ប្រទេសថៃ ៖ អ្នកមានជប៉ុនម្នាក់កាលពីថ្ងៃទី២០ កុម្ភៈ ដណ្តើមបានសិទ្ធិចិញ្ចឹមកុមារ១៣នាក់ ដែលកើតពីម្តាយផ្ទុកមេរោគអេដស៍នៅថៃ ដែលរឿងនេះនាំឱ្យផ្ទុះរឿងអាស្រូវមួយហៅ «រោងចក្រកូន» ។
ពេលបញ្ចប់រឿងក្តីនេះ ដែលមានការចាប់អារម្មណ៍ខ្លាំងរបស់សារព័ត៌មានអន្តរជាតិ ក្រោយលាតត្រដាងកាលពីឆ្នាំ២០១៥ តុលាការសម្រាប់កុមារក្រុងបាងកកបានលើកពី «សុភមង្គលរបស់កុមារទាំង១៣នាក់ ដែលកើតពីម្តាយផ្ទុកមេរោគអេដស៍» ដើម្បីជាហេតុផលនៃការសម្រេចរបស់ខ្លួនផ្តល់ឱ្យលោក MITSUTOKI SHIGETA នូវសិទ្ធិទាំងស្រុងធ្វើជាឪពុកម្តាយពួកគេ ។ តុលាការនិយាយថា ឪពុកចិញ្ចឹមពួកគេពុំធ្លាប់មានប្រវត្តិមិនល្អឡើយ ។ ការសម្រេចនេះរបស់តុលាការថៃអាចឱ្យលោក MITSUTOKI SHIGETA ជាអ្នកមានជប៉ុនម្នាក់ទទួលបានមរតកច្រើននាំពួកកូនចិញ្ចឹមរបស់គាត់ទៅជប៉ុន ។
តុលាការបញ្ជាក់ថា អ្នកមានជប៉ុនរូបនោះបានរៀបចំរួចរាល់ហើយនូវកន្លែងរស់នៅ ហើយសន្យាចិញ្ចឹមបីបាច់ពួកគេឱ្យបានល្អបំផុត ។
អ្នកមានរូបនោះដែលមិនងាយចេញមុខក្រោយផ្ទុះរឿងអាស្រូវនោះពុំមានវត្តមាននៅ
ក្រុងបាងកកឡើយនាថ្ងៃទី២០ កុម្ភៈ ។ មេធាវីរបស់គាត់ជាជនជាតិថៃ លោក KONG SURIYAMONTOL បញ្ជាក់ថា ការបញ្ជូនកុមារទាំង១៣នាក់នោះទៅជប៉ុននឹងត្រូវធ្វើការចរចាជាមួយរដ្ឋាភិបាលថៃ ។ ពេលសួរពីហេតុផលហេតុអីអ្នកមានរូបនោះចង់បានក្មេងច្រើនម្ល៉េះ មេធាវីរូបនោះថ្លែងទៅកាន់សារព័ត៌មានថា កូនក្តីលោកចង់បានគ្រួសារធំមួយ៕
ចែករំលែកព័តមាននេះ