៊ី ៕
ចែករំលែកព័តមាននេះ